Banorët kërkojnë të mos preket burimi, sepse sipas tyre, me atë vadisin tokat dhe mbajnë gjallë jetën në fshat.

Sot ata ndodhen në ditën e dytë të grevës dhe janë shprehur se nuk do të dorëzohen derisa fjala e tyre të dëgjohet.

Dy prej banorëve kanë probleme me hipertensionin dhe ilaçet që pinë duhet të konsumohen pas buke.

“Gjendja ime shëndetësore është e dobët. Pas vizitës së bërë nga mjekët, më thanë se unë nuk duhet të jem këtu pasi kam probleme të rënda. Unë u thash se do të rri këtu deri në vdekje dhe nuk tërhiqem. Unë i lutem kryeministrit që ta marrë njëherë mundimin dhe jo vetëm ai por kushdo që ka mend në kokë do na japë të drejtë. Ai vetë nuk do të vijë po të dërgojë një përfaqësues. Kam dhe diçka për Ardi Veliun që po drejton operacionin e policisë në Lumas, ku të gjithë po na marrin në tel se çfarë kemi bërë dhe ne kemi thënë se na kanë blindura. I bëjmë thirrje Ramës pasi ai është i pari i të gjithëve të verifikojnë gjendjen dhe të na thotë nëse nuk kemi të drejtë që të ikim ku të duam”, ka thënë një nga banorët.

Ndërkohë një tjetër banor në fjalën e tij ka deklaruar se i vetmi fajtor për dhunën e ushtruar ndaj tyre është Ardi Veliu.

“Jam prononcuar disa herë nëpër televizione dhe çështje tona janë që kryeministri të na shikojë me vëmendje pasi po na zhvat policia të gjallë, të merren masa për Ardi Veliun, na rrahin policët dhe thonë se kanë urdhër për ta bërë këtë. Nuk kemi punë me asnjë por me bashkinë e Kuçovës që na e shpërbëri këtë zonë dhe atë turistike e bëri që të mos jetojnë më hardhucat e breshkat jo ne si njerëz”, ka thënë ai./albeu.com

The post Banorët e Lumasit në ditën e dytë të grevës, dy prej tyre shfaqin probleme shëndetësore appeared first on Albeu.com.

Ata janë shprehur se me burimin e Sinecit mbajnë familjet e tyre.

Gjithashtu banorët janë në proces gjyqësor me bashkinë Kuçovë dhe kërkojnë që punimet të pezullohen deri në marrjen e një vendimi nga ana e gjykatës.

Së fundmi një tjetër situatë e rëndë ka ndodhur, ku një grua është ulur përballë eskavatorit duke kërkuar që ky projekt të anullohet, duke akuzuar shtetin se nuk i bën dot ballë një oligarku si Salillari.

“Një zonjë e revoltuar në fshatin Lumas hidhet para skrepit i cili po shkatërronte shtratin e lumit Sinec . Dëmi është i jashtëzakonshëm dhe nuk po punohet sipas projektit të miratuar nga bashkia, pasi sipas projektit punimet të kryhen anës rrugës dhe jo në lumë.

Demi ekologjik është i jashtëzakonshëm. .Projekti është devijuar pa leje për shkak të rezistencës së banorëve.

Ky krim mjedisor është duke u kryer në prezencë të rreth 60 forcave të policisë me urdhër të shefit të komisariati të policisë Kucove Geron Seitllari me urdhër të Drejtorit te Pergjithshem te Shtetit Ardi Veliu ,” shprehet një qytetar. /albeu.com/

The post Gruaja ulet përballë eskavatorit: Për një b*th oligarku si Salillari po na shkatërroni (VIDEO) appeared first on Albeu.com.

Ditën e sotme nuk kanë munguar as përplasjet e forta mes banorëve dhe policisë.

Mësohet se si pasojë e përplasjeve me Policinë, 3 banorë të zonës kanë mbetur të plagosur, ndërsa në vendngjarje kanë shkuar dhe efektivë të ekipit ‘Shqiponja’. Banorët e kësaj zone vijojnë të protestojnë pasi kundërshtojnë ndërtimin e një ujësjellësi.

Sipas banorëve, burimi i Sinecit është i vetmi në këtë zonë dhe se është kthyer në një atraksion turistik. Banorët shprehen se projekti është bërë pa praninë e tyre dhe për këtë arsye kanë penguar punën e fadromave e firmës private që është shpallur fituese.

The post Përplasje mes banorëve dhe policisë për burimin e Sinecit, 3 të plagosur appeared first on Albeu.com.