Në një deklaratë të përbashkët për shtyp, Ministria e Kulturës dhe Zyra e Turizmit të Singaporit thanë se autoritetet kishin punuar drejtpërdrejt me organizatorët e turneut për të finalizuar detajet e shfaqjeve të tij.

Javën e kaluar, kryeministrja tajlandeze Shreta Thawisin konfirmoi se Singapori kishte hyrë në një marrëveshje ekskluziviteti me Taylor Swift, në mënyrë që interpretuesja e famshme të performonte vetëm në Singapor, në rajonin e Azisë Juglindore.

Autoritetet e Singaporit po refuzojnë të zbulojnë shumën e grantit dhe nuk kanë konfirmuar nëse është arritur një marrëveshje ekskluziviteti, duke përmendur konfidencialitetin e kontratës. Ata nënvizuan se koncertet e Taylor Swift pritet të “sjellin përfitime të rëndësishme për ekonominë e Singaporit”.

Pas pandemisë Covid-19, Singapori ka tërhequr shumë artistë ndërkombëtarë, duke përfshirë grupin e vajzave K-pop të Koresë së Jugut Blackpink, këngëtarët dhe muzikantët britanikë Harry Styles dhe Ed Sheeran, dhe grupin britanik pop-rock Coldplay.

Taylor Swift pritet të luajë gjashtë koncerte të shitura në Stadiumin Kombëtar të Singaporit në fillim të marsit, ku priten më shumë se 300,000 spektatorë.

Pas Singaporit, këngëtarja do të vazhdojë turneun e saj në Evropë. Të ardhurat nga ky turne vlerësohen në shumën astronomike prej 2 miliardë dollarësh.

The post Singapori sponsorizon Taylor Swift për të kryer një seri koncertesh në qytet-shtet, çfarë pritet appeared first on Albeu.com.

Singapori renditet në vend të dytë , udhëheqësi i vitit të kaluar Tel Avivi ra në vendin e tretë, ndërsa Sidnei u fut në Top 10 dhe Moska dhe Shën Petersberg në Rusi ranë në renditje pasi sanksionet dhe çmimet e larta të naftës çuan çmimet më të larta.

Një monedhë vendase më e fortë ishte gjithashtu një faktor që i renditi qytetet në listën e Economist Intelligence Unit. Monedha amerikane është forcuar ndjeshëm kundrejt pothuajse të gjitha monedhave pasi Rezerva Federale e SHBA rriti normat e interesit dhe sinjalizoi rritje të tjera në të ardhmen, shkruan Klan News.

Tokio dhe Osaka e Japonisë ranë respektivisht në vendin e 37-të dhe të 43-të, nga vendi i 13-të dhe i 10-të që në 2021-shin. Stokholmi dhe Luksemburgu u renditën në vendin e 99 dhe 104, ndërsa Damasku në Siri dhe Tripoli në Libi ruajtën vendet e tyre si qytetet më të lira të anketuara.

Qytetet në Mbretërinë e Bashkuar të anketuara ranë poshtë, me Londrën e cila u rendit në vendin e 28-të nga e 17-ta që ishte në 2021. Vendosja e Singaporit në krye ishte pak surprizë pasi qyteti-shtet ishte më i shtrenjtë në vitin 2021.

Rritja globale e inflacionit ka shkaktuar kaos ekonomik në shumë shtete. Sanksionet e mëvonshme ndaj Rusisë nxitën rritje të mëtejshme të çmimeve të naftës, gazit dhe energjive të tjera. Çmimet e gazit dhe energjisë elektrike ishin 29% më të larta në qytetet e Evropës Perëndimore. Economist Intelligence Unit parashikon se rritja e kostove do të lehtësohet në vitin 2023 dhe bllokimet e zinxhirit të furnizimit fillojnë të lehtësohen.

The post New York-u dhe Singapori janë dy qytetet më të shtrenjta në botë appeared first on Albeu.com.