Pra, çfarë është saktësisht astma dhe pse ndonjëherë përkeqësohet gjatë verës?

“Sipas definicionit, astma është një pengesë e kthyeshme e rrugëve të frymëmarrjes,” tha për Healthline Dr. Zab Mosenifar, FCCP, FACP, drejtor mjekësor i Institutit të Mushkërive të Grave në Cedars-Sinai në Los Anxhelos.

Ekspertët thonë se nëse keni astmë, shkaktarët nga mjedisi mund ta bëjnë të vështirë frymëmarrjen. Çdokush mund ta ketë atë, por disa njerëz mund të jenë në rrezik më të lartë.

“Astma është më e zakonshme tek njerëzit që jetojnë në mjedise të mbingarkuara sepse kanë një ekspozim më të lartë ndaj ndotësve. Gjithashtu, vdekshmëria nga astma është më e lartë për grupe të ndryshme socio-ekonomike për arsye shumë të komplikuara të çështjeve sociale, mungesës së kujdesit të duhur shëndetësor, mungesës së aksesit në kujdesin mjekësor, e kështu me radhë”, tha Mosenifar.

“Simptomat tipike të astmës përfshijnë kollën me ndërprerje frymëmarrjeje, shtrëngimin e gjoksit dhe gulçimin,” tha për Healthline Dr. Jimmy Johannes, një pulmonolog dhe specialist i mjekësisë së kujdesit kritik në Qendrën Mjekësore MemorialCare Long Beach në Kaliforni.

Çfarë i përkeqëson simptomat e astmës?

Njerëzit me astmë mund t’i kenë rrugëy frymarrjes më të ndjeshme.

“Dhe kur keni rrugë të ndjeshme të frymëmarrjes, çdo lloj ndotësi ose çdo lloj ndryshimi drastik i temperaturës, qoftë në anën e lartë ose të ulët, krijon një reagim në rrugët e frymëmarrjes. Kjo është ajo që shkakton simptoma”, tha Mosenifar.

“Shkaktarët mjedisorë luajnë një rol të madh. Në verë, temperatura rritet dhe ka më shumë ndotës dhe grimca tymrash në ajër”, shtoi ai.

Johannes tha gjithashtu se vera mund të sjellë me vete një sërë shkaktarësh që mund t’i bëjnë simptomat e astmës më të theksuara.

“Shpesh numri i polenit është më i lartë në verë, gjë që për disa njerëz mund të çojë në simptoma më të theksuara të astmës dhe alergjisë. Për më tepër, lagështia dhe nxehtësia më e lartë mund ta bëjnë të ndihet më e vështirë për të marrë frymë”, tha ai, ndërsa shtoi se dielli ndërvepron me emetimet industriale dhe të automjeteve për të krijuar ozonin në nivelin e tokës, i cili në muajt e verës mund të kontribuojë në astmën më të keqe./albeu.com

The post Pse simptomat e astmës përkeqësohet gjatë verës appeared first on Albeu.com.

Sulmet e astmës ndodhin kur ka një pengesë në futjen e ajrit në mushkëri. Shkaktarët e zakonshëm janë alergjitë, ndotja e ajrit, ajri i ftohtë, lagështia, infeksionet e frymëmarrjes, emocionet e forta, stresi, aktiviteti fizik, sulfitet dhe konservantët në ushqime dhe medikamente të caktuara.

Shkaku i saktë i këtij çrregullimi nuk dihet, por një numër faktorësh rrisin mundësinë për të zhvilluar astmë, të tilla si gjenetika, gjendja ekzistuese alergjike, obeziteti dhe pirja e tepërt. Simptomat e zakonshme të astmës përfshijnë kollitje, gulçim, ngushtësi në gjoks dhe vështirësi në frymëmarrje.

Ashpërsia e simptomave varion nga të vogla në serioze dhe madje kërcënuese për jetën. Këto simptoma mund të kontrollohen me ndryshimet e jetesës, ndryshimet dietike, ilaçet si dhe bimët. Në fakt, shumë bimë mund të ndihmojnë në trajtimin dhe parandalimin e sulmeve të astmës.

Këtu janë 6 barishtet më të mira për trajtimin e astmës dhe recetat përkatëse kurative, të përgatitura nga ekspertët e gazetës “Super Shëndeti…

RIGON

Rigoni është një barishte e fuqishme për trajtimin e astmës. Së bashku me vetitë anti-inflamatore, ajo përmban carvacrol, flavonoide dhe terpene që punojnë si elemente spastrimi të mushkërive. Kjo barishte mund të zvogëlojë inflamacionin e traktit të frymëmarrjes dhe të tubave bronkial, duke ofruar lehtësim nga simptomat e astmës.

Pini 2 deri në 3 gota çaj rigon çdo ditë kur vuani nga astma. Për të bërë çaj, futni 3 lugë çaj rigoni në një gotë me ujë të nxehtë për 5 deri 10 minuta. Kullojeni, shtoni mjaltë sipas shijes dhe pijeni.

Përndryshe, pini 1 lugë gjelle lëng të nxjerrë nga rigon freskët lë disa herë në ditë për të lehtësuar simptomat e astmës dhe kollën kronike.

XHENXHEFIL

Një barishte tjetër e njohur për trajtimin e astmës është xhenxhefili. Ka veti anti-inflamatore që ndihmojnë në zvogëlimin e inflamacionit të rrugëve të frymëmarrjes dhe pengojnë tkurrjen e rrugëve të frymëmarrjes.

Pini 2 deri në 3 gota çaj xhenxhefili çdo ditë. Për përgatitjen e tij, shtoni një copë të vogël xhenxhefili rreth 2 cm (prerë në copa të vogla) në një tenxhere me ujë të valuar. Lëreni të ziejë për 10 minuta, kullojeni, lëreni që të ftohet dhe të pijeni.

Një tjetër opsion është përzierja e sasive të barabarta të lëngut të xhenxhefilit, lëngut të shegës dhe mjaltit. Konsumoni 1 lugë gjelle të kësaj përzierje 2 ose 3 herë në ditë.

HUDHRA

Sipas mjekësisë tradicionale, hudhra është një barishte mjekësore popullore e përdorur për trajtimin e astmës. Vetitë e saj anti-inflamatore ndihmojnë në pastrimin e mukozës në mushkëri. Përveç kësaj, vetitë e saj antibiotike dhe antivirale ndihmojnë në rritjen e imunitetit dhe luftimin e infeksioneve që mund të shkaktojnë astmë.

Vloni një filxhan me qumësht dhe futni 2 deri 3 thelpinj hudhre në të. Lëreni që të ftohet në temperaturën e dhomës dhe pije atë një herë në ditë.

Gjithashtu, ju mund të hani 2 thelpinj hudhre me 1 lugë të vogël uthull molle dhe mjaltë çdo ditë, para se të hani mëngjes.

Një tjetër mundësi është që të hani 1 deri në 2 thelpinj hudhre të grimcuar çdo ditë për të rritur imunitetin dhe për të parandaluar sulmet e astmës.

JAMBALL

Jamballi bimor gjithashtu ndihmon në trajtimin e astmës. Jamballi ka një efekt sistemik anti-inflamator në mushkëri, i cili ndihmon në reduktimin e inflamacionit të tubave bronkialë, qetëson rrugët e frymëmarrjes dhe rivendos frymëmarrjen normale. Përveç kësaj, ai ka veti që stimulojnë imunitetin.

Shto 2 lugë çaji pluhur rrënjë jamballi në një gotë me ujë të nxehtë. Mbuloje dhe pritni për 10 minuta. Kullojeni, shtoni mjaltë sipas shijes dhe pijeni një herë në ditë kur vuani nga astma.

SHAFRAN I INDISË

Shafrani i Indisë është një barishte e fuqishme për të parandaluar sulmet e astmës dhe alergjitë e tjera. Ai përmban përbërës aktiv curcumin, një antioksidant i fuqishëm dhe përbërës anti-inflamator që ndihmon në luftën kundër simptomave të astmës.

Përzieni 1 lugë çaji pluhur shafran të Indisë në 1 filxhan qumësht dhe vlojeni atë. Lëreni që të ftohet dhe të pijeni dy herë në ditë.

HITHRA

Hithra është një trajtim i shkëlqyer për astmën e lidhur me alergjinë. Kjo barishte përmban antihistaminë natyrore dhe veti anti-inflamatore që ndihmojnë në hapjen e pjesëve të ngushta bronkiale dhe hundore duke lehtësuar simptomat e astmës. Përveç kësaj, ajo është e pasur me acid butirik, i cili ndihmon në ruajtjen e një sistemi imun të shëndetshëm dhe metabolizmin.

Shtoni 1 lugë gjelle me rrënjët e thata, ose gjethe të hithrës në një gotë me ujë të nxehtë. Mbulojeni dhe lëreni të pushojë për 5 minuta. Kullojeni, shtoni mjaltë sipas shijes dhe pijeni. Ju mund të pini këtë çaj bimor disa herë në ditë kur vuani nga astma.

Cilat do të ishin disa nga këshillat parandaluese?

Mbajini fëmijët në vende të ajrosura mirë.

Eliminoni lagështirën, sidomos në dhomat e gjumit.

Eliminoni ambientet e pa ajrosura mirë dhe me myk.

Ushqeni me gji fëmijët, të paktën deri në moshën 1 vjeç.

Shmangni sterilitetin e tepruar në rritjen e fëmijëve.

Shmangni mbipërdorimin e detergjenteve.

Shmangni përdorimin e ushqimeve që përmbajnë alergjentë.

Shmangni ekspozimin ndaj poleneve të luleve.

Gratë shtatzëna nuk duhet të qëndrojnë në ambiente me tym duhani.

Fëmijët e vegjël nuk duhet të qëndrojnë në ambiente ku pihet duhan.

Shkuarja te mjeku specialist dhe zbatimi me përpikmëri i rekomandimeve të tij./supershendeti.com

The post Ju ndihmojnë të merrni frymë lirisht, këto 6 bimë lehtësojnë simptomat e astmës appeared first on Albeu.com.

Kjo gjendje është mjaft e zakonshme dhe shfaqet tek të rriturit dhe fëmijët, informon albeu.com.

Sistemi Kombëtar i Shëndetit (NHS) i Britanisë së Madhe, rendit katër simptomat kryesore të astmës:

– Fërshëllimë (tingull fërshëllime gjatë frymëmarrjes)

– Vështirësi në frymëmarrje (gulçim)

– Shtrëngim në gjoks

– Kollë

Edhe pse këto simptoma shoqërohen me gjendje të tjera, ato kanë më shumë gjasa të jenë shenja të astmës nëse shfaqen shpesh ose përkeqësohen gjatë natës dhe herët në mëngjes.

Ftohjet dhe gripi janë shkaqet e zakonshme të sulmeve të astmës.

Më shumë se katër në pesë pacientë përjetojnë përkeqësim të simptomave të tyre kur infektohen me viruse të ftohjes.

Pluhuri, ndotja e ajrit dhe poleni janë gjithashtu faktorë që përkeqësojnë astmën./albeu.com

The post Nëse keni këto simptoma, mund të vuani nga astma appeared first on Albeu.com.