Pak orë para nisjes së marshit “Kosova po pret”, lagjja Ulpiana në Prishtinë është mbushur me flamuj kuq e zi, simbole kombëtare dhe qytetarë të shumtë.

Banorë të kryeqytetit dhe pjesëmarrës të tjerë kanë dalë për të siguruar flamuj e simbole kombëtare, ndërsa tubimi pritet të nisë në orën 14:00.

Liridon Kabashi është një prej qytetarëve që do t’i bashkohet marshit. Ai ka bërë të ditur se do të marrë pjesë së bashku me familjen, duke shprehur shpresën për lirimin e çlirimtarëve dhe kthimin e tyre në Kosovë.

“Po, gjithsesi do marrim pjesë në marsh. Me familje, me familje. Me familje, domethënë. Presim lirimin e çlirimtarëve dhe kthimin e tyre në Kosovë. Shpresojmë lirimin, por atëherë ata duhet t’i përdorin mjetet e tyre në shkallë të dytë dhe ne besojmë shumë dhe fuqishëm në pafajësinë e tyre”, ka thënë Kabashi.

Ish-pjesëtari i UÇK-së, Xhevdet Jakaj, ka deklaruar se beson që ish-krerët e UÇK-së do të shpallen të pafajshëm. Ai ka rrëfyer edhe për përvojën e tij gjatë luftës.

“Normal që do të lirohen se janë pa faj. Ata kanë luftuar për vendin e vet, s’kanë shkuar me vra askënd në Serbi a kudo, po kanë luftuar për me mbrojt fëmijët e vet, nënat e vet, baballarët e vet, e për atë kanë me u shpallur pa faj. Po, jam ushtar, e kam lënë Zvicrën, 17 vjet kam pasur, vëllain tim kam marrë. Në ’98-ën në Shqipëri jam ka qenë në njësinë speciale në Durrës, një javë, tani kam shkuar në Koshare. Jemi plagosur në Koshare”, ka deklaruar Jakaj.

Marshit në Prishtinë pritet t’i bashkohen edhe qytetarë nga Tetova. Bekim Matrançi nga Pallatica ka thënë se ai dhe bashkëqytetarët e tij marrin pjesë vazhdimisht në aktivitete të tilla, në Prishtinë, Tiranë, Shkup dhe vende të tjera.

“Po, gjithmonë kemi marrë pjesë: në Prishtinë, Tiranë, Shkup, etj. Jemi të bindur se do të lirohen. Janë të pafajshëm dhe do të lirohen, 100% do të lirohen”, ka thënë Matrançi.

Edhe Bekim Xheladini, po nga Tetova, ka shprehur pritjen që ish-pjesëtarët e UÇK-së të lirohen. Ai ka treguar se ka qenë vetë pjesëtar i UÇK-së në Maqedoni.

“Pa tjetër sot do të vijnë. Pa tjetër sot do të vijnë bashkë. Pa tjetër! I kemi pasur luftëtarë, ashtu. E drejtë! Pa tjetër se e drejtë!”, ka deklaruar Xheladini.

Ramazan Mehmeti, nga fshati Pallaticë i Tetovës, ka ardhur në Prishtinë për të shprehur mbështetjen e tij për ish-pjesëtarët e UÇK-së.

“Jemi në përkrahje të luftëtarëve tanë që kanë dhanë kontributin, rininë për këtë dhe, për këtë rini këtu çka jemi. Edhe i përkrahim, presim pa durim të lirohen. Janë të pafajshëm. Rinia e tyre ka shkuar për këtë vend, për këtë popull, për këtë rini, edhe duhet ky popull shqiptar të ketë përkrahjen e tyre, se po të mos ishin ata, s’ka as Kosovë, as Shqipëri, as shqiptari”, ka thënë Mehmeti.

Marshi “Kosova po pret” zhvillohet sot në Prishtinë dhe në të pritet të marrin pjesë qytetarë nga Kosova, si dhe nga trevat shqiptare.

The post Qytetarët blejnë flamuj kuq e zi para marshit “Kosova po pret appeared first on Albeu.com.

Ata kanë shkruar simbolin “Z” në një automojet të KFOR-it, i cili ëhstë i njëjti simbol që u përdor nga rusët në tanket që luftojnë në Ukrainë.

Para objekteve komunale në katër komunat veriore po qëndrojnë ende një numër të madh protestuesish, mes të cilëve edhe persona të maskuar.

Protestuesit që po qëndrojnë rreth automjeteve të blinduara të Policisë së Kosovës, paraprakisht kanë shkruar në to simole të njëjta dhe të tjera të flamurit të Serbisë.

Simboli “Z” së pari u pa në tanket që ishin nisur drejt kufirit të Ukrainës, disa ditë para se presidenti rus, Vladimir Putin, të urdhëronte pushtimin e shtetit fqinj. Ky simbol u shndërrua shumë shpejt në simbol për mbështetjen e luftës së Putinit në Ukrainë dhe është parë e vizatuar edhe në ndërtesa të ndryshme në Komunën e Mitrovicës së Veriut, të banuar me shumicë serbe, në protestat në mbështetje të Putinit në Beograd, e në vende të tjera.

The post Serbët protestojnë me simbolet ruse në Kosovë, shikoni çfarë shkruajnë mbi automjetet e “KFOR” (FOTO) appeared first on Albeu.com.

Simbolet për larjen

Simbolet e vaskës tregojnë se në cilën temperaturë dhe cikël rrotullimi duhet t’i lani rrobat, ose nëse rrobat mund të lahen në lavatriçe. Temperatura tregohet nga numri i pikave dhe cikli rekomandohet nga numri i vizave nën ikonën e vaskës. Një pikë është 30 gradë Celcius (ujë i ftohtë) dhe dy pika janë 40 gradë Celcius. Çdo pikë që shtohet është +10 gradë Celcius.

Nëse ka dy viza poshtë vaskës, do të thotë që duhet t’i lani me ciklin delikat. Nëse ndodhet një dorë te vaska, kjo tregon se duhet t’i lani me dorë. Nëse gjendet simboli “X”, bëni kujdes sepse rrobat nuk duhen larë në lavatriçe. Rrethi nënkupton pastrimin kimik.

Simbolet e tharjes

Rrobat mund të thahen duke u varur në tel ose në lavatriçe. Simbolet e tharjes janë shumë të rëndësishme, pasi mund të shkaktojnë tkurrjen e veshjeve.

Për tharjen në tel, përdoren simboli i katrorit me viza, ndërsa për tharjen në lavatriçe, përdoret simboli i katrorit me rreth. Vizat në katror nënkuptojnë nëse duhet të përdorni ciklin delikat, ndërsa rrethi në katror nënkupton temperaturën. Sa më shumë pika, aq më e lartë temperatura. Nëse rrethi është i mbushur, duhet t’i thani pa nxehtësi.

Simbolet e zbardhjes

Trekëndëshi nënkupton që mund të përdorni zbardhues. Trekëndëshi me “X” do të thotë se nuk duhet të përdorni, ndërsa ai me vija diagonale nënkupton që mund të përdorni zbardhues që nuk përmban klor.

Simbolet e hekurosjes

Këto simbole janë të thjeshta – më shumë pika, më e larta temperatura. Nëse ka “X”, nuk duhet ta hekurosni. Nëse “X” ndodhet poshtë simbolit të hekurit, nënkupton që nuk duhet të përdorni avull.

The post Çfarë kuptimi kanë simbolet në etiketën e rrobave (FOTO LAJM) appeared first on Albeu.com.

Nga zbërthimi ka rezultuar se tatuazhi në barkun e viktimës është një bashkim i simboleve rune (naziste).
Përkatësisht, kuptimi i tyre është:

Tiwaz – shigjeta që nënkupton nder, drejtësi dhe autoritet
Odal – romb që nënkupton shtëpi, pasuri e trashëguar
Algiz – pamje sfurku do nënkupton mbrojtje dhe shëndet

Ndërkohë, sipas “BalkanWeb”, policia ka ushtruar sërish kontroll në banesën e vajzës, duke analizuar gjithë sendet e saj personale për të zbuluar të dhëna që mund t’i japin shpjegim simboleve.

The post Shigjeta, sfurk e romb: Zbërthehen disa nga simbolet që ju gjetën në trup 23 vjeçares së ndjerë appeared first on Albeu.com.