Në një deklaratë, Forcat Mbrojtëse të Izraelit (IDF) thanë se gjatë natës u goditën një qendër komande dhe depo armësh brenda komplekseve ushtarake siriane.

“IDF nuk do të tolerojnë dëmin ndaj popullsisë druze në Siri dhe do të vazhdojnë të veprojnë për t’i mbrojtur ata”, thuhej në deklaratë.

Nga ana tjetër, Ministria e Jashtme e Sirisë e dënoi ashpër sulmin, duke e cilësuar atë si “një sulm të egër ndaj sovranitetit dhe integritetit territorial” dhe duke akuzuar Izraelin për ndërhyrje në punët e brendshme të vendit.

Ministri izraelit i Mbrojtjes, Israel Katz, paralajmëroi për veprime të mëtejshme, duke deklaruar se Izraeli nuk do të lejojë që qeveria siriane të “shfrytëzojë” situatën për të goditur komunitetet druze dhe se do të reagojë “me forcë edhe më të madhe” nëse është e nevojshme.

Komuniteti druz, i pranishëm në Siri, Liban, Izrael dhe në Lartësitë e Golanit, konsiderohet një grup me identitet të veçantë fetar dhe kulturor, dhe shpesh ka qenë në qendër të tensioneve rajonale.

The post “IDF nuk do të tolerojë dëmin ndaj popullsisë”/ Izraeli sulmon Sirinë pas përleshjeve me druzët appeared first on Albeu.com.

Më poshtë do të shihni foton kur Eva ka mbërritur në shtëpi e takohet pas 12 vitesh me të ëmën Mide Dumanin.
Një moment prekës e plot lot gëzimi prej nënës e të bijës. Pak momente më pas takimi me Endrin i kthyer nga Siria 6 vite më parë.

Një dramë e vërtetë 12 vjeçare për Mide Dumanin të cilës bashkëshorti Shkëlzeni ia mori fëmijët duke i çuar në Siri.

The post FOTO/ Eva Dumani shpëton nga kampet e Sirisë, përqafimi i parë me nënën dhe vëllanë pas ardhjes në Shqipëri appeared first on Albeu.com.

Ajo ishte vajza e fundit shqiptare e mbetur në kampin famëkeq Al Hol, në veri të Sirisë.

Lidhur me këtë ngjarje ka reaguar edhe Ministria e Jashtme e cila ka informuar se se falë koordinimit dhe bashkëveprimit midis disa institucioneve të shtetit shqiptar, përfshirë MEPJ përmes përfaqësisë diplomatike të vendit në Turqi, është realizuar me sukses operacioni për kthimin në Shqipëri të shtetases Eva Dumani, e cila gjendej prej disa vitesh në një kamp të Sirisë.

Reagimi:

Në përgjigje të interesit të mediave, Ministria për Europën dhe Punët e Jashtme, informon se falë koordinimit dhe bashkëveprimit midis disa institucioneve të shtetit shqiptar, përfshirë MEPJ përmes përfaqësisë diplomatike të vendit në Turqi, është realizuar me sukses operacioni për kthimin në Shqipëri të shtetases E.D, e cila gjendej prej disa vitesh në një kamp të Sirisë. Operacioni i shtrirë në kohë u mundësua me mbështetjen e partnerëve tanë, në veçanti me kontributin e autoriteteve turke të cilat i falenderojmë për bashkëpunimin në këtë rast sensitiv. MEPJ rikonfirmon gatishmërinë dhe vullnetin për t’ju përgjigjur në çdo rast, nevojave apo situatave që ndikojnë shtetasit shqiptarë kudo që ata ndodhen përtej kufijve.

The post Pas 12 vitesh në kampin e ferrit në Siri, Eva Dumani rikthehet në Tiranë/ Reagon Ministria e Jashtme: Operacioni u realizua me mbështetjen e partnerëve appeared first on Albeu.com.

Para një viti, forcat e këtij koalicioni lëvizën nga Idlibi drejt portave të qytetit të dytë më të madh të Sirisë, të cilin e vendosën nën kontroll dy ditë më vonë. Më 8 dhjetor, ata morën nën pushtet edhe kryeqytetin Damaskun.

“Alepo po rilind, dhe së bashku me të po rilind e gjithë Siria,” deklaroi al-Sara përpara qindra qytetarëve pranë akropolit të famshëm të Alepos.

Pak më vonë, ai u shfaq pranë portës së akropolit, afër një flamuri të madh sirian, në këtë zonë emblematike që pati dëmtime të mëdha gjatë viteve të luftës. Alepo ishte një nga qendrat kryesore të protestave kundër regjimit të Asadit në vitin 2011, demonstrata që u shndërruan më pas në luftë civile.

Për katër vite, qyteti mbeti i ndarë: lagjet perëndimore nën kontrollin e regjimit, ku jetonte shumica e popullsisë, dhe lagjet lindore nën kontrollin e rebelëve.

Me mbështetjen e aleatit rus, forcat qeveritare siriane rikuperuan kontrollin e plotë të qytetit në fund të vitit 2016, para se koalicioni islamist nën drejtimin e al-Sarës ta merrte sërish tetë vjet më vonë.

Sulmi i shpejtë i koalicionit, i nisur më 27 nëntor 2024, shënoi përfundimin e mbi gjysmë shekulli sundimi të familjes Asad.

The post Presidenti i përkohshëm i Sirisë viziton Alepon një vit pas marrjes së qytetit nga koalicioni islamist dhe rrëzimit të Bashar al-Asad appeared first on Albeu.com.

Një forcë izraelite e përbërë nga pesë automjete ushtarake përparoi drejt fshatit Al-Samadaniyah al-Sharqiyah përpara se të lëvizte në drejtim të vendbanimit Tal Kroom Jaba.

Bastisja vjen një ditë pasi trupat izraelite hynë në zonën midis qytetit Jubata al-Khashab dhe fshatrave Ofania dhe Ain Al-Bayda në fshatin verior.

Nuk pati komente të menjëhershme nga ushtria izraelite ose autoritetet siriane mbi raportin.

Inkursionet izraelite në Quneitra janë intensifikuar kohët e fundit, me vendasit që ankohen për përparime në tokat e tyre bujqësore si dhe për shkatërrimin e qindra hektarëve pyje, arrestimet e banorëve dhe krijimin e pikave të kontrollit ushtarak.

Ushtria izraelite ka kryer mbi 1.000 sulme ajrore në Siri dhe më shumë se 400 bastisje ndërkufitare në provincat jugore që nga dhjetori i vitit 2024, sipas të dhënave qeveritare.

Pas rënies së regjimit të Bashar al-Assadit në fund të vitit 2024, Izraeli zgjeroi pushtimin e Lartësive të Golanit në Siri duke pushtuar zonën e demilitarizuar tampon, një veprim që shkeli Marrëveshjen e Çlirimit të vitit 1974 me Sirinë.

The post Izraeli sulmon Sirinë, trupat tokësore hyjnë në fshatra appeared first on Albeu.com.

“Lufta civile në Siri ka mbaruar. Nuk ka më arsye për t’u dhënë azil në Gjermani, që do të thotë se ne mund të fillojmë procesin e riatdhesimit”, tha Merz gjatë një vizite në qytetin verior gjerman të Husumit të hënën, duke përmendur gjithashtu deportimet e atyre që refuzojnë të kthehen në atdheun e tyre.

Ai dukej se kundërshtoi Ministrin e tij të Jashtëm, Johannes Vandeful, i cili, pas një vizite në Damask javën e kaluar, shprehu dyshime se shumë sirianë do të zgjidhnin të ktheheshin, duke pasur parasysh shkatërrimin dhe paqëndrueshmërinë e vazhdueshme, të cilat, tha ai, e bëjnë të vështirë të jetosh një jetë të mirë. Komentet e ministrit të jashtëm gjerman shkaktuan reagime të ashpra nga partia e tij, CDU.

Kancelari Merz u zotua gjithashtu se Berlini do të kontribuonte në rindërtimin e Sirisë, por vuri në dukje se priste që shumë nga refugjatët sirianë që ndodhen aktualisht në Gjermani të ktheheshin në shtëpi për të marrë pjesë në këtë proces.

“Pa këta njerëz, rindërtimi është i pamundur”, tha Merz.

“Dhe ata në Gjermani që refuzojnë të kthehen në vendin e tyre, sigurisht që mund t’i deportojmë në të ardhmen e afërt”, shtoi ai.

Sipas shifrave zyrtare, rreth 951,400 sirianë ndodheshin në Gjermani në fund të gushtit, përfshirë 920 kundër të cilëve ishin në pritje urdhra për deportim

The post “Lufta civile në Siri ka mbaruar”, Kancelari gjerman: Nuk ka më arsye për t’u dhënë azil në Gjermani! Do fillojë procesi i riatdhesimit appeared first on Albeu.com.

Me mbështetjen e Lartësisë së tij Mbretërore, Princit të Kurorës së Arabisë Saudite, Muhammed bin Salman Al Saud, sot në Riad arritëm marrëveshjen nëpërmjet së cilës Republika Arabe e Sirisë njeh Republikën e Kosovës, shkruan Osmani në rrjetet sociale.

Osmani ka falënderuar presidentin Al Sharaa për vendimin për njohje të Kosovës si dhe për mbështetjen e tij për popullin tonë. Ajo ka falënderuar edhe Princin e Kurorës së Mbretërisë së Arabisë Saudite që e bëri të mundshëm këtë akt historik ndërmjet dy shteteve tona.

“Populli i Kosovës dhe ai i Sirisë kanë vuajtur e sakrifikuar shumë për ta arritur lirinë. Kjo njohje e ndërsjellë sot nuk është vetëm e sovranitetit shtetëror, por edhe njohje e sakrificës së shumë brezave për të jetuar të lirë. Tani Kosova njihet nga 120 shtete. Republika jonë po ecë përpara dhe s’ka asgjë që mund ta ndalë”.

The post Siria njeh Kosovën/ Bëhet shteti numër 120 që njeh pavarësinë e shpallur në 17 shkurt të vitit 2008 appeared first on Albeu.com.

Por zgjedhjet nuk do të jenë një process tërësisht depokratik. Kjo sepse pavarësisht se shumica e vendeve në Asamblenë Popullore do të votohen nga kolegjet zgjedhore në secilin distrikt, një e treta e vendeve do të emërohen drejtpërdrejt nga presidenti i përkohshëm, Ahmad al-Sharaa.

Përpos faktit që nuk është një votim popullor, rezultatet e këtyre zgjedhje ka më shumë mundësi të merren si një barometër se sa e vlerësojnë autoritetet e përkohshme përfshirjen, veçanërisht të grave dhe pakicave.

Asambleja Popullore ka 210 vende, prej të cilave dy të tretat do të zgjidhen të dielën dhe një e treta do të emërohet.

The post Bashar al-Assad “u përmbys”, Siria mban zgjedhjet e para parlamentare appeared first on Albeu.com.

“Ne kemi përdorur të gjitha kanalet diplomatike, si për të ruajtur integritetin territorial të Sirisë ashtu edhe për të parandaluar krijimin e një strukture terroriste përtej kufijve tanë. Ne vazhdojmë t’i përdorim këto kanale me durim, ndershmëri dhe logjikë të shëndoshë”, tha Erdogan në një aktivitet për të rifilluar parlamentin.

Ai tha më pas se nëse nuk u jepet përgjigjie iniciativave diplomatike, poltika dhe qëndrimi i Turqisë do të jenë të qarta, dhe se nuk do të lëjojë që ngjarjet e kaluara të pëeseriten përsëri për shtëtin sirian.

“Nëse nuk u jepet përgjigje iniciativave diplomatike, politika dhe qëndrimi i Turqisë janë të qarta. Turqia nuk do të lejojë që e kaluara të përsëritet në Siri “, shtoi ai.

Ankaraja e konsideron SDF-në një organizatë terroriste dhe ka paralajmëruar se do të ndërmarrë veprime ushtarake nëse ata nuk bashkohen me aparatin shtetëror sirian, bazuar në atë që ka rënë dakord me Damaskun.

The post Erdogan: Turqia nuk do të lejojë që territori i Sirisë të copëtohet appeared first on Albeu.com.

Fletarrestimi në mungesë u lëshua ndaj Assadit nën akuza për vrasje me paramendim dhe torturë që çoi në vdekje, raportoi agjencia shtetërore e lajmeve siriane, SANA, duke cituar gjykatësin hetues në Damask, Taëfiq al-Ali.

Akuzat lidhen me shtypjen e vitit 2011 nga forcat e Assadit në qytetin jugor, Dara. Më 2011, protestat paqësore prodemokracisë shpërthyen ndaj sundimit të Assadit, duke kërkuar ndryshim politik.

Megjithatë, qeveria e tij u përgjigj me shtypje brutale. Situata u përshkallëzua në konflikt që rezultoi me qindra mijëra vdekje dhe shkatërrime masive. Qindra mijëra persona u burgosën dhe iu nënshtruan torturave apo edhe u zhdukën, sipas avokuesve për të drejtat e njeriut.

“Vendimi i gjyqësorit i hap derën shpërndarjes së njoftimit përmes Interpol-it dhe ndjekjes së rastit në nivel ndërkombëtar”, tha gjyqtari al-Ali.

Ai shtoi se ky hap vjen si përgjigje ndaj një padie të ngritur nga familjarët e viktimave. Dara konsiderohet si vatra e kryengritjes kundër Assadit. Mediat siriane raportuan se Ministria e Drejtësisë e lëshoi fletarrestimin të enjten nën akuza që përfshin po ashtu sulm me qëllim të nxitjes të luftës civile.

Që nga rrëzimi nga pushteti i Assadit, udhëheqja e re e Sirisë është përpjekur që të paraqesë një imazh të moderuar dhe si ekzekutiv që respekton të drejtat e njeriut. Udhëheqja e re po synon që të fitojë mbështetje ekonomike ndërkombëtare me qëllim që të rindërtohet shteti i shkatërruar nga lufta./REL

The post 9 muaj pas largimit, Siria lëshon urrdhër arrest për ish-Presidentin Al- Assad appeared first on Albeu.com.