Simptomat e demencës, kur njihen në kohë, mund të na ndihmojnë shumë, sepse na lejojnë të identifikojmë herët sëmundjen, të parashikojmë menaxhimin e saj dhe të planifikojmë të ardhmen tonë në kohë, duke bërë kështu zgjedhje në lidhje me trajtimet mjekësore dhe gjithçka tjetër, përpara se dikush tjetër t’i marrë ato vendime për ne. Disa shenja të rënies konjitive janë paralajmëruese, ato mund të ndodhin pavarësisht nga mosha.

Problemet e kujtesës, të cilat, janë karakteristikë e shumë llojeve të demencës, duke përfshirë Alzheimerin që është forma më e zakonshme, nuk janë domosdoshmërisht një shenjë e rënies njohëse sepse nëse harron një takim, në fakt është diçka normale. Por një person me demencë mund t’i harrojë gjërat më shpesh ose të mos i mbajë mend fare.

Simptomat e hershme të demencës mund të përfshijnë:

-probleme me kujtesën, veçanërisht në kujtimin e ngjarjeve të fundit

-rritje e konfuzionit mendor

-vështirësi në përqendrim

-ndryshime të personalitetit ose sjelljes

-apatia, izolimi social dhe depresioni

-vështirësi në kryerjen e aktiviteteve të përditshme

Shenjat paralajmëruese të demencës: testi që duhet bërë në shtëpi!

Nëse dyshoni për fillimin e demencës, një test i thjeshtë ju lejon të kontrolloni aftësitë tuaja mendore dhe të kuptoni nëse ka ndonjë gjë për t’u shqetësuar apo jo. Testi mund të kryhet personalisht ose t’i dorëzohet një anëtari të familjes dhe ndahet në dy pjesë. E para bazohet në “katër teste”:

-thuaj emrat e muajve të vitit dhe të ditëve të javës mbrapsht, sa më shpejt dhe pa hezitim

-jepni një përmbledhje të diçkaje që keni dëgjuar ose lexuar një orë më parë

-thuaj disa fjalë të thjeshta mbrapsht dhe shpejt, si top, botë, shtëpi… pa bërë gabime

-kujtoni ngjarjet kryesore të javës së kaluar

Pjesa e dytë e testit bazohet në “pesë pyetje”:

-A jua ka vënë në dukje dikush, në punë apo në shtëpi, se keni qenë më i hutuar apo shumë i ngadalshëm?

-Jeni larguar ndonjëherë nga një vend i njohur dhe keni pasur vështirësi për të gjetur rrugën e kthimit?

-A duhet ta kontrolloni disa herë atë që po bëni?

-A e djeg shpesh atë që po gatuan?

-Keni harruar të paguani faturat?

Në rast të paqartësive në një nga “katër testet” dhe një përgjigje pozitive për një nga “pesë pyetjet”, ekspertët sugjerojnë të konsultoheni me mjekun ose t’i drejtoheni një specialisti, i cili mund të kërkojë kryerjen e testeve dhe ekzaminimeve të tjera, për të vlerësuar aftësitë e të menduarit, duke përfshirë kujtesën, gjuhën, vëmendjen dhe zgjidhjen e problemeve, dhe identifikimin e sëmundjes përgjegjëse për simptomat. Në disa raste, mund t’ju duhet të bëni skanime të trurit për të ekzaminuar strukturën e trurit dhe për të përjashtuar probleme të tjera, të tilla si tumoret ose mpiksjet, që shkaktojnë simptomat.

The post Simptomat e demencës dhe testet që duhet të bëni në shtëpi! appeared first on Albeu.com.

Nëse puna e saj prishet, kjo mund të çojë në pasoja të rënda për organet tuaja: mëlçinë, zorrët, veshkat, sistemin riprodhues, zemrën dhe madje edhe trurin.

Më poshtë, do të gjeni disa nga simptomat që nuk duhet t’i anashkaloni, nëse doni të shmangni problemet serioze të shëndetit.

Lodhja dhe nervozizmi

Sëmundja e tiroides mund të ndikojë në nivelet e energjisë dhe humorin tuaj. Hipotiroidizmi shkakton ndjenjën e lodhjes dhe humbjen e forcës, shoqëruar me probleme të shpeshta të gjumit dhe nervozizëm.

Ndryshimet në rrahjet e zemrës

Hormonet tiroide prekin pothuajse çdo organ në trup dhe mund të ndryshojnë rrahjet e zemrës. Njerëzit me çrregullim të gjëndrës tiroide të manifestuar rishtazi mund të vërejnë se frekuenca e rrahjeve të zemrës së tyre mund të jetë ulur ose rritur.

Humbje ose shtim të peshës, në mënyrë dramatike

Një ndryshim drastik i peshës është një nga simptomat më të zakonshme të sëmundjes tiroide. Një rritje ose ulje e peshës që ndodh në një periudhë të shkurtër kohe mund të nënkuptojë një nivel shumë të ulët ose shumë të lartë të hormoneve tiroide.

Lëkura e thatë dhe thonjtë e brishtë

Lëkura e thatë që kruhet mund të jetë shenjë e problemeve me gjëndrën tiroide. Në mënyrë të ngjashme, duhet të ndiheni të alarmuar nëse thonjtë tuaj bëhen të brishtë me vija vertikale të dukshme që shfaqen përgjatë sipërfaqes.

Problemet e rregullimit të temperaturës së trupit

Sëmundja e tiroides mund të dëmtojë aftësinë e trupit tuaj për të rregulluar temperaturën e tij. Ju mund të përjetoni të dridhura ose, anasjelltas, të shfaqni djersitje të tepruar dhe të ndjeni nxehtësi.

Ënjtje të qafës

Ënjtja ose zmadhimi i zonës së qafës është një shenjë e dukshme e problemeve me gjëndrën tiroide. Sigurohuni t’i kushtoni vëmendje simptomave të tilla.

Dhimbje muskulore dhe kriza

Manifestimet e hipotiroidizmit mund të përfshijnë dhimbje në pjesë të ndryshme të trupit. Në shumicën e rasteve, këto simptoma shoqërohen me ënjtje të muskujve ose me një tumor që shtyp nervat.

The post Simptomat e tiroides që nuk duhet t’i neglizhoni appeared first on Albeu.com.

Sytë ndodh që ndryshojnë me kalimin e kohës. Cilat simptoma mund të shfaqen kur keni nevojë për syze?

Shikimi juaj ndryshon me kalimin e kohës dhe rritjen në moshë. Jo çdo ndryshim në shikim është anormal. Gjëra të tilla si nevoja për më shumë dritë për të parë qartë ose problemet e dallimit të ngjyrës së zezë dhe blusë, për shembull, janë normale dhe nuk kërkojnë syze.

Por ka raste kur ndryshimet në shikim nuk janë normale dhe nevojitet mbajtja e syzeve optike.

Disa njerëz që kanë nevojë për syze nuk kanë ndonjë simptomë, ndërsa të tjerët kanë simptoma shumë të qarta. Simptomat ndryshojnë në varësi të problemit që keni. Disa simptoma të zakonshme janë:

– shikimi i turbullt

– pamje të dyfishta

– objektet me linja jo të qarta duken si të mjegullta

– dhimbje koke

– sytë i keni të lodhur ose të irrituar

– shikim i shtrembëruar

– mbyllje e syve për të parë më mirë

– probleme për të drejtuar makinën natën.

Lista e mësipërme nuk është e kufizuar. Nëse vëreni ndryshime që nuk janë normale për ju, konsultohuni me mjekun e syve.

The post Kujdes, këto janë shenjat e para që tregojnë se ju keni nevojë për syze optike appeared first on Albeu.com.

Dhimbja e gjoksit, humbja e papritur e shikimit ose e të folurit dhe dhimbjet e forta të barkut, kërkojnë kujdes të menjëhershëm mjekësor. Por, çfarë ndodh me simptomat më delikate? Mund të jetë e vështirë të dihet se kur duhet të kërkoni kujdes mjekësor.

Në vijim Mayo Clinic sjell një listë me shtatë shenja e simptoma që kërkojnë vëmendje:

Humbja e pashpjegueshme e peshës

Humbja e peshës pa u përpjekur mund të jetë një shenjë e një problemi shëndetësor. Një rënie e pashpjegueshme në peshë mund të shkaktohet nga shumë gjendje shëndetësore. Këto përfshijnë tiroiden tepër aktive (hipertiroidizëm), diabetin, depresionin, sëmundjet e mëlçisë, kancerin ose çrregullimet që ndërhyjnë në mënyrën se si organizmi i absorbon lëndët ushqyese (çrregullime të keqpërthithjes).

Nëse keni humbur më shumë se 5 për qind të peshës trupore brenda 6 deri në 12 muajt e fundit, bisedoni me mjekun tuaj.

Temperaturë e vazhdueshme e lartë

Temperatura duket se luan një rol kyç në luftimin e infeksionit. Temperatura persistente mund të nënkuptojnë se keni një infeksion. Nëse keni ethe dhe simptoma të tjera, të tilla, si kolla dhe lodhja, kontaktoni mjekun tuaj për këshilla mjekësore. Sidomos, nëse temperatura juaj është 39 °C dhe qëndron më shumë se tri ditë.

Frymëzënie

Ushtrimet e forta, temperaturat ekstreme, mbipesha dhe lartësia e madhe mund të shkaktojnë dispne. Frymëzënia mund të jetë shenjë e një problemi tjetër shëndetësor. Nëse keni dispne të pashpjegueshme, veçanërisht nëse shfaqet papritur dhe është e rëndë, kërkoni kujdes mjekësor urgjent.

Shkaqet për dispne mund të përfshijnë sëmundje kronike obstruktive pulmonare, bronkit, astmë, pneumoni ose një mpiksje gjaku në mushkëri (emboli pulmonare). Shkaqe të tjera përfshijnë problemet e zemrës dhe mushkërive. Vështirësia në frymëmarrje mund të ndodhë edhe me një atak paniku – një episod i papritur ankthi intensiv që shkakton reaksione të rënda fizike kur nuk ka rrezik real ose shkak të qartë.

Ndryshime të pashpjegueshme në shprehitë e zorrëve

Ajo që konsiderohet tipike për lëvizjet e zorrëve ndryshon shumë. Konsultohuni me ofruesin tuaj të kujdesit shëndetësor nëse vëreni ndryshime të pazakonta ose të pashpjegueshme në lëvizjet e zorrëve, të tilla si:

Jashtëqitje të përgjakshme, të zeza ose ngjyrë katrani

Diarre ose kapsllëk i vazhdueshëm

Dhimbje në bark që nuk largohet

Ndryshimet në shprehitë e zorrëve mund të jenë një shenjë e një infeksioni bakterial – të tillë, si infeksioni me kampilobakter ose salmonela – ose një infeksion viral ose parazitar. Shkaqe të tjera të mundshme përfshijnë sëmundjen e zorrës së irrituar dhe kancerin e zorrës së trashë.

The post Këto simpoma nuk duhet t’i neglizhoni, urgjent te mjeku appeared first on Albeu.com.

Megjithatë, njeriu duhet të tregojë kujdes dhe vëmendje ndaj të paktën disa simptomave, të renditura si më poshtë.

Mpirje të gjymtyrëve

Nëse vëreni mpirje të krahut, këmbës ose fytyrës, atëherë duhet të dini që kjo mund të jetë një tregues i ishemisë. Kjo simptomë është veçanërisht shqetësuese nëse vërehet në njërën anë të trupit. Ishemia manifestohet edhe me vështirësinë në ruajtjen e ekuilibrit, marramendjes ose problemeve në të ecur. Nëse krejt papritur vëreni se nuk ndiheni mirë, ju dhemb koka, jeni konfuzë ose keni vështirësi në të folur e kuptuar, rekomandohet të drejtoheni menjëherë tek mjeku. Nëse ishemia kapet në kohë, pasojat e saj janë të kapërcyeshme.

Dhimbje në kraharor

Dhimbja dhe shtrëngimi në kraharor nuk duhen injoruar kurrë. Nëse dhimbja shoqërohet me djersitje, vështirësi në frymëmarrje ose të përziera atëherë duhet të shkoni me urgjencë tek mjeku. Studimet thonë se dhimbja e kraharorit ose ndjenja e shtrëngimit janë një tregues i një sëmundjeje të zemrës ose ataku në zemër. Nëse shtrëngimi dhe dhimbja zgjat disa minuta dhe përsëritet sërish, kjo është një arsye më tepër për t’u vizituar në spital.

Dhimbje të pulpës së këmbës

Kjo dhimbje mund të jetë tregues i mpiksjes së gjakut në këmbë. Sëmundja quhet Trombozë Venoze dhe shfaqet në rastet kur keni qëndruar ulur ose shtrirë për shumë kohë. Nëse dhimbja është si pasojë e kësaj sëmundjeje, ajo ndihet më shumë kur qëndroni në këmbë ose ecni. Për shkak të sëmundjes, këmba e prekur enjtet dhe skuqet.

Vështirësi në frymëmarrje

Nëse gulçoni, merrni frymë me vështirësi ose ndieni një fishkëllimë sa herë që merrni frymë, shkoni menjëherë tek mjeku. Nëse ky problem nuk trajtohet, mund të jetë me rrezik. Këto probleme mund të jenë tregues të azmës, sëmundjeve të mushkërive si bronshiti ose pneunomia apo alergjive.

The post Cilat simptoma sëmundjesh nuk duhet t’i injoroni appeared first on Albeu.com.

Djersitje e tepruar

Djersitja është më së shpeshti rezultat i nxehtësisë, por mund të shkaktohet edhe nga ankthi, menopauza, disa ilaçe, sheqeri i ulët në gjak dhe konsumimi i alkoolit. Gjithashtu shfaqet në kushte të tilla si diabeti, problemet e tiroides dhe çrregullimet e sistemit nervor. Djersitjet e natës mund të jenë rezultat i një infeksioni dhe, në raste të rralla, i ndonjë forme kanceri.

Tringëllimë në veshët

Tringëllimë në veshët ose zhurma në vesh është zakonisht një fenomen i padëmshëm që kalon vetë. Megjithatë, nëse vazhdon, këshillohet të kontrolloni nivelin e sheqerit në gjak, nivelin e hormoneve tiroide, mungesën e mundshme të hekurit ose mundësinë e sklerozës së shumëfishtë.

Gjithashtu, tringëllimë në veshët mund të jetë një simptomë e një goditjeje, por më pas shfaqet në kombinim me simptoma të tjera, si dobësi ose mpirje në fytyrë, marramendje e rëndë ose humbje e papritur e dëgjimit.

Ënjtje e këmbëve

Këmbët e fryra mund të jenë pasojë e vapës apo qëndrimit ulur për një kohë të gjatë, por mund të jenë edhe shenjë e diçkaje më serioze.

Ënjtja e këmbëve më së shpeshti shkaktohet nga grumbullimi i lëngjeve, obeziteti, shtatzënia, marrja e disa medikamenteve ose kripa e tepërt në dietë. Gjithashtu, lëngu i grumbulluar mund të tregojë probleme me zemrën, veshkat ose mëlçinë.

Nëse ënjtja shoqërohet me skuqje, dhe vetëm në njërën këmbë, duhet të konsultoheni me një mjek

The post Disa simptoma që mund të tregojnë shenja të sëmundjeve serioze appeared first on Albeu.com.

Simptomat

Ju dëgjoni rregullisht një tingull me një rrahje të qëndrueshme që duket në sinkron me pulsin tuaj. Për shumë persona, tingulli mund të jetë i lartë dhe shpërqëndrues, ndonjëherë edhe i padurueshëm.

Ju mund të vini re simptoma të tjera nëse keni gjithashtu presion të lartë në lëngun rreth trurit, një gjendje e quajtur hipertension intrakranial idiopatik. Simptomat përfshijnë:

-Dhimbje koke

-Marramendje

-Probleme me shikimin

-Humbje dëgjimi

Shkaqet

Ndryshe nga tinitus i zakonshmëm, në rastin e Tinitus Pulsatil mjekët mund të identifikojnë një problem specifik shëndetësor:

– Enët e gjakut të parregullta

– Presioni i lartë i gjakut

– Anemi e rëndë ose një gjëndër tiroide tepër aktive

– Ateroskleroza

– Tumore të kokës dhe qafës që mund të shtypin enët e gjakut dhe të shkaktojë zhurmë

– Problemet e lidhjes midis arterieve dhe venave (keqformim arteriovenoz).

The post Zhurma në vesh që pulson si zemra, çfarë sëmundjesh fshihen pas saj? appeared first on Albeu.com.

Ka shumë simptoma që tregojnë për diabet, si urinimi i shpeshtë, lodhja, ndryshimet e pazakonta të lëkurës dhe infeksione të ndryshme mykotike. Megjithatë, ekspertët pohojnë se ka simptoma të tjera që tregojnë se keni diabet dhe ato janë në gojën tuaj.

Diabeti i tipit 2 është një sëmundje gjithnjë e më e zakonshme në botë dhe shoqërohet me faktorë të ndryshëm, si mbipesha dhe mungesa e aktivitetit fizik. Prandaj, nuk është ide e keqe të kontrolloni simptomat që tregojnë nëse vuani nga diabeti, për të filluar trajtimin në kohë.

“Diabeti është një gjendje shëndetësore, ku trupi nuk është në gjendje të kontrollojë nivelet e sheqerit në gjak. Sheqeri i lartë në gjak mund të rezultojë në rritjen e sheqerit në pështymë, gjë që mund të dëmtojë dhëmbët dhe mishrat”, ka shpjeguar dentistja Amanda Sheehan.

Simptomat e përmendura nga ky dentist janë: mishrat e skuqura të fryra që rrjedhin herë pas here, mishrat që largohen nga dhëmbët, dhëmbët e lëkundur, goja e thatë dhe era e keqe që mbetet edhe pas larjes.

Sëmundja e mishrave të dhëmbëve, e njohur edhe si gingiviti, është problemi më i zakonshëm i shëndetit oral i lidhur me diabetin. Sheehan thekson se gingiviti zhvillohet kur pllakat dhe gurët krijohen në dhëmbë pranë vijës së mishrave të dhëmbëve, duke irrituar dhe inflamuar mishrat e dhëmbëve.

Njerëzit që jetojnë me këtë diagnozë kanë tri herë më shumë gjasa të kenë probleme me mishrat dhe dhëmbët e tyre. Megjithatë, nëse reagoni në kohë, është e mundur të ruani shëndetin oral.

“Njerëzit që jetojnë me diabet të tipit 2 kanë gjithashtu tri herë më shumë gjasa të zhvillojnë probleme dentare”, pohojnë ekspertët.

The post Këto janë shënjat në gojë që tregojnë se jeni prekur nga diabeti appeared first on Albeu.com.

The post Tumoret e shtyllës kurrizore, gjithçka duhet të dini appeared first on Albeu.com.

The post Dy simptomat që paralajmërojnë sulmin në zemër appeared first on Albeu.com.