21-vjeçari ra nga tarraca e biznesit të tij në fshatin Torovicë të Lezhës dhe pavarësisht kujdesit të mjekëve në Spitalin e Traumës, nuk ia doli të mbijetonte plagëve të marra.

Mesazhet ngushëlluese janë të pafundme për familjen e të ndjerit dhe nuk mund të mungonte një nga ish-shoku i tij në akademi, Simon Simoni.

Portieri i Frankfurt dhe Kombëtares U21 është prodhim i kësaj akademie dhe të dy bashkë kanë hedhur hapat e para në sportin me të cilin ëndërronin të mbanin familjet e tyre.

I pari po ia del, por për të dytin, fatkeqësisht ëndrrat janë shuar.

“Qofsh mirë me Zotin, Klajvert. Dritë tpast shpirti. Do na mungosh kapiten”, shkruan Simoni.

The post Hodhën bashkë hapat e parë të futbollit, Simon Simoni mesazh prekës për Klajvert Çunin: Dritë tpast’ shpirti appeared first on Albeu.com.

Simon simoni, portieri 18-vjeçar i Dinamos ka bërë një hap të madh në karrierën e tij. Portieri i talentuar do të transferohet në Bundesliga nga 1 janari, konkretisht te Frankfurt.

Këtë gjë e ka bërë të ditur vet klubi i Dinamos me një postim në rrjetet sociale.

“FC Dinamo ka kënaqësinë t’iu njoftojë se ka mbyllur marrëveshjen për transferimin e portierit Simon Simoni në Bundesliga-n gjermane.

Prej muajit Janar, portieri 18-vjeçar do të jetë pjesë e ekipit të Eintracht Frankfurt.

FC Dinamo i uron Simonit suksese në karrierë dhe i shpreh mirënjohjen për kontributin e dhënë me fanelën e 18 herë kampionëve të Shqipërisë!”/ h.ll/albeu.com

The post Nga Dinamo te klubi i madh gjerman, portieri shqiptar hedh hapin e rëndësishëm të karrierës appeared first on Albeu.com.