Ai kërkoi që të ngelej fokusi te objekti që ka ky komision, ndërsa kujtoi thirrjen publike për institucionet. Mes të tjerash, ai i bëri thirrje institucioneve që mos të bëjnë falsifikime për këtë çështje.

“Ka një thirrje për institucionet, sidomos për Policinë që të mos falsifikojë proces-verbale apo protokolle apo akte të tjera, që do jenë objekt i këtij Komisioni Hetimor. Unë besoj se një kontribut do ketë edhe nga PS, se dihet se ata e duan shumë reformën në drejtësi”, tha ai.

The post Sistemi TIMS/ Paralajmërimi i Salianjit: Mos falsifikoni protokolle dhe procesverbale appeared first on Albeu.com.

Sipas Ballës, të dhënat janë 100% të mbrojtur, ndërsa shtoi se pretendohet po verifikohet mga Prokuroria.

“Lidhur me pretendimet për rrjedhje të informacionit në sistemin TIMS, garantoj çdo shqiptar dhe të huaj se të dhënat e tyre janë 100% të mbrojtura. Nuk ka asnjë të dhënë që ka rrjedhur nga ky sistem i fortifikuar, falë asistencës së partnerëve tanë të huaj.

Sistemi është 100% funksional, pretendimet për një çështje të operimit të brendshëm, nuk ka shqetësim për rrjedhje të dhënash. Jam informuar në kohë reale nga vetë personat që pretendonin  për këtë problematikë dhe i kam kërkuar Drejtorit të Përgjithshëm të Policisë dhe Drejtorit të Agjencisë së Mbikëqyrjes Policore, përfshirjen e menjëhershme të Prokurorisë AntiKorrupsion, por sugjeruan që të ndiqej nga Prokuroria e Tiranës. Kjo e fundit ka regjistruar një procedim, e mbështes dhe në çdo rast duhet të vendosim një standard që kur Prokuroria nis hetimin ne duhet të heshtim.

Garantoj qytetarët shqiptarë dhe të huaj që kanë hyrë dhe dalë në kufijtë e Republikës së Shqipërisë. Gjithë pretendimet të verifikohen nga Prokuroria, ta thotë ajo fjalën e fundit.

Nxis çdo rast të hetohet nga Prokuroria, por rezulton se s’ka pasur asnjë rrezik, kopjim apo akoma më keq, kur balta kthehet në piedestal, që të ketë përdorim të këtyre të dhënave. Është e pamundur, do vij sa herë të më kërkoni”, tha Balla./albeu.com

The post Rrjedhje informacioni në sisitemin TIMS? Balla: Të dhënat janë 100% të mbrojtura appeared first on Albeu.com.

Skandali u publikua fillimisht në media ku u tha se të dhënat e TIMS nuk ishin vjedhur nga iranianët siç u tha, por drejtues të Policisë së Shtetit. Në qendër të akuzave është Ervin Muça, i emëruar rishtazh si drejtori i Departamentit të Teknologjisë së Informacionit.

Sipas Prognit, Ervin Muça vazhdon i qetë punën sikur s’ka ndodhur skandali, ndërsa shton se denoncuesit e vjedhjes së të dhënave nga TIMS janë kërcënuar me jetë.

Postimi i Gent Prognit:

Ne 29 mars kete vit ne media doli lajmi si Gjykata e Tiranes denoi dy ish zyrtaret IT te Drejtorise se Tatimeve Eni Qirjakon me Andi Agaraj per shperdorim detyre se nxorren te dhenat e pagave  te 630 mije shqiptareve nga databaza e “Sistemit Cats” te Tatimeve dhe i shiten.

Sa u denuan pas dy vjet hetime?

Eni Qirjako me 32 muaj sherbim prove, Andi Agaraj me 4 vjet sherbim prove. Shefi i tyre Ervin Muca nuk u prek fare, as nuk u akuzua se, “sdinte gje”.

Ja sa e thjeshte eshte te shpetosh pa u lagur po vodhe serverat e Tatimeve pastaj ato te Policise se Shtetit kur ke drejtor Ervin Mucen. Nuk te gjen gje, ste prek shteti as gjykata. Nuk ben hic burg, maksimumi ca sherbim prove me pune detyruese, pastron Lanen.

Sherbimi proves me Mbikqyrje elektronike ka dale nga loja ka shtat vjet qe  s’funksionon fare qe kur tenderin per byzylyket elektronik e fitoi Soft & Solution e Ermal Beqirit, shefit te Ervin Muces.

Media dha alarmin ne janar 2022 kur doli lista me paga qe u shpernda virale brenda dites me Ëhatsap. Doli dhe lista me 900 mije numra celulari dhe nje me 530 mije targa makinash. Prokuroria dhe policia u ngrit ne kembe me konferenca shtypi sepse opinioni publik u nxeh shume nga kjo rrjedhje te dhenash.

Duhej nje zgjidhje qe mos prekeshin autoret e vertete Muca me shefat lart tij. U “kapen” dy autoret qe nxorren listen e pagave te tatimeve. Ata pranuan fajin dhe u bene bashkepunetore te drejtesise dhe me kaq skandali u mbyll. Sherbim prove 32 muaj per Qirjakon dhe 4 vjet sherbim prove per Agaraj. Punonjesit e tatimeve e dinin te verteten kur vinin hetuesit por asnje nuk foli .

Nuk foli njeri pse dhe si ndodhi por u mbajt versioni “u shiten” per 200 mije lek tek dy tipa qe i donin per pune biznesi dhe kredie permbarimi.

Eni Qirjako nga frika kur e arrestuan ne fillim tregoi ne polici te verteten “Kam njoftuar drejtorin Ervin Muça se useri nga i cili kan dale te dhenat mbante emrin Moza Seraj. Une kerkova ndryshimin e userit me emrin Moza Seraj te shefi por ndryshimi nuk u be prej tij”. Deklarimi I Eni Qirjakos e fuste ne valle pergjgjesie Ervin Mucen ndaj ne gjykate ajo i ndryshoi deklarimet.

Keshtu po kerkohet te perfundoje edhe vjedhja e Timsit nga banda e Mirlinda Karacanaj qe solli ne polici Ervin Mucen drejtor IT. Po perpiqen ta mbyllin me heshtje dhe zvarritje. Tre jave kaluan. Pas nje viti a dy “hetime” do dali ndonje viktime te denohet me sherbim prove. AMP e Ard Veliut erdhi me vrull ne 4 gusht pasi media dha alarmin e grabitjes se TIMS. Bllokoi dyert e Komisariatir nr 3 ku jane zyrat dhe serverat e policise.

Ne fillim u duk sikur po behej nami sikur do arrestoheshin te gjithe qe te dilte e verteta por u desh vetem fundjava 5,6 Gusht qe te  “zbutej” Ard Veliu me gjithe Met Rrumbullakun. Diku i thirren te dy dhe i orientuan si do vepronin. Kthyen per tre dite ne pune Ervin Mucen. Denoncuesit qe ngriten alarmin e vjedhjes se Tims u kercenuan me jete gjate asaj fundjave dhe qe ate dite s’dihet ku jane fshehur.

**AMP e percolli qe me dat 10 gusht ceshtjen per prokurori dhe jo dje me 22 si ja shiten medias sikur ishte lajm dite. AMP e dergoi “lajmin” nga halli i medias qe e hapi perseri kete skandal kur mori vesh se Ervin Muca ishte akoma ne polici edhe pse per skandalin foli dhe amabasada para ca ditesh.

Prokuroria ska filluar asnje ceshtje ka dhjet dite. Ne gusht jane pushim ska short as prokuror qe te merret me ceshtjen qe percolli AMP e Ard VEliut. Met Rrumbullaku “mori” lejen kete periudhe qe mos ishte aty…thashethemet thone qe e kercenoi Mirlinda Karcanaj ta shkarkonte direkt po nuk i hoqi pezullimin Ervinit.

Ervin Muca vazhdon I qete punen sikur ska ndodhur skandali. Duke qene ne zyrat e Policise manipulon provat dhe punonjesit derisa te vije shtatori kismet do kete ngjarje te tjera dhe do harrohe dhe kjo.

Do harrohet si u shkarkuan nga serverat e Policise se Shtetit të dhenat e TIMS nga civilet me hardisk te jashtem Usb ne xhep. Ata u futen ne Komisariat nga Ervin Muca serbes serbes pa u ndaluar nga askush. Ata sjane ndaluar ose arrestuar me pas.

Usb qe kopjoi te dhenat e TIMS sdihet ku eshte tani, a eshte ne Qipro apo ndonje kopje ka perfundu ne Dubai…/albeu.com

The post Eksperti i IT: Punonjësit që denoncuan vjedhjen e TIMS janë kërcënuar me jetë appeared first on Albeu.com.

Lala u shpreh se ambasada e SHBA-ve kërkoi nisjen e hetimeve pasi në mesin e personave që iu janë cenuar të dhënat janë edhe shtetas amerikanë.

Ajo theksoi se dyshohet së në marrjen e të dhënave janë përfshirë zyrtarë të Policisë së Shtetit, dhe bëhet fjalë për një grup të strukturuar.

“Në mesin e personave që iu janë cenuar të dhënat janë edhe shtetas amerikanë. Prokuroria nuk ka dhënë të dhëna në lidhje me zyrtarët apo personat që dyshohen të kenë ndërhyrë në mënyrë të paautorizuar në sistemin TIMS, gjithashtu nuk ka të qartë se përse këto të dhëna janë aksesuar në mënyrë të paligjshme dhe për çfarë do të përdoren.

Në Shqipëri janë nxjerrë të dhënat sensitive që kanë të bëjnë me qytetarët shqiptarë, fillimisht qeveria ngriti pretendimet se sistemet qeveritare ishin sulmuar nga hakera iranianë, Por rasti i fundit nuk ka të bëjë me hakërrim por me përfshirje direkte të zyrtarëve të Policisë së Shtetit por edhe persona të tjerë të paautorizuar që kanë ndërhyrë në sistemin TIMS duke marrë prej andej të gjitha të dhënat.

Ky skandal është i përmasave të mëdha. Ka dyshime për një grup të strukturuar kriminal dhe bashkëpunim të disa institucioneve për të ndërhyrë dhe për të pasur në duar të dhënat sensitive që kanë të bëjnë me hyrje daljet në territorin e republikës së Shqipërisë, por nga ana tjetër janë të gjitha të dhënat për personat që rezultojnë të kërkuar apo të shpallur në kërkim nga ana e policisë shqiptare dhe sigurisht dalja në publik e këtyre të dhënave do të dëmtonte çështje hetimore që kanë në duar Prokuroritë shqiptare, përfshirë SPAK”, tha gazetarja Klodiana Lala.

The post Dyshohet për grup të strukturuar kriminal në Policinë e Shtetit! Gazetarja zbardh detajet nga vjedhja e të dhënave TIMS appeared first on Albeu.com.

Kallëzimi i AMP vjen pak ditë pasi ambasada e SHBA ngriti shqetësimin për rrjedhjen e të dhënave.

I ngarkuari me punë i ambasadës amerikane në Tiranë, Martin McDowell në një takim me ministrin e Brendshëm Taulant Balla shprehu shqetësimin e SHBA lidhur me shkeljen në sistemin TIMS në Policinë e Shtetit, duke kërkuar hetim të shpejtë dhe të plotë.

McDowll i shprehu gjithashtu ministrit se SHBA është e gatshme të mbështesë Ministrinë dhe Policinë e Shtetit Shqiptar në hetimin e tyre.

“I Ngarkuari me Punë i Ambasadës në Tiranë, H. Martin McDowell u takua sot me Ministrin e Brendshëm Taulant Balla. Ata diskutuan bashkëpunimin SHBA-Shqipëri në fushën e zbatimit të ligjit dhe mbështetjen për një sërë çështjesh të lidhura me sigurinë. I ngarkuari me Punë McDowell vuri në dukje shqetësimet e SHBA në lidhje me ndërhyrjen e raportuar në sistemet TIMS në Policinë e Shtetit.

Ai nxiti një hetim të shpejtë dhe të gjithanshëm dhe theksoi rëndësinë që ka mbrojtja e të dhënave vetjake/sensitive, përfshi edhe të qytetarëve amerikanë në Shqipëri. McDowell i tha gjithashtu Ministrit Balla se Shtetet e Bashkuara janë të gatshme ta mbështesin Ministrinë dhe Policinë e Shtetit në hetimin e tyre”, u tha në njoftimin e Ambasadës./Albeu.com

The post Skandali i sistemit TIMS, AMP kallëzim në Prokurorinë e Tiranës appeared first on Albeu.com.

Stafa thotë se ishte Ervin Muça, drejtori i IT në Policinë e Shtetit, ai që e inicioi të gjithë gjarjen.

Sipas gazetarit, në krimin e rëndë janë përfshirë dhe punonjës të një kompanie private, ndërkohë që qeveria po mundohet të mbyllë skandalin.

Denoncimi i plotë  

Të dhënat personale të qytetarëve shqiptarë janë vjedhur. Ky skandal duhet të kishte marrë dhenë dhe duhet të kishte vënë në alarm Shtetin shqiptar. Por nuk ndodhi. Ky është një skandal i madh pasi më rezulton se këto të dhëna janë vjedhur nga brënda sistemit dhe konkretisht nga një proçes i iniciuar dhe drejtuar nga Drejtori i Departamentit të Teknologjisë dhe Informacionit, Ervin Muça, i emëruar në këtë post në muajt e fundit. Se pse e ndërmori ai këtë akt, duhet ta hetojë Prokuroria.

ÇFARË KA NDODHUR?
Në fillim të muajit Gusht, Ervin Muça, ka urdhëruar punonjësit e databazës dhe serverave të kryejnë eksportim të të gjithë të dhënave të TIMS në një harddisk të jashtëm, te një usb që ky person e mbante ne xhep.

Disa nga punonjësit refuzuan të përfshihen në këtë vjedhje duke njoftuar edhe shefin e tyre, Ardit Muço. Ky i fundit në mënyrë të menjëhershme njoftoi me email të gjithë sektoret që drejtonte dhe vuri në dijeni Drejtorin e Përgjithshëm të Policisë, Z. Muhamet Rrumbullaku dhe Drejtorin e Krimeve Z. Neritan Nallbati, që mos të përfshihen në procese të jashtëligjshme dhe çdo urdhër verbal që marrin, i cili është në kundërshtim me ligjin, ngarkohen individualisht nëse zbatohet.

Po atë ditë, në 2 Gusht pasdite, drejtori Ervin Muça (i akuzuar më parë për vjedhje të dhënash nga Tatimet, rasti publik i nxjerrjes së pagave të shqiptarëve) merr dy IT të jashtëm nga kompanitë që bashkëpunon dhe 1 IT nga QKB, të pa pajisur me certifikata sigurie, duke i futur në kundërshtim me ligjin brënda godines ku jane te vendosura serverat. Sipas burimeve te sigurta mësohet se ata kanë arritur të shkarkojnë të gjitha të dhënat nga serverat (të verifikohen pamjet filmike).

Procesi është kryer në prezencë të Besjon Tanuzi, i emëruar në datën 18.07.2023 në kundërshtim të hapur me ligjin dhe jo me arsimin e duhur profesional. Besojn Tanuzi ka përfunduar studimet për Administrim Biznesi, ndërkohë që është emëruar në pozicionin e Drejtorit të Serverave dhe Sistemeve në Policinë e Shtetit (pa asnjë ditë eksperiencë në Policinë e Shtetit).

KUSH ËSHTË ERVIN MUÇA?
Ervin Muça është emëruar si Drejtor i Departamentit të Teknologjisë dhe Informacionit në Policinë e Shtetit, rreth 2 muaj më parë. Më herët ai ka qënë i punësuar si Drejtor i IT në Ministrinë e Financave dhe Këshilltar i Jashtëm në Agjencinë Shtetërore të Kadastrës.

Por emërimi i vetë Ervin Muçës në këtë post është skandal më vete. Ai është emëruar aty në kundërshtim të plotë me ligjin.
Që Ervin Muça të merrte Gradën “Drejtues i Lartë” dhe të bëhej Drejtor i Departamentit të Teknologjisë dhe Informacionit, ai duhej të kalonte disa hapa dhe të zbatonte disa proçedura të rëndësishme që i dikton ligji.

Pyetjet e mia mbi emërimin e Ervin Muçës, për të cilat Policia e Shtetit dhe Ministria e Brëndshme duhet të japë përgjigje janë:

1. A janë zbatuar procedurat e emërimit të personit në fjalë?
   – A i janë marrë shenjat e gishtave në momentin e emërimit, sipas nenit 146 të Rregullores së Policisë së Shtetit? Nëse po, a ka pasur ky person probleme me ligjin më herët, brënda apo jashtë Shqipërisë?
2. A janë zbatuar procedurat për emërimin në detyrë si “Drejtues i Lartë” sipas nenit 150 si dhe 155 (pika 9) për publikimin e pozicionit në ëebsite të Policisë së Shtetit, apo emërimi ishte me porosi nga lart?
3. Në cilën datë ky person ka ndjekur kursin në Akademinë e Sigurisë për fitimin e gradës “Drejtues i Lartë” dhe në cilën datë është emëruar në detyrë?
4. A ekziston një urdhër i Drejtorit të Përgjithshëm për ndjekjen e kursit në Akademinë e Sigurisë me kohëzgjatje 4 muaj për funksionet e veçanta në këtë nivel? Nëse jo, sa është kohëzgjatja e kursit për fitimin e gradës?
5. A e ka dorëzuar deklaratën e vettingut në kohë personi në fjalë? Sipas verifikimeve në ILDKPI kjo nuk ka ndodhur.
6. Si ka mundësi që ky individ emërohet në funksione të larta në Policinë e Shtetit, pa u vetuar nga institucionet e sigurisë, AMP, SHISH, DSIK?
7. A është njohur ky person me informacione konfidenciale gjatë ushtrimit të detyrës prej datës së emërimit?
   Këto pyetje duan përgjigje. Nëse çfarë thash më lart nuk është zbatuar, atëherë duhet mbajtur përgjegjësi.

————————‐———-‐———-
Pas publikimit në media të ngjarjes, Drejtoria e Standardeve në Policinë e Shtetit e pezullon drejtorin dhe disa punonjës. Por çudia më e madhe 3 ditë zgjat.

Drejtori përgjegjës për këtë skandal, Ervin Muça vjen përsëri në detyrë pas disa ditësh dhe tashmë edhe pse akuzohet për vjedhjen e të dhënave sensisteve të shqiptarëve vazhdon të shkojë në punë çdo ditë. Sikur të mos ketë ndodhur asgjë.

Agjencia e Mbikqyrjes Policore ka nisur një hetim dhe do mbetet për t’u parë se çfarë ka nxjerrë hetimi i tyre.

Ndërkohë mësohet se punonjësit e IT së Policisë janë kërcënuar dhe për disa prej tyre ka nisur ecuria disiplinore per t’i mbajtur nën presion.
Kam ndjekur me kujdes postimin e Ambasadës Amerikane, ku i Ngarkuari me Pune i ka kërkuar Ministrit të Brendshëm hetim të shpejtë dhe të gjithëanshëm në lidhje me këtë raportim dhe ndërhyrje. Nga ana tjeter Ministria e Brendshme në postimin e saj nuk e prekte fare këtë çështje, duke i vënë rëndësi vetpastrimit të Policisë së Shtetit.

I nderuar Z. Ministër, çfarë provash doni më shumë për pastrimin e Policisë së Shtetit?
Si mund te kthehet në punë normalisht një person që akuzohen për një skandal të tillë?
A nuk duhej të pritej fundi i hetimeve?

Është shumë e trishtë se çfarë po i bejnë këtij vendi. Sesi po vjedhin çdo të dhënë tonën. Pasi morën në dorë të dhënat për pagën, ID, targat e makinës, nr e tel, adresën, vendin e punës, u kishte mbetur të vidhnin edhe të dhënat e sistemit TIMS.

p.s Përsa shkruaj më lart kam parë prova dhe kam kryer të gjitha verifikimet e mundshme.

The post Gazetari nxjerr emrat: Këta janë personat që vodhën të dhënat nga sistemi TIMS appeared first on Albeu.com.

Dyshimet janë se Bode mund të jetë larguar drejt Greqisë, dhe më pas tranzit drejt vendeve të tjera. Ai është person me precedent penalë për drogë, por asnjëherë nuk është dënuar me vendim gjykate. Mbi dyshimin se një nga autorët e vrasjes së Papës ndodhej në Greqi, një grup hetimor iu drejtua vendit fqinj për të bashkëpunuar në hetime.

Nga ana tjetër hetuesit kanë marrë në pyetje edhe babain e Albano Velos, Dilaver Velo. Ky i fundit oficer policie në komisariatin 4 dhe u pezullua nga detyra pas arrestimit të të birit si organizator në vrasjen e Papës. Dilaver Velo ka pohuar se nuk ka pasur dijeni për implikimin e të birit në ngjarje.

Por AMP ka nisur verifikimet për të verifikuar nëse i ati ka favorizuar Albano Velon për ta larguar nga Shqipëria. Janë verifikuar tabulatet telefonike të Albano Velos që kanë vërtetuar dyshimet e policisë që ditën e krimit, më 16 dhjetor, por edhe dy ditë para vrasjes ka qenë duke lëvizur përgjatë zonës ku u vra Papa.

Deri më tani 44 vjeçari Bode nuk është shpallur në kërkim ndërkombëtar. Kjo pasi policia është në pritje që gjykata të caktojë masën e sigurisë arrest në burg në mungesë. Pas vendimit, nëpërmjet Interpolit emri dhe foto e Bodes u dërgohet agjencive dhe partnerëve të huaj për arrestimin e 44 vjeçarit.

Si u ekzekutua Edmond Papa

Papa u ekzekutua mbrëmjen e 16 dhjetorit në hyrje të një lokali në rrugën “Fadil Bodinaku“ Tiranë. Ai sapo ishte ulur në lokal kur u qëllua me 9 plumba nga një person i maskuar. Edhe pse 49 vjeçari u dërgua në Spitalin e Traumës, nuk mundi t’u mbijetojë plagëve të marra.

Biznesmeni me origjinë nga Rroskoveci, jetonte mes Sarandës dhe Anglisë. Ai kishte ardhur në Tiranë më 16 Dhjetor tek vëllai i tij, që banonte pak metra larg lokalit ku u qëllua për vdekje. Dëshmitarët okularë i treguan policisë se ai iu kundërpërgjigj autorit, duke e qëlluar me tavllën e duhanit në tavolinë.

The post Vrasja e Edmond Papës, Andrew Bode dyshohet se është larguar ilegalisht jashtë vendit, TIMS e tregon në Shqipëri appeared first on Albeu.com.

Kujtojmë se një muaj më parë, pati një rënie të sistemit TIMS në dogana dhe shkak ishin sulmet kibernetike. Pritet një njoftim zyrtar për të përcaktuar se çfarë problemi ka./albeu.com

The post Sulm kibernetik? Bie sistemi TIMS në pikat kufitare të juglindjes appeared first on Albeu.com.

Qytetarë të shumtë kanë shprehur shqetësim për pagesën e masave administrative pasi dhe rrezikun e kamatëvonesave.

Sipas burimeve mësohet se qytetarët do të paguajnë vetëm penalitetin e vendosur, ndërkohë që penalizimet për vonesat janë pezulluar deri në kthimin e sistemit në funksion të plotë.

Sulmi i javës së kaluar ndaj sistemeve të policisë së shtetit përfshirë edhe platformën TIMS, shkaktoi kolaps jo vetëm në pikat kufitare por edhe në Drejtoritë e qarqeve dhe në Komisariate duke nxjerrë jashtë funksionit edhe databazën e gjobave të Policisë Rrugore.

Pavarësisht së sistemi nuk punon që prej datës 10 shtator, Policia Rrugore ka vijuar me penalizimin e shkelësve të kodit rrugor, duke vendosur masa administrative.

Por nga ana tjetër qytetarët të cilët janë gjobitur nga efektivët e Rrugores gjatë kësaj kohe, kanë shprehur shqetësim për sa i përket rrezikut të kamatvonesave të masave administrative.

“Duhet të rrimë 24 orë në alert”, Jauri: Sulmi i Iranit ishte i pamundur të ndalej

Gjithashtu të njëjtat burime thanë së Polica Rrugore nuk do të aplikojë kamatë mbi masat administrative derisa sistemi të kthehet në punë normalisht.

Edhe pse strukturat e policisë janë pa sistem pagesa do të kryhet në dorë sëbashku më fletën e gjobës.

Për zgjidhjen e situatës, Policia Rrugore i ka dërguar një letër Drejtorisë së Përgjithshme ku informon për situatën dhe kërkon mendim për mënyrën se si mund të veprojë.

Vështirësi tjetër për efektivët është edhe verfikimi online i makinave me targa të huaja që lëviznin në vendin tonë.

Sistemi i brendshëm i policisë po punon me problem që prej të premtes së kaluar.

Platforma TIMS vijon funksionimin në pikat kufitare por jo me shpejtësinë e plotë për shkak se ekspertët IT ende po punojnë për ngritjen dhe garantimin e sigurisë në platformë./Ora News/

The post Kush “e pëson”, sulmi kibernetik bllokoi sistemin e gjobave të Policisë Rrugore appeared first on Albeu.com.

Në sistemin “ADAMS”, shkruhen në raport të gjitha ngarkesat penale të qytetarëve të arrestuar, ndaluar, apo ata që dyshohen se janë të implikuar në një një ngjarje.

Në këtë sistem, mbahen të dhënat e plota për çdo person që nga fillimi i marrjes së të dhënave, e deri tek dorëzimi dhe referimi i materialeve në Prokurori.

Ndërsa në sistemin “MEMEX” shënohet çdo e dhënë sekrete që ka një punonjës policie për çdo eksponent kriminal.

Ky sistem shërben edhe për marrjen dhe transmetimin e njoftimeve për ngjarjen kriminale të ndodhura, informacionet policore si dhe të dhënat për personat e implikuar në këto ngjarje apo informacionet që ata mbartin.

Nëse të dhënat që përmbajnë këto dy sisteme bëhen publike nga hakerat, puna e policisë minohet.

Dy sistemet më të rëndësishme të policisë vijojnë të jenë të bllokuara prej ditësh, që prej momentit kur hakerat e financuar nga Irani goditën sistemin TIMS në pikat kufitare./Abcnews.al/

The post Policia në kaos, sistemet me të dhënat kryesore për kontigjentët kriminalë të bllokuara appeared first on Albeu.com.