Pas përcaktimit të skuadrave që do të marrin pjesë në grupet e Conference League dhe të përballjeve të kësaj faze, ku është kualifikuar edhe Egnatia e drejtuar nga Nevil Dede, mediumi “transfermarkt.agents” ka renditur futbollistët me moshën më të re që janë aktivizuar në raundet eliminatore.

Mes 20 emrave të përfshirë në klasifikim gjenden edhe binjakët Uldedaj të Vllaznisë. Sulmuesi Sokol Uldedaj debutoi në moshën 17 vjeç, 5 muaj e 3 ditë, ndërsa mbrojtësi Simon Uldedaj ishte 17 vjeç, 5 muaj e 9 ditë. Të dy u aktivizuan kundër Malishevës, në raundin e parë të Conference League.

Për edicionin 2026-2027, rekordin e mban Bonofazi i La Fioritës, me 16 vjeç e 16 ditë. Dy vendet e tjera të “podiumit” i zunë Tornike Kvaratskhelia i Dinamo Tblis, me 16 vjeç, 5 muaj e 2 ditë, dhe Marino Steinar Hagbardsson i Vestrit, me 16 vjeç, 6 muaj e 26 ditë.

The post Binjakët e Vllaznisë përkrah talentit të Dinamos, ndër më të rinjtë në Kupat e Europës appeared first on Albeu.com.