Ramadani ka fituar 156 herë posedimin e topit, ndërsa Modriç plot 171 herë. Lista vijon më tej me Matiç, Kristanten, Vlasiç, Adopo, Pongraçiç, Lokateli, De Kunja dhe Doda. Statistika në fjalë mbledh rastet, kur lojtari ka rikuperuar topin nga kundërshtari, ka ndërprerë një aksion, ka bërë presion të suksesshëm për të fituar topin apo ka fituar drejtpërdrejt duele si në tokë dhe ajër.

Kjo statistikë vlen pikërisht për lojtarë si Ramadani, që janë mesfushorë para mbrojtjes. Ndikimi i mesfushorit shqiptar për rikthimin e topit në favor të Leçes dhe prishja e lojës së kundërshtarit është e dukshme.

Me kilometrat e përshkuara në 30 javë të Seria A, Ramadani është edhe maratonamaku i skuadrës. Si titullar i padiskutueshëm ka luajtur në 29 javë. Interesant është fakti se në Poloni nuk mori asnjë minutë nga trajneri Silvinjo.

EMANUEL LOCI-PANORAMASPORT.AL

The post Çuditë e Kombëtares! Silvinjo nuk i besoi asnjë minutë, vetëm Modriç bën më mirë se mesfushori shqiptar në Seria A appeared first on Albeu.com.

Kuqezinjtë e drejtuar nga trajneri Silvinjo zhvilluan një seancë të plotë stërvitore, ndërsa Departamenti i Komunikimit në Fshf bën me dije se të gjithë lojtarët janë gati për sfidën ndaj Polonisë.

Atmosfera brenda grupit është shumë pozitive dhe i gjithë ekipi dhe stafi është i motivuar për të zhvilluar një ndeshje të mirë.

The post Kombëtarja mbyll përgatitjet, gjithçka gati për sfidën e nesërme të play off-it të Botërorit 2026 appeared first on Albeu.com.

Mehmeti i shtangu të gjithë në minutën e pestë. Mbrojtja kundërshtare ishte e vendosur mirë, për këtë askush nuk priste që të provonte nga distanca.

24-vjeçari e bëri të duket një gol mjaft i lehtë. Për të ndërkohë ishte goli i shtatë në këtë edicion të Championship, ndërsa numëron edhe gjashtë asistime.

Dhe pse flitet për një ndër lojtarët, që po kalon edicionin e dytë fantastik në Championship, trajneri Silvinjo e shikon të tepërt. Braziliani nuk e fton në Kombëtare që nga viti 2023.

Goli i Anis Mehmetit: (VIDEO)

The post VIDEO/ Anis Mehmeti është unik! Vetëm Silvinjo e shikon të tepërt, shikoni supergolin e radhës nga sulmuesi shqiptar appeared first on Albeu.com.

Braziliani thekson se këto fitore të rëndësishme kanë ardhur falë punës dhe përkushtimit të gjithsecilit dhe kërkon që të vazhdohet kështu edhe në ndeshjet e mbetura, për të bërë realitet një ëndërr, kualifikimin në Botëror.

“Sapo kemi mbyllur një tjetër periudhë të shkëlqyer së bashku me rezultate shumë pozitive. Jo vetëm për shkak të dy fitoreve të rëndësishme, por falë përpjekjes, performancës, përkushtimit dhe punës në skuadër të gjithsecilit. Vazhdojmë përpara kështu… gjithmonë me shpirt dhe zemër. Forca Shqipëri!”, shkruan Silvinjo në Instagram.

The post Silvinjo ka një mesazh për kuqezinjtë: Vazhdojmë përpara kështu… appeared first on Albeu.com.

Në prag të këtyre takimeve, Silvinjo publikoi pak ditë më parë listën me lojtarët e grumbulluar për sfidën ndërkohë që ditën e sotme, do të nisin zyrtarisht përgatitjet për këto dy sfida. Gjatë paradites, pritet që lojtarët të mbërrijnë në hotel për të nisur grumbullimin, ndërkohë që pasdite është planifikuar seanca e parë stërvitore e skuadrës.

MBROJTJA- Duke qenë se veç Ismajlit, mungon edhe Kumbulla, alternativat që Silvinjo ka për dy ndeshjet e radhës në qendër të mbrojtjes, janë të pakta. Risia në listë, ishte Klisman Cake nga Shkëndija e Tetovës, i cili grumbullohet për herë të parë me Shqipërinë. Ditët në vijim, gjërat do të jenë më të qarta për trajnerin dhe stafin teknik, teksa priten edhe ndryshime në listë, ku veç Ismajlit që me shumë gjasa nuk do të jetë, mund të ketë edhe të tjera ndryshime nëse do të ketë dëmtime këto ditë, siç ka ndodhur edhe herën e fundit në ndeshjet ndaj Letonisë dhe Gjibraltarit.

FORMA- Pjesa tjetër e skuadrës, po kalon një moment të mirë dhe thuajse të gjithë futbollistët, kanë marrë minuta me skuadrat e tyre respektive në kampionat. Golat këtë javë, kanë qenë me pikatore nga futbollistët e grumbulluar, ndërkohë që kanë shkëlqyer ata që nuk janë në listën e kuqezinjve. Protagonist, ishte portieri Strakosha që ditën e djeshme priti një penallti në Greqi, ndërkohë që titullarë luajti pas shumë kohësh edhe Elseid Hysaj te Lacio. Titullarë luajtën Berisha e Ramadani me Leçen, Gjimshiti me Atalantën e Asllani me Torinon.

PËRGATITJET- Skuadra do të nisë stërvitjen pasditen e sotme në “Shtëpinë e Futbollit”, teksa pritet të udhëtojë në drejtim të Serbisë një ditë para ndeshjes, ku në Leskovac do të zhvillojë seancën e fundit stërvitore para takimit si edhe konferencën e shtypit. /ERJON ALLARAJ-PANORAMASPORT.AL

The post Shqipëria nis përgatitjet për Serbinë, Kombëtarja do të zhvillojë sot seancën e parë stërvitore appeared first on Albeu.com.

Silvinjo sërish me zgjedhje të guximshme për Hadrojn, i cili është i vetmi me pozicion natyral në krahët e mbrojtjes, përpos Alijit dhe Balliut.

Brruti rezulton të ketë fituar ftesën në mars, vetëm për të qenë i gatshëm në rast emergjence. Në anën tjetër portieri Simon Simoni ishte zgjedhje e pritur, për të mos sakrifikuar një tjetër lojtar.

Largimi i tre lojtarëve, nga 26 të ftuar për sfidat e marsit, është i detyruar nga UEFA. Kujtojmë se vetëm 23 mund të jenë të gatshëm për një ndeshje. Sfida me Andorrën do të nisë sot në orën 20:45, pikërisht në “Arena Kombëtare”.

The post Silvinjo sërish me zgjedhje të guximshme, tre lojtarë të Kombëtares përfundojnë në tribunë për ndeshjen sot appeared first on Albeu.com.

Duke analizuar atë që ndodhi, trajneri ynë kuqezi, Sylvinho, u shpreh pas disfatës 2-0: “Anglia është një nga kombëtaret më të forta, ka dy mbrojtësa qendre shumë të fortë. Kjo ishte vetëm ndeshja e parë. Nuk është shumë e lehtë të vish në ‘Wembley’ dhe të fitosh, unë punoj për këtë gjë.

Këtu luajnë lojtarët më të mirë të botës, është e vështirë. Jam shumë i lumtur dhe krenar për gjithë lojtarët që luajtën në fushë. Nëse nuk shkon në fushë i organizuar, mund të pësosh edhe 5 gola. Në pjesën e dytë luajtëm më mirë.

Në momentin që u fut Broja bëri një punë të mirë. Aty mund të ishim afruar me barazimin, por shënuan golin e dytë dhe ne humbëm. Nëse nuk i përgatit mirë ndeshjet për 45 minutat e para, përfundon keq.

Kishim vështirësi për t’i bërë presing kundërshtarit. Vetëm Uzuni mund të sulmojë hapësirat. Kemi gabuar në pasimin e parë për të dalë nga zona. Në momentin që del nga ky presing që bëjnë anglezët, mund të rrezikosh.

Nga krahu tjetër ishte një kundërshtar, një skuadër teknikisht fantastike, shumë, shumë e fortë. Ishte e vështirë për mbrojtësit e krahut, Aliji po luan si qendër, jo krah te Dinamo. Në kombëtare e ka bërë shpesh krahun, dua t’i bëj komplimente, sepse ka bërë një ndeshje shumë të mirë. Edhe Balliut, i cili ka ardhur pa luajtur shumë minuta në klub, i duhej të përballonte Rashford”.

The post Humbja me Anglinë/ Silvinho: Tek Anglia luajnë futbollistët më të mirë të botës appeared first on Albeu.com.

Pak me vonesë, për shkak të trafikut, kanë mbërritur në stërvitje Gjimshiti, Bajrami, Balliu e Manaj, të cilët kanë kryer seancë fizioterapie. Ndërsa në fushë ka mbërritur i fundit Armando Broja. Në gjysmëfushën tjetër kanë zhvilluar seancë stërvitore edhe futbollistët e thirrur nga Alban Bushi, me kombëtaren shpresa.

Nën drejtimin e Silvinjos dhe Bushit, janë stërvitur edhe disa futbollistë nga kampionati shqiptar, të cilët nuk kanë patur ftesë zyrtare për sfidat e marsit. Në fushë kanë zbritur edhe Rrok Toma, Ysni Ismaili, Aldi Gjumsi, Altin Bytyçi, Denis Sulo, Antonio Delaj, Renaldo Torraj, Sergio Kalaj dhe Devit Demirçani.

Të nëntë këta lojtarë luajnë në Abissnet Superiore dhe Kategorinë e Parë. Kombëtarja A dhe kombëtarja Shpresa kanë zhvilluar edhe një ndeshje kontrolli, e cila u ka shërbyer trajnerëve respektivë për të parë gjendjen e futbollistëve përpara ndeshjeve me Anglinë dhe Andorrën.

Të mërkurën, ekipi do të udhëtojë drejt Londrës, ku të premten Kombëtarja do të luajë ndeshjen e parë kualifikuese për Kupën e Botës 2026 ndaj Anglisë në “Wembley”.

The post Kombëtarja: Të gjithë nën urdhrat e Silvinjos, në stërvitje edhe lojtarë nga Superiorja appeared first on Albeu.com.

Ndalesa e rradhës për trajnerin Silvinjo dhe asistentët e tij, Doriva dhe Zabaleta, ishte Roma, ku takuan Elseid Hysaj. Stafi teknik i Kombëtares diskutoi me Hysaj mbi gjendjen aktuale të tij pas dëmtimit të pësuar dhe grumbullimet e ardhshme të muajit mars.

Trajneri Silvinjo dhe asistentët e tij do të vazhdojnë takimet me lojtarët shqiptarë përgjatë muajit shkurt, ndërkohë që paralelisht vijojnë me përgatitjen teknike të ndeshjeve kualifikuese.

The post Sylvinho ndalon në Romë, takon Hysajn, afron grumbullimi i parë appeared first on Albeu.com.

Këtë herë, stafi kuqezi ka udhëtuar drejt Anglisë, ku ka ndjekur nga afër ndeshjen mes Bristol Siti dhe Bllekbërn. Ata kanë vëzhguar sulmuesin Anis Mehmeti, një nga lojtarët më të rëndësishëm të Bristol Siti i cili ka spikatur me performancat e tij të mira gjatë këtij sezoni.

Në vijim, stafi teknik i Kombëtares ka planifikuar vizita të tjera, për të ndjekur nga afër lojtarët e Kombëtares që aktivizohen në Europë.

The post Silvinjo kujtohet për Anis Mehmetin, shkon ta ndjekë në ndeshjet e kampionatit anglez appeared first on Albeu.com.