“Përmes ngritjes dhe fuqizimit të bizneseve garantohen më shumë vende pune për familjet dhe komunitetet”, u shpreh kreu i shtetit.

Presidenti vizitoi fillimisht kompani të cilat janë hapur pas viteve ’90 si sipërmarrje familjare të vogla dhe sot janë forcuar duke hyrë në tregjet ndërkombëtare.

The post Begaj takim me sipërmarrës në Shijak: Investimet e ndershme zhvillojnë Shqipërinë appeared first on Albeu.com.

74% e sipermarresve vendas shprehen se hasin vështirësi në sigurimin e fuqisë punëtore, referuar sondazhit më të fundit mbi disponueshmërinë dhe cilësinë e fuqisë punëtore të zhvilluar nga Këshilli i Investimeve.

Raporti analizon mospërputhjet në raportin punëdhënës-punëmarrës dhe përfshin rreth 250 sipërmarrës dhe 260 të rinj të anketuar gjithsej.

Nga njëra anë, sipërmarrësit rendisin si arsyen kryesore të këtij ngërçi, mospërputhjen e sistemit arsimor me nevojat e sektorit privat, sa i përket pritshmërive në aspektin e kualifikimit të fuqisë punëtore.

Nga krahu tjetër, edhe të rinjtë kanë kërkesat e tyre ndaj punëdhënësve. Pagat e ulëta mbeten faktori dominues i pakënaqësisë dhe dekurajimit të tyre nga tregun lokal, çka favorizon opsionin e largimit nga vendi apo emigrimin drejt shteteve kryesisht Europiane.

Sfidat e sipërmarrësve shqiptarë/punëdhënësi

Rreth dy vjet që nga fillimi i pandemisë dhe në vijim, një numër i konsiderueshëm punëdhënësish janë ende duke luftuar për të gjetur talente. Por, ndërsa konkurrojnë për të gjetur talente, aplikantët që paraqiten për intervista janë të paktë në numër.

Sipas sondazhit, 26% e sipërmarrësve rendisin si problematikën më shqetësuese sa i përket punonjësve, kulturën e punës, çka për drejtuesit nënkupton përgjegjshmëri, korrektësi dhe komunikimin ndaj vendit të punës. Si faktorin e dytë më të rëndësishëm, 21% e sipërmarrësve rendisin kualifikimim e papërshtatshëm të fuqisë punëtore. Ndërkohë që 16% e tyre shprehen se punonjësit iu largohen fill pasi marrin trajnimet e duhura pranë kompanive të tyre.

Nga anketimi i mësipërm rezulton se 1/3 e bizneseve nuk kanë kontaktuar askënd për të siguruar punonjës, ndërkohë që 2/3 e subjekteve kanë arritur të sigurojnë një bashkëpunim efektiv me universitetet, agjensitë e punësimit dhe zyrat e punës.

Koordinimi Institucione-Sipërmarrje dhe zgjidhjet

Raporti jep rekomandime për disa nga masat që mund të ndërmerren për të menaxhuar më mirë këtë mospërputhje kërkesë-ofertë në tregun e punës? Është e rëndësishme që sipërmarrësit të investojnë për qëndrueshmëri të stafeve aktuale duke përmirësuar paketat e shpërblimit, shëndetit dhe mirëqënies së punonjësve, riaftësim të soft-skills-eve dhe strukturim më të mirë të mundësive për karrierë.

Nevojitet një përmirësim i kulturës së punës në kuadër të një perspektivë më të qëndrueshme sa i përket punësimit, pasi pavarësisht nga ekzistenca e programeve te nxitjes së punësimit, sipërmarrjet deklarojnë mungesë informacioni për mundësitë ë përfitimit prej tyre.

Me qëllim përmirësim të mendësisë të të dyja palëve drejt krijimit të vlerave të kapitalit njerëzor, sipërmarrjet mund të bashkëpunojnë më dhomat apo shoqatat e biznesit që organizojnë trajnime, workshope apo paketa specifike me fokus mentalitetin e një drejtuesi.

Nevojitet akses i shtuar në punësim duke përfshirë institucionet shtetërore si AKPA dhe rritje e rolit të zyrave të punës në nivel vendor me qëllim tërheqjen e një game të gjërë punëdhënësish e punëkërkuesish.

Së fundmi, nevojitet më tepër bashkëpunim dhe koordinim mes aktorëve në mbështetje të tregut mes Ministrisë së Financave dhe Ekonomisë, pushtetit lokal, zyrave të punësimit, shkollave profesionale, qendrave të formimit profesional, dhomave të tregtisë dhe biznesit, agjencive private të punës dhe sipërmarrjeve shqiptare.

The post 74% e sipërmarrësve vendas hasin vështirësi në sigurimin e fuqisë punëtore appeared first on Albeu.com.

The post Rama nuk i kursen batutat me sipërmarrësin nga Tepelena: Ju jeni mishngrënës të lindur appeared first on Albeu.com.

Prokuroria Publike nuk kishte kërkuar dëbimin e kosovarit të akuzuar. Ajo e ngarkonte atë për rrezikim jete me rastin e aksidentit të rëndë që ai kishte shkaktuar në shtator të vitit 2018. Kjo është një “vepër katalogu”, me të cilën kërkohet dëbimi në vendin e prejardhjes, i personave me shtetësi të huaj.

Por prokuroria, në rastin konkret ka pasur konsideratë për të akuzuarin, duke e përshkruar si “rast të rëndë”. Sipërmarrësi i ri, tregtar makinash, jeton në Zvicër që kur ishte tre vjeç dhe është i integruar mirë, thotë prokuroria.

Ndërkaq, Gjykata Penale e Bazelit kur ka marrë vendimin të hënën, e ka parë ndryshe këtë rrethanë dhe ka urdhëruar dëbimin pesëvjeçar të kosovarit nga vendi.

The post U vetëaksidentua, sipërmarrësi shqiptar dëbohet nga Zvicra: Rrezikoi jetën e vajzës që e shoqëronte appeared first on Albeu.com.

Shumë prej nesh i mendojmë udhëtimet si një aktivitet i pavlerë, dhe përderisa nganjëherë mund të jetë ashtu, ka domethënie më të madhe. Ka shumë përfitime nga udhëtimet, veçanërisht nëse në mënyrë tipike mbyllni veten dhe ia dedikoni çdo moment biznesit tuaj.

Këtu janë disa arsye se pse dalja nga zyra mund të jetë një gjë e mirë për shëndetin dhe biznesin tuaj.

Udhëtimi është i shëndetshëm

Stresi, kur nuk trajtohet, mund të dërgojë në depresion dhe në probleme të zemrës. Udhëtimi, qoftë për biznes, për kënaqësi, ose për të dyjat, ju ndihmon të lironi stresin. Kjo sepse ju largon nga zyra dhe nga ambienti në të cilin punoni gjatë gjithë kohës, duke ju ofruar pushim shumë të nevojshëm dhe duke përmirësuar mirëqenien tuaj mendore dhe psikologjike.

Udhëtimi është inspirues

Inspirimi shpesh kërkon një konsumim të gjerë të gjërave, diçka e cila nuk është e mundur kur jeni të fokusuar në punë.

Kur lini ambientin e punës dhe udhëtoni, stimulimi që ambienti juaj i ri ofron shpesh mund të ju ndihmojë të fitoni njohuri të freskëta për botën rreth jush. Ngjarjet që ndiqni ose njerëzit që takoni ju inspirojnë të shihni botën nga një kënd i ri. Unë kam udhëtuar mjaftueshëm për të kuptuar se çdo shkëndijë e inspirimit, nëse drejtohet në mënyrë të duhur, biznesi juaj mund të përfitojë në ndonjë mënyrë.

Udhëtimi ju mëson aftësi komunikimi

Nuk ka të bëjë me atë që thoni, ka të bëjë me atë se si e thoni. Ne të gjithë e dimë këtë thënie, tonin e zërit, gjuhën e trupit, fytyrat që bëni dhe mënyra se si flisni të gjitha kontribuojnë në atë se çfarë kuptojnë njerëzit nga ju.

Të gjitha këto janë veçanërisht të vërteta kur jeni në një territor të huaj ku përballeni me ndryshime në gjuhë dhe në kulturë. Situata të këtilla ju detyrojnë të gjeni mënyra kreative për t’ia dalë mbanë. Si një ndërmarrës, mësimi i artit të komunikimit efikas jashtë vendit mund të ndihmojë raportin tuaj të përgjithshëm me punonjësit tuaj ( veçanërisht nëse ata janë nga kultura të ndryshme), me investitorët dhe me konsumatorët.

Udhëtimi me të tjerët ju bën të vlerësoni përvojat e të tjerëve

Disa nga ne preferojmë t’i bëjmë gjërat vetëm; mirëpo, udhëtimi në grup është një mënyrë për t’u siguruar se do të fitoni më shumë përvoja se sa që do të fitonit nëse do udhëtonit vetëm. Gjithashtu ju jep mundësinë të kaloni kohën aq të nevojshme me familjen.

Kur bëni gjithçka së bashku si një grup, të tjerët shërbejnë si sy shtesë. Ata shpesh do të shohin, do të dëgjojnë dhe do të bëjnë gjëra të cilat nuk i keni bërë dhe bashkëveprimet tuaja me ta do ju ofrojnë më shumë njohuri se sa do të ofronte përvoja juaj i vetëm.

Shkuarja me një grup gjithashtu do të thotë se ju nganjëherë duhet të mbështeteni në forcat e tyre dhe të hiqni dorë nga dëshirat tuaja për përmirësimin e grupit. Kjo do ju ndihmojë të lidheni si një ekip ose si një familje.

Udhëtimi mund të ju ndihmojë të krijoni lidhje domethënëse

Shoqëritë e reja dhe ortakëritë e bisnesit në vende të reja kanë domethënie më të mëdha se sa vetëm njohuritë. Gjithashtu do të thotë se ju nuk do të duhet të kërkoni hotele kur të vizitoni atë zonë herën e ardhshme.

Ju gjithashtu mund të përfitoni nga lidhjet e biznesit që bëni në këtë mënyrë kur dëshironi të zgjeroni biznesin tuaj. Lidhja juaj mund të ju ndihmojë të bëni të gjitha kërkimet e nevojshme dhe të vendoseni në një territor të ri.

Ju mund të fitoni më shumë kohë për të menduar

Si një ndërmarrës, ju shpesh jeni të detyruar të merrni vendime të momentit, t’u përgjigjeni menjëherë investitorëve potencialë dhe të bëni kërkime vazhdimisht. Kur ishte hera e fundit që keni pasur kohë të uleni dhe të mendoni?

Udhëtimi ju ofron kohën e nevojshme për të reflektuar dhe medituar. Gjeni diçka për të bërë që të largoni mendjen tuaj nga puna, pavarësisht se a qëndroni në majë të malit, peshkoni ose qëndroni në diell. Këto skenare mund të ndihmojnë mendjen tuaj që të vijë me ide të reja për të ndihmuar jetën tuaj personale dhe të biznesit.

The post Këshilla për çdo sipërmarrës, udhëtoni sa më shumë appeared first on Albeu.com.

Për të identifikuar sipërmarrësit e listave janë marrë në konsideratë disa filtra të ndryshëm, duke filluar që nga Qendra Kombëtare e Biznesit, e deri te profilet e vetë kandidatëve në rrjetet sociale. Ata që janë identifikuar si sipërmarrës janë ata që kanë një biznes të regjistruar në emër të tyre, si pronar të vetëm apo si aksioner me një përqindje minorance apo mazhorance.

LSI në vend të parë, me 25.5% të kandidatëve, sipërmarrës

Në total, “filtrat” kanë arritur të “kapin” rreth 112 kandidatë, nga 528 në total nga tre partitë kryesorë, si pronarë, apo ortakë të të paktën një biznesi. Në përqindje, kjo do të thotë se 21.2% e kandidatëve janë biznesmenë, ose përafërsisht 1 në 2. Por si ndryshon kjo normë sipas partive? Në vend të parë, si partia me më shumë prani sipërmarrësish në lista, figuron “Lëvizja Socialiste për Integrim”, e cila ka një krah ideologjik të majtë. Por kjo ideologji nuk e ka penguar që 25.5% e kandidatëve të saj të jenë sipërmarrës, pra 1 në 4. Pas “Partisë Socialiste për Integrim” ndjek Partia Demokratike, me rreth 20.3% të kandidatëve të cilët janë sipërmarrës. Në vend të fundit në këtë renditje kemi Partinë Socialiste, me 18.9% përfaqësim sipërmarrësish në listat e saj të kandidatëve në zgjedhjet e 25 prillit.

Profili gjinor i sipërmarrësve të listave

Por, të treja partitë ndahen edhe më shumë nga njëra tjetra sa i përket përfaqësimit të sipërmarrësve në lista, sipas gjinisë. Edhe këtu, në vend të parë kemi “Lëvizjen Socialiste për Integrim”, me 33% të sipërmarrësve të listave, të cilat janë në fakt sipërmarrëse. Në vend të dytë kemi Partinë Socialiste, me 20% të sipërmarrësve të listave, të cilat janë femra, dhe vetëm në fund kemi Partinë Demokratike, me një përfaqësim të sipërmarrëseve femra në lista, prej vetëm 15%. Edhe sa i përket moshës së sipërmarrësit më të ri, Lëvizja Socialiste për Integrim kurorëzohet në vend të parë, me një 21 vjeçare. Partia Socialiste garon me një 28 vjeçar, ndërsa ajo demokratike me një 25 vjeçare. LSI mban rekordin edhe sa i përket biznesmenëve me më shumë biznese në lista. Madje, ka prej tyre që kandidojnë nën siglën e LSI, të cilët kanë deri në 4 biznesve të regjistruara në emër të tyre.

Në cilët sektorë janë fokusuar?

Po cilët janë sektorët ku janë të përqëndruar më shumë bizneset e kandidatëve për deputet nga tre partitë kryesore në vend? Në vend të parë kemi tregtinë, ku përfshihet edhe tregtia me shumicë, import-eksport, por edhe tregtia me pakicë. Ky lloj aktiviteti zë thuajse ¼ e totalit. Më pas ndjekin aktivitetet në fushën e ndërtimit. Janë rreth 16% e sipërmarrësve që janë edhe kandidatë për deputetë, mes tre prej partive kryesore, të cilët operojnë drejtpërdrejtë në fushën e ndërtimit. Në vend të tretë ndjek konsulenca juridike. Rreth 10% e sipërmarrësve nga listat e tre subjekteve kryesore janë pikërisht avokat. Më pas ndjek akomodimi ushqimor/hoteleria, si dhe prodhim/përpunim. Mes “bizneseve” ne listen e kandidatëve kemi arritur të gjejmë shumëçka, që nga kurset e gjuhës së huaj, deri te peshkimi, bulmetoret, etj.

Në Vlorë, 35% e kandidatëve janë “biznesmenë”, rekord kombëtar

Po sipas qarqeve, cili ndër të 12-të është në krye të listës me më shumë sipërmarrës kandidatë? Nga analiza jonë e detajuar, rezulton se në vend të parë, me diferencë mjaft të ndjeshme me ndjekëset është qarku i Vlorës. Në këtë qark, 35% e kandidatëve, pra më shumë se 1 në 3 është sipërmarrës. Përqindja e madhe e LSI-së dhe PD-së, me gati 40% të kandidatëve biznesmenë, ka ndikuar në këtë normë kaq të lartë. Në vend të fundit, me vetëm 12% të kandidatëve, sipërmarrës, kemi qarkun e Korçës, të ndjekur nga Dibra, me 14%. Në Tiranë raporti biznesmenë/kandidatë, fiksohet pranë 22%. Sa i përket partive, rekordin e peshës së biznesmenëve mbi totalin e listës në atë qark e mban sërish Lëvizja Socialiste për Integrim, ku në qarkun e Lezhës ka 44.4% të kandidatëve, biznesmenë.

The post “Leku letër”, listat e partive të mbushura me biznesmenë e sipërmarrës appeared first on Albeu.com.

Shtatë euro në orë, nganjëherë edhe më pak, asnjë njohje e raporteve shëndetësore, pushimeve, pagës së trembëdhjetë, orëve shtesë, orëve të natës, kuponëve të vaktit ose paradhënieve të pagës së shkëputjes nga puna.

Një shfrytëzim i pamëshirshëm, që çuan Guardia Di Finanza në hetimin e disa kompanive që për të rritur fitimet e tyre mujore, kishin kryer një seri shkeljesh ndaj të drejtave që duhet të përfitonin punëtorët.

Madje jo vetëm kaq por kishin kryer edhe shantazhe në menaxhimin e kontratave dhe nënkontratave, të shoqëruara nga mashtrime tatimore të dobishme për të mbajtur larg të gjitha paratë e “kursyera” nga arka e shtetit.

Në sitën e financierëve italiane janë këtë herë shtatë kompani të administruara nga shqiptarët, që në të vërtetë ishin në duart e një familje të vogël anëtarët e të cilave kishin rolet të përcaktuara qartë në krye të secilës ndërrmarrje.

Gjatë aksionit policor u vendos që katër persona të qëndrojnë në arrest shtëpiak dhe gjashtë të tjerë u është ndaluar të banojnë në Marghera, për t’i parandaluar ata që të vazhdojnë që të influencojnë me kontaktet e tyre brenda sipërmarrjes. Po kështu gjatë aksionit u sekuestruan tetë prona, makina dhe orë luksoze si dhe u sekuestruan aksione të ndërmarrjeve për 1.3 milion euro.

Personat e arrestuar janë Elvisa dhe Gëzim Hasaj, si edhe Gëzim Sufaj dhe Valmir Sykaj, ndërkohë që u ndaluan të qëndrojnë në sipërmarrje Valmira, Dritan dhe Fatjeta Sufaj, si edhe Sema Hasaj, Nexhmije Hotaj dhe Afrim Xhafa.

The post Shfrytëzonin punonjësit, në pranga 6 sipërmarrës shqiptar në Itali appeared first on Albeu.com.