“Fjala e fundit i takon Sylvinho-s, ka në tavolinë një ofertë”. Kështu u shpreh Armand Duka, presidenti i FSHF-së, në analizën e tij pas përfundimit të fazës “play-off”, në kualifikueset e Botërorit.

Duka ishte i qartë se me apo pa Sylvinho-n, fati i stolit kuqezi do të vendosej përpara miqësoreve të muajit qershor.

Tekniku brazilian ka qenë i pranishëm këto ditë në Tiranë, por jo për të diskutuar mbi kushtet e kontratës së re, por burime për News24 bëjnë me dije se mes Dukës dhe Sylvinho-s vendimi është marrë kohë më parë.

Mungon komunikimi zyrar, por Sylvinho e ka mbyllur me FSHF, me këta të fundit që kanë njoftuar një konferencë të jashtëzakonshme ditën e sotme në orën 10:00, për të njoftuar mos rinovimin e kontratës me Sylvinhon dhe prezantimin e trajnerit të ri të ekipit përfaqësues.

Sylvinho largohet nga Shqipëria me shifra fantastike, teksa u kualifikua në Evropian dhe për herë të parë dërgoi “shqiponjat në fazën “play-off” të një Botërori.

The post E papritur! Silvinjo e mbyll me Kombëtaren, sot prezantohet trajneri i ri i Shqipërisë appeared first on Albeu.com.

Çokaj do të ishte transferim nga Panathinaikos. Kontrata e lidh me këto të fundit deri në fund të sezonit, edhe pse aktualisht është i huazuar te Levadiakos.

I lindur në Koplik, Çokaj e niste te moshat e Vllaznisë dhe Shkëndijës, para se të transferohej te Lokomotiva. Më pas, 27-vjeçari luajti edhe me Laçin në Abissnet Superiore si i huazuar nga klubi kroat.

Panathinaikos i bleu kartonin në vitin 2022. Tashmë është drejt eksperiencës për herë të parë në Gjermani. Kujtojmë se trajneri Silvinjo e ktheu te Kombëtarja përgjatë vitit të kaluar, ku mori minuta ndaj Gjibraltarit në miqësore.

The post Silvinjo e riktheu pasi ishte harruar, mesfushori i Kombëtares drejt firmës në Gjermani appeared first on Albeu.com.

Për të mësuar të ardhmen e Silvinjos, nuk është e qartë se kur do të vijë përgjigjia.

Trajneri Silvinjo tha pas humbjes me Poloninë, që kontrata e tij është deri në korrik dhe më pas do të vendoset. Në anën tjetër, presidenti Duka u shpreh se vendimi do të merret para miqësoreve të qershorit.

ÇFARË THA TRAJNERI SILVINJO:

“Kontrata është deri në muajin korrik dhe më pas do të vendosim. Ka qenë një rrugëtim prej tre viteve ku ka ndodhur çdo gjë, ka pasur lojtarë që kanë luajtuar 90 minuta të dielën dhe mërkurën, ka pasur lojtarë që nuk kanë marrë minuta fare dhe pa skuadër fare, ajo çfarë ka bërë diferencën është se kanë bërë mirë për ne, jemi një skuadër në rritje, jam krenar për mënyrën si janë prezantuar në ndeshje, ata lënë çdo gjë në fushë dhe kanë kënaqësi për të përfaqësuar Shqipërinë”, u shpreh Silvinjo pas humbjes me Poloninë.

ÇFARË THA PRESIDENTI I FSHF-SË, ARMAND DUKA:

“E kam pyetur si e ndjen veten, nëse e udhëheq përsëri këtë skuadër apo jo. E kam detyrim që të jem transparent dhe po i them bisedat siç i kemi bërë me trajnerin. Ai më ka pyetur “Si e mendon ti?”. Në këndvështrimin tim ke energji akoma i thashë. Ai do marrë kohë për ta menduar dhe për të më dhënë përgjigje. Nuk do të thotë që nëse thotë po, ne do të ofrojmë një kontratë të re. Por do të vendosim para ndeshjeve të qershorit nëse ne do vazhdojmë me trajnerin apo me një tjetër”.

The post E ardhmja e Silvinjos në pikëpyetje, trajneri dhe presidenti Duka nuk ndajnë të njëjtin mendim appeared first on Albeu.com.

Pilo u përfshi nga “Sofascore” te formacioni më i mirë, pikërisht sa u përket çerekfinaleve të kthimit në Ligën e Konferencës. Risia e Silvinjos asistoi një gol për AEK-un, teksa qëndroi për 85 minuta në fushë.

Mbrojtja spikati te AEK, që kishte tjetër fytyrë në çerekfinalen e kthimit. Strakosha po ashtu luajti si titullar.

The post Risia e Silvinjos shkëlqen në Europë, e përfshijnë te formacioni më i mirë në çerekfinalen e Ligës së Konferencës appeared first on Albeu.com.

Me përfundimin e kësaj ëndrre, drejt përfundimit po shkon edhe kontrata e trajnerit Silvinjo, e cila ka afat deri në fund të korrikut. Në fakt, afati ishte i tillë për shkak se kontrata e vjetër e Silvinjos përfundonte në dhjetor dhe duke qenë se Shqipëria kishte shansin e fundit në mars, medoemos u desh që kontrata e trajnerit të rinovohej dhe u mendua deri në fund të Botërorit, gjithmonë me shpresën se Shqipëria do të arrinte të kualifikohej. Mesa duket, palët ende nuk kanë arritur të gjejnë një marrëveshje të re për rinovimin e saj dhe tashmë vetë trajneri është duke shqyrtuar opsionet e reja.

BRAZILI- Nëse deri më tani ishte diskutuar se Silvinjo mund të drejtonte një tjetër ekip Kombëtar, duket se gjërat kanë ndrsyhuar dhe tashmë emri i Silvinjos lidhet me një rikthim në atdheun e tij. “Panorama Sport” ka mësuar se emri i trajnerit të Kombëtares, po përmendet si një alternativë e mundshme për të marrë drejtimin e skuadrës së Korinthiasit në kampionatin brazilian, duke qenë se Silvinjo është një trajner që e njeh mirë ambientin dhe klubin. Tekniku i Kombëtares më parë ka drejtuar Korinthiansin në vitet 2021 dhe 2022. Silvinjo është konsideruar si pasardhësi i Dorival Zhunior që drejton aktualisht skuadrën dhe shihet si trajner i ri i Korinthians. Fakti se Silvinjo ka punuar me këtë skuadër dhe e di si funksionojnë gjërat dhe për më tepër që tani ka edhe një eksperiencë edhe më të madhe mbi supe, është një avantazh i madh që e bën pretendent kryesor duke qenë se nuk ka nevojë për shumë adaptim në skuadër dhe në kampionat. Ky do të ishte një skenar ndryshe nëse drejtimin do ta merrte një trajner që nuk e ka drejtuar më parë Korinthiansin. Raporti zbulon gjithashtu se Alvinegro Paulista po nxiton të shpallë trajnerin e ri për shkak të ndeshjeve vendimtare që e presin. Të enjten, ata debutojnë në Libertadores kundër argjentinasve të Platenses, ndërsa të dielën do të përballen me Palmeirasin në kampionat.

E SHKUARA TE KORINTHIAS- Trajneri i Kombëtares u emërua në fund të majit 2021 dhe qëndroi deri më 3 shkurt 2022, kur u shkarkua pas një humbjeje në derbin ndaj Santosit. Në total, ai e drejtoi ekipin në 44 ndeshje, duke arritur 17 fitore, 14 barazime dhe 13 humbje, sipas të dhënave nga “Transfermarkt”. Vlen të theksohet se ai pati edhe një karrierë të suksesshme si lojtar në klub dhe konsiderohet një nga mbrojtësit e majtë më të mirë në historinë e Korinthiansit, teksa luajti për ekipin nga viti 1994 deri në vitin 1999.

ALTERNATIVAT- Silvinjo është një nga emrat më të spikatur sidomos pas aventurës me Shqipërinë që konsiderohet e suksesshme duke qenë se kuqezinjtë u kualifikuan një herë në Europian dhe një herë tjetër në “play off” të Botërorit, për herë të parë në histori. Megjithatë, mediat braziliane raportojnë se për të marrë drejtimin e Korinthiasit, ka edhe disa emra të njohur mirë në Brazil dhe bëhet fjalë për emra si Tite e Dinizi. Klauzola e lirimit të Dorivalit te Korinthians është rreth 6 milionë dollarë, teksa humbja e Korinthians së fundmi në kampionat ndaj Internacionalit ishte pika e fundit për vazhdimin e qëndrimit të Dorival Zhunior si trajner. Pas një tjetër rezultati negativ, bordi vendosi ta shkarkojë trajnerin, duke i dhënë fund periudhës së tij në drejtimin e ekipit, mes presionit dhe kritikave për performancën. Pa fitore në shtatë ndeshje në kampionatin brazilian, Korinthiansi i është afruar zonës së rënies nga kategoria. Në vendin e 16-të, skuadra nga Parke Sao Zhorzhe ka vetëm 10 pikë në 10 ndeshje të luajtura, me dy fitore, katër barazime dhe katër humbje. Kështu, klubi është në kërkim urgjent për një trajner që njeh ambientin sepse koha nuk premton dhe një trajner që ka punuar me to në të shkuarën do të ishte ideali dhe prandaj Silvinjo është aktualisht emri më i mundshëm për të drejtuar klubin brazilian.

KRITIKAT DHE STATISTIKAT- Ashtu si te Shqipëria, Silvinjo është një trajner që pëlqen të luajë me skemën 4-2-3-1, duke i dhënë më shumë siguri mbrojtjes dhe shpreson që të mos pësojë gola, por kjo skemë kufizon jo pak repartin e sulmit. Në të shkuarën, ka pasur kritika të shumta për skuadrën e Korinthiansit duke qenë se nuk shënonte në kohën kur drejtohej nga Silinjo. Kështu, trajneri duhet të bëjë ndryshime dhe fillimisht duhet të rregullojë gabimet që trajneri Dorival ka bërë deri më tani me skuadrën e më pas, të implementojë filozofinë e tij në lojë duke qenë se janë shumë ndryshe drejtimi i klubit me atë të Kombëtares. Korinthiansi njoftoi zyrtarisht shkarkimin e Dorival Zhunior, pas humbjes 1-0 ndaj Internacional në Neo Quimika Arena. Ai e mbylli periudhën si trajneri i dytë me jetëgjatësinë më të madhe në klub gjatë kësaj dekade. Menaxhimi i klubit ka pësuar disa ndryshime gjatë pesë viteve të fundit. Vetëm tre trajnerë kanë arritur ose tejkaluar 60 ndeshje zyrtare. Drejtori ekzekutiv Marselo Paz deklaroi se puna e Dorival Zhunior arriti kulmin pas një serie prej nëntë ndeshjesh pa fitore. Sa i përket Silvinjos, trajneri i Kombëtares është në listën e trajnerëve që ka drejtuar skuadrën në 5 vitet e fundit dhe është një nga trajnerët që ka qëndruar gjatë me skuadrën. Silvinjo ka qenë trajner në 43 ndeshje, 21 sfida më pak se Pereira që është edhe trajneri më jetëgjatë i Korinthiansit në 5 vitet e fundit.

SILVINJO TE SHQIPËRIA– Silvinjo u emërua si trajner i Shqipërisë në janarin e vitit 2023, duke marrë drejtimin e kuqezinjve vetëm pak muaj para se të nisnin kualifikueset e Europianit që do të luhej në verën e 2024-ës në Gjermani. Aventura e brazilianit nuk nisi mirë duke qenë se u mundëm në Poloni që në debutim megjithëse loja e zhvilluar nga skuadra jonë ishte pozitive dhe bindi duke dhënë sinjale të qarta se do të bëhej një punë e madhe. Dhe në fakt, ashtu rezultoi duke qenë se Shqipëria arriti të kualifikohej si e para e grupit duke prekur Europianin për herë të dytë në histori dhe këtë herë, Shqipëria arriti të kualifikohej si skuadra fituese e grupit. Pak muaj më vonë, kuqezinjtë dështuan në rrugëtimin drejt Ligës së Kombeve duke u renditur e fundit në grupi për të rënë njëkohësisht edhe në Ligën C, aty ku do të përballet me skuadra të një niveli më të dobët. Shqipëria pati shansin e artë me Silvinjon të provonte për herë të parë Botërorin, duke dhuruar emocione të forta në grupin kualifikues, ku fitoi edhe në Leskovc ndaj Serbisë ndërkohë që zhgënjimi ishte i madh për eliminimin në Varshavë, aty ku rastet e humbura nga kuqezinjtë ishin të shumta dhe për më tepër, kritikat ndaj trajnerit ishin edhe më të mëdha duke qenë se formacioni startues nuk ishte bindës. Me shumë gjasa, cikli i Silvinjos te Shqipëria ka përfunduar dhe tashmë mbetet të shihet nëse trajneri do të vazhdojë karrierën në Brazil nën drejtimin e Korinthiansit apo do të arrijë një marrëveshje për të vijuar punën e tij te Shqipëria, edhe pse besimi tashmë ka rënë.

The post Silvinjo drejt largimit nga Kombëtarja shqiptare, zbulohet skuadra e re appeared first on Albeu.com.

“Duhet të jem i sinqertë, ishte e vështirë që të reagonim pas humbjes ndaj Polonisë. Imagjinoni që kishim mundësinë e vetme në jetë, si shtet e federatë që të shkonim në Botëror, ishte hera e parë për ne. Pritshmëria ishte shumë e lartë, po luanim 100% e më shumë ndaj Polonisë, kishim edhe një pjesë të ndeshjes në dorën tonë.

Në fund të ndeshjes ishte e vështirë ta pranonim. Ishte e vështirë të punonim në ekip dhe mundësia të reagonim, të vinim e luanim këtu ndaj një ekipi të mirë si Ukraina, me lojtarë të mirë. Ky është një ekip i pabesueshëm, e kam parë ndeshjen ndaj Suedisë, mund ta shihja sa shumë lojtarë të mirë kishit bërë. Pastaj kur flet për futbollin, e pëson 3 gola, je jashtë. Por duke menduar për ekipin tonë ishte shumë e vështirë, ne kemi shpenzuar shumë energji që të vinim këtu dhe u munduam të bënim mirë në mendjen tonë. Nuk rikuperuam mirë, të them të drejtën, nëse flitet për aspektin mendor.

Thashë që do jem i kënaqur nëse e fitoj? Nëse fiton ndeshjen je, nëse jo, padyshim jo. Edhe paraqitja ishte e vështirë, që të rikuperonim lojtarët nga ana mendore. E provuam të gjithë, edhe federata. Për ne është shumë e vështirë, është një kundërshtar i vështirë. Por kur je këtu, në play-off, mund ta imagjinosh që mund të shkosh para, nuk ia dolëm. Polonia ishte rezultat i vështirë, e përsërit se si përfundoi ndeshja, ishte e vështirë të menaxhonim edhe 25-30 minutat e fundit. Nuk kam çfarë të them, jam i mërzitur. Urime Ukrainës, shihemi herën tjetër.

Miqësorja me Ukrainën? Kur më pyesni, po mendoj se ju e dini përgjigjen time. Po bëj shaka. E kuptoj pyetjen tuaj shumë qartë. Besoj se e dini përgjigjen time. Është e vështirë për të dyja skuadrat, po flas për një ndeshje me Ukrainën. Pesë ditë më parë po luanit në nivele të larta, përqëndrimi dhe taktikisht. Dhe të gjithë lojtarët po prisnin për atë ndeshje që ishte pesë ditë më parë. Është e vështirë për të dyja skuadrat.

Sigurisht që Ukraina luajti shumë më mirë se ne sot, kanë kualitet të mrekullueshëm. Keni lojtarë që luajnë te PSG, Benfika, Gijon, Bornmuth, Everton. Shumë lojtarë të mirë. Ishte e vështirë për ne. Le të shkojmë te pika që po më pyet, ishte shumë e vështirë. Që Shqipëria të shkonte në “play off” nënkuptonte shumë për të gjithë, mund të ishte më mirë, por ne kishim eksperiencën që luajtëm dy ndeshje dhe pse i humbëm të dyja”, u shpreh trajneri Silvinjo.

The post “E vështirë të reagonim, nuk ishim mirë në aspektin mendor”, Silvinjo e pranon te Shqipëria: Ukraina luajti shumë më mirë se ne appeared first on Albeu.com.

Megjithatë, të besuarit e Silvinjos duhet të reagojnë në këtë ndeshje miqësore dhe të provojnë për të marrë më të mirën nga ky takim. Duke parë faktin se bëhet fjalë vetëm për një ndeshje miqësore, stafi teknik mund t’u japë shumë hapësirë të rinjve dhe në stërvitjen e djeshme, vetë trajneri Silvinjo nuk e kishte caktuar ende se si do të luante. Në portë, me shumë gjasa do të jetë sërish Strakosha, i ndihmuar në qendër të mbrojtjes nga Cake dhe Gjimshiti.

Krahët mund të kenë ndryshime, me Hysajn në të djathtë dhe me Pilon nga e majta. Në mesfushë, treshja Laçi, Shehu dhe Asllani do të mbeten të pandryshuar, ndërkohë që treshja e sulmit pritet të ketë ndryshime. Në të djathtë të sulmit, pritet që të jetë Anis Mehmeti titullar si edhe në të majtë Arbër Hoxha.

Në sulm, ka një balotazh mes Brojës dhe Uzunit, por ky i fundit është më i avantazhuar.

The post Ndryshime në sulm dhe mbrojtje, Silvinjo ka dilema për anti-Ukrainën, ja formacioni i mundshëm appeared first on Albeu.com.

Më parë u larguan Ylber Ramadani dhe Arlind Ajeti. Për Silvinjon nënkupton se asnjë nga lojtarët e tjerë që udhëtuan në Valencia, nuk ka pse të qëndrojë në tribunë.

Jasir Asani, Klisman Cake dhe Nazmi Gripshi që munguan ndaj Polonisë, do të jenë për llogaritë e sfidës përballë Ukrainës. Ky takim është rezervuar për të martën(31 mars), prej orës 20:45.

Kujtojmë se Muçi pati vetëm disa minuta në fundin e ndeshjes me Poloninë. Ky sezon me Trabzonsporin është edhe më i miri në karrierën e tij sipas statistikave.

Njoftimi i FSHF-së:

Kombëtarja shqiptare ke zhvilluar seancën e radhës stërvitore në qendrën sportive Parador de El Saler të Valencias, me kuqezinjtë që janë stërvitur për rreth 1 orë me intensitet të plotë.

Trajneri Silvinjo dhe stafi teknik i kanë angazhuar lojtarët në në ushtrime fizike fillimisht, teksa më tej stërvitja është fokusuar në ushtrime me topin dhe ndeshje kontrolli.

Departamenti i Komunikimit në FSHF në me dije se me skuadrën nuk është stërvitur sot sulmuesi Ernest Muçi, i cili që të shtunën ka ndjerë një shqetësim në pjesën e pasme të kofshës së djathtë.

Për këtë arsye, dje iu nënshtrua një rezonance magnetike, e cila evidentoi një edemë në nivelin e muskulit, që kërkon disa ditë pushim për shërim të plotë e si pasojë ai nuk mund të rikuperohet në kohë plotësisht për ndeshjen ndaj Ukrainës.

Pas konsultimit me stafin mjekësor, trajneri Silvinjo vendosi ta lërë të lirë Muçin, i cili ka udhëtuar sot drejt Turqisë për të vijuar rikuperimin.

Gjithashtu, në seancën e sotme stërvitore nuk mori pjesë edhe mesfushori Jasir Asani, i cili ka pësuar një goditje në gjurin e djathtë gjatë stërvitjes së djeshme. Stafi mjekësor po e mban në monitorim të vazhdueshëm gjendjen e tij dhe nesër do të vlerësohet nëse futbollisti do të jetë i gatshëm për t’u rikthyer në stërvitje.

Ndeshja miqësore mes Ukrainës dhe Shqipërisë do të zhvillohet më 31 mars, në orën 20:45, në stadiumin Estadi Ciutat de València, në Valencia.

The post E papritur! Largimi i Muçit i bën “nder” Silvinjos, sulmuesi lë Kombëtaren në momentin më të mirë appeared first on Albeu.com.

Ky takim konsiderohet vendimtar për skuadrën kuqezi, e cila synon të bëjë një hap të madh drejt kualifikimit në turneun më të madh të futbollit botëror.

Nën drejtimin e trajnerit brazilian Silvinjo, ekipi zhvilloi pasditen e djeshme seancën e parë stërvitore në ambientet e “Shtëpisë së Futbollit”.

Kjo seancë u fokusua kryesisht në aspektin fizik dhe përgatitjen taktike, ku lojtarët punuan në palestër dhe më pas kaluan në fushë për ushtrime me topin dhe skema të ndryshme loje.

Stafi teknik ka vendosur theks të veçantë te organizimi i skuadrës dhe detajet, duke qenë se përballja ndaj Polonisë kërkon përqendrim maksimal dhe natyrisht përgatitje deri në detajet e fundit.

MUNGESAT- Në këtë seancë të parë ishin të pranishëm 23 futbollistë nga lista që ka 26 lojtarë. Thuajse të gjithë futbollistët ishin, me përjashtim të Uzunit, Ramadanit dhe Nazmi Gripshit. Të tre lojtarët, janë bashkuar me skuadrën vetëm në orët e vona të mbrëmjes duke mos pasur mundësi që të stërviten ditën e parë me skuadrën. Mungesa e tyre në seancën e parë lidhej me arsye të ndryshme, ku Uzuni dhe Gripshi nuk arritën në kohë për shkak të udhëtimit nga klubet e tyre, ndërsa Ramadani për një arsye familjare shumë të veçantë, pasi është bërë baba për herë të tretë pikërisht ditën e djeshme.

AXHENDA– Sipas programit të përgatitur, Kombëtarja do të vijojë përgatitjet intensive edhe ditën e sotme me një tjetër seancë stërvitore në “Shtëpinë e Futbollit”, ku grupi pritet të jetë i plotë. Trajneri Silvinjo pritet të eksperimentojë me disa alternativa në formacion, pasi ndeshja me Poloninë është shumë afër dhe nuk ka kohë për të humbur. Ekipi do të udhëtojë të mërkurën drejt Varshavës, ku do të zhvillohet ndeshja në datën 26 mars, në orën 20:45.

Kuqezinjtë i pret natyrisht një ndeshje shumë e vështirë në një stadium të mbushur plot me ultras polakë, teksa vetëm 5% e stadiumit do të jetë me tifozë shqiptarë, aq sa e lejon edhe rregullorja për skuadrat udhëtuese. Pas ndeshjes me Poloninë, kuqezinjtë do të nisen menjëherë në drejtim të Suedisë ose Spanjës për t’u përballur me fituesin ose humbësin e çiftit UkrainëSuedi. Duke qenë se në Ukrainë nuk mund të luhen ndeshje, verdheblutë kanë zgjedhur Spanjën si vendin ku do të zhvillojnë ndeshjet kualifikuese të “Play Off”, ose miqësoren.

SUPERIORJA- Duke pasur 3 mungesa në stërvitjen e parë, trajneri Silvinjo ka menduar që të marrë edhe disa lojtarë nga kampionati shqiptar, të cilët janë vënë në dispozicion të stafit teknik. Kështu, veç Alijit dhe Dajsinanit që ishin në listën e grubmullimit, edhe një numër i konsiderueshëm i lojtarëve nga kampionati ynë, janë bashkuar me skuadrën.

Ditën e djeshme, lojtarët e Dinamos Ismaili dhe Farruku kanë qenë në stërvitje, ashtu si edhe Ledio Tresa nga Laçi. Teuta ka pasur dy përfaqësues, ku Artan Jazxhi dhe Xhoele Maçolli ndihmuan në ditën e parë të stërvitjes. Nga Elbasani, stafi teknik ka thirrur portierin Totoshi, që këtë javë luajti titullar teksa vend në skuadër kishte edhe për Elmando Gjinin dhe Gledian Pusin nga Vllaznia.

The post Kombëtarja e nis stërvitjen e parë me mungesa, Silvinjo merr lojtarë nga kampionati shqiptar appeared first on Albeu.com.

Trajneri Silvinjo, ka bërë publike listën me 26 lojtarët e ftuar për këtë përballje, si edhe për ndeshjen e mundshme ndaj Ukrainë/Suedisë më 31 mars.

Për herë të parë me Kombëtaren shqiptare, kanë marrë ftesë mbrojtësit Stavro Pilo dhe Bujar Pllana.

Lista e plotë me 26 lojtarë:

Portierë: Thomas Strakosha, Elhan Kastrati, Mario Dajsinani

Mbrojtës: Mario Mitaj, Stavro Pilo, Naser Aliji, Berat Gjimshiti, Bujar Pllana, Klisman Cake, Arlind Ajeti, Ardian Ismajli, Elseid Hysaj, Ivan Balliu

Mesfushorë: Kristjan Asllani, Adrion Pajaziti, Ylber Ramadani, Juljan Shehu, Qazim Laçi, Nazmi Gripshi, Arbër Hoxha, Anis Mehmeti, Jasir Asani

Sulmues: Myrto Uzuni, Ernest Muçi, Nedim Bajrami, Armando Broja

Kombëtarja shqiptare do të nisë përgatitjet të hënën në “Shtëpinë e Futbollit” për ndeshjen e parë ndaj Polonisë, ndërsa të mërkurën do të udhëtojë drejt Varshavës.

The post Botërori 2026/ Silvinjo publikon listën me surpriza, përgjysmon sulmin, lëvizje në mbrojtje appeared first on Albeu.com.