Zëdhënësja e Presidentit te Partisë se Lirisë, Jasmira Memelli, përmes një reagimi në rrjetet sociale, shkruan se Silva Caka ishte larguar nga PL për të ndjekur Shkollën e Magjistraturës, por sipas tyre, rezultoi diçka tjetër.

“Ka mbi një vit që S.C ka dhënë dorëheqjen për të ndjekur gjoja Shkollën e Magjistraturës, që në fakt rezultoi aplikim për në “Shkollën” e Korrupsionit, Krimit dhe Vesit”, shkruan ajo.

Ndër të tjera, Memelli shprehet se “nuk ndalojmë askënd të lëpijë atë që ka pështyrë, apo të pështyjë fytyrën e vet”, duke iu referuar deklaratave të hershme të Silva Cakes ndaj kryeministrit apo qeverisë.

Reagimi i Jasmira Memelli, zëdhënëse e Presidentit te Partisë se Lirisë

Kur dikush zgjedh të braktisë vlerat e Lirisë dhe Demokracisë për një karrige të pa vlerë në Qeverinë e krimit dhe të korrupsionit, nuk largohet nga Partia e Lirisë, por nga morali, integriteti dhe parimet.

Nuk ndalojmë askënd të lëpijë atë që ka pështyrë, apo të pështyjë fytyrën e vet.

As të nëpërkëmbë edhe gjakun e familjes të derdhur për vlerat e shenjta të Lirisë.

Këto janë zgjedhje personale, që flasin më shumë se çdo fjalë.

Ka mbi një vit që S.C ka dhënë dorëheqjen për të ndjekur gjoja Shkollën e Magjistraturës, që në fakt rezultoi aplikim për në “Shkollën” e Korrupsionit, Krimit dhe Vesit.

Partia e Lirisë është më e vendosur se kurrë në mbrojtjen dhe jetësimin e kauzave të saj madhore ekzistenciale kombëtare, për të vazhduar pa kompromis luftën parimore dhe patriotike, krah për krah me opozitarët e vërtetë dhe me të gjithë shqiptarët e ndershëm, për t’i shkurtuar ditët regjimit kriminal të Edi Ramës që ka shpopulluar vendin dhe po rrjep pa mëshirë popullin me korrupsionin skizofrenik.

The post PL reagon ashpër për emërimin e Silva Cakes si zv.ministre: Na tha që do ndiqte Magjistraturën, por shkoi të ndjekë shkollën e vjedhjes dhe veseve appeared first on Albeu.com.

Balliu e cilësoi Cakën si ‘tradhtare në dispozicion’.

“Këta i quaj tradhëtarë në dispozicion. Ka në çdo parti të tillë. Ka njerëz që shiten dhe nuk shiten. Ne jemi një opozitë që nuk shitet. Unë refuzoj që të bëhem palë me një qeverie që bëhet palë me kriminelët. Ka pak rëndësi se çfarë oferte vjen. Në raste të tilla ku ke tradhtarë në dispozicion, i bie që nuk kanë besuar asnjë germë që kanë thënë. Vjedhin dhe këta ca lekë dhe vazhdojnë shqiptarët që nuk besojnë. Si nuk ka përkrahje në opozitë? Ka anëtarë të PD dhe të gjithë forcave opozitare, që kanë 12 vite aty pa punë dhe qëndrojnë aty në krye të betejave. Dhe kur shoh parazitë që bëjnë heroin aty në fb, por në të vërtetë e bëjnë opozitarët e vërtetë. Ata janë në të vërtetë ca speca dhe domate që janë në shitje nga Rama dhe Belinda”, tha ai.

Por çfarë paralajmëron kjo lëvizje? Deputeti theksoi se; “Le të fokusohemi se ku është sigurua e jetës sot në Shqipëri?! Ne jemi një vend që mungon siguria”.

The post Silva Caka e PL-së, zv.ministre e Brendshme/ Balliu ironizon emërimin në qeveri: Tradhtare në dispozicion appeared first on Albeu.com.

Kjo është një lëvizje surprizë që vjen nga kabineti i ri qeveritar ‘Rama 4’.

Aktualisht, Caka ka qenë anëtare e Këshillit Kashkiak të Tiranës, nën siglën e Partisë së Lirisë, ndërsa pak ditë më parë kishte dhënë dhe dorëheqje.

Kujtojmë se Caka ishte e para në listën e Partisë së Lirisë, si kandidate për deputete në zgjedhjet e 11 majit.

Pak kohë më parë, një tjetër lëvizje e bujshme ishte dhe ajo e Endrit Brahmllarit, i cili iu bashkua Partisë Socialiste.

The post Ish-deputetja e LSI-së Silva Caka emërohet zv.Ministre e Brendshme! appeared first on Albeu.com.

Ajo foli për ndryshimin, ku sipas saj, në qershor të këtij viti ku u vendosën kornizat për procedurat e bashkëpunimit mes institucioneve të administratës shtetërore.

Ky ndryshim, sipas saj krijon një grup të strukturuar kriminal, i cili do të identifikojë ndërtimet e palegalizuara dhe do të vendosë nëse duhen legalizuar apo jo.

Sakaq, Caka shprehet se qeveria kthehet në amnistuese të atyre që deri dje i konsideronte shkelës të ligjit.

Gjithashtu, Caka renditi disa nga arsyet e kësaj qasjeje.

“Së pari, në relacionin e sjellë në këshillin bashkiak theksohet se nëpërmjet marrëveshjes së bashkëpunimit mes bashkisë së Tiranës dhe Kadastrës, do të ngrihet një grup i përbashkët pune, i cili do të dalë në terren dhe do të identifikojë ndërtimet pa leje brenda territorit të bashkisë, kryesisht në zonat me prioritet për t’u zhvilluar.

Por, që kur institucionet e shtetit dalkan në terren për të identifikuar ndërtimet pa leje dhe për t’i legalizuar ato, kur ndërtimi pa leje konsiderohet vepër penale?

Një tjetër qëllim i këtij krimi, është ai i favorizimit të paligjshëm që bashkia do t’u bëjë klientëve të saj, të cilët kanë betonizuar Tiranën.

Një tjetër arsye ka të bëjë me përpjekjet për të ndikuar në rezultatin e zgjedhjeve të ardhshme parlamentare, ku nëpërmjet kësaj strukture kriminale, qytetarët do të mbahen nën presion për votën e tyre, nëpërmjet dokumenteve të legalizimit të ndërtimeve pa leje”, tha Caka.

“Kjo vendimmarrje kriminale, nuk bën asgjë tjetër veçse nxit ndërtimin e paligjshëm dhe e kthen shtetin dhe institucionet e tij në grabitqarë dhe gjobëvënësa”, deklaroi ajo, teksa theksoi se Partia e Lirisë e ka paralajmëruar vite më parë zhvatjen e pronës private.

The post Legalizimet tek Bashkitë/ Silva Caka: Veliaj dhe kryebashkiakët e tjerë, kanë vendosur të vjedhin pronat e shqiptarëve appeared first on Albeu.com.

Sipas Cakës, kjo shkollë u dëmtua nga tërmeti i nëntorit të vitit 2019 dhe për 4 vite e gjysëm, nxënësit e kësaj shkolle janë sorollatur duke zhvilluar mësim me turne në gjimnazin “Besnik Sykja”.

Gjithashtu, ajo thekson se ne kemi treguar gjithmonë me fakte se sa pak të rëndësishme janë institucionet arsimore dhe infrastruktura e tyre për Rilindjen, e cila ka degraduar arsimin, si në terma financiarë, me paga të ulëta dhe keqtrajtim të mësuesve

Postimi:

“Mashtrimet e Rilindjes nuk kanë fund!

Ditën e djeshme, qeveria e Rilindjes shpërndau me shpejtësi një lajm të fabrikuar ku reklamonte se në Tiranë u hap një shkollë e re me emrin “26 Nëntori”. Për të gjithë banorët e Tiranës, sidomos ata të njësisë nr. 5, ku është e lokalizuar shkolla, ky lajm ishte një tallje, pasi të gjithë e dinë që kjo shkollë nuk është e re, por ekziston prej së paku që nga vitet ’90.

Kjo shkollë u dëmtua nga tërmeti i nëntorit të vitit 2019 dhe për 4 vite e gjysëm, nxënësit e kësaj shkolle janë sorollatur duke zhvilluar mësim me turne në gjimnazin “Besnik Sykja”. Por, çfarë thoshte Edi Rama për rindërtimin e shkollave të dëmtuara nga tërmeti?

Rama premtoi se të gjitha shkollat e dëmtuara nga tërmeti do të rindërtoheshin brenda vitit 2020 dhe viti i ri shkollor 2020-2021 do të niste në shkolla të rikonstruktuara, por këtë premtim si shumë të tjerë nuk e mbajti, duke i lënë nxënësit dhe prindërit e tyre në harresë të plotë.

Kjo gënjeshtër, që zgjati plot 4 vite e gjysëm, vjen si pasojë e vjedhjes masive që i është bërë fondeve të dedikuara për rindërtimin, pasi Edi Rama, së bashku me Veliajn, u kujdesën të shembnin komplekse të tëra banimi, shpeshherë kundër dëshirës së banorëvë e vendimeve të gjykatave, me qëllimin e vetëm ndërtimin e kullave dhe komplekseve të miqve të tyre ndërtues.

Kjo gënjeshtër, do të kishte zgjatur akoma edhe më shumë, nëse nuk do të ishte për BE-në, e cila mori përsipër të rindërtonte shkolla të dëmtuara nga tërmeti i 2019-s.

Në rikonstruktiin dhe rihapjen e shkollës “26 nëntori”, qeveria dhe Bashkia nuk kanë asnjë meritë dhe shfaqja e djeshme ishte po aq e shëmtuar sa portali i mësuesve, të cilin Ministrja e Arsimit u përpoq t’a shiste si sukses. Dështimin e portalit të mësuesve, më mirë edhe se Ministrja, e dinë mbi 4.000 mësuesit që kanë vite pritjeje dhe që nuk punësohen, ndërsa hajrin atij portali, ia kanë parë vetëm patronazhistët dhe anëtarët e Rilindjes.

Kemi treguar gjithmonë me fakte se sa pak të rëndësishme janë institucionet arsimore dhe infrastruktura e tyre për Rilindjen, e cila ka degraduar arsimin, si në terma financiarë, me paga të ulëta dhe keqtrajtim të mësuesve, ashtu edhe në terma cilësorë, ku shkollat shqiptare braktisen çdo ditë e më shumë, numri i nxënësve bie dhe kurrikulat janë më skandalozet në historinë e Shqipërisë. Për Rilindjen, vjedhja do të jetë gjithmonë prioritare dhe kjo faktohet nga veprimet e koordinuara mes qeverisë dhe bashkisë, të cilat në tetor të vitit që lamë pas, hoqën 6 milionë euro nga buxheti i arsimit dhe ia kaluan pagesa inceneratorit që nuk ekziston dhe që është nën hetim e sekuestro.

Dje ishte dita e shënuar e 7 Marsit, festa e mësuesve, shkollave dhe arsimit në tërësi dhe në kuadër të tyre, dua t’ju kujtoj se Partia e Lirisë do të vazhdojë të ndjekë dhe të bëjë gjithçka, në Kuvendin e Shqipërisë dhe në qeverisjen vendore, për të shëruar plagët e thella dhe krizën e rëndë ku ka hyrë arsimi në Shqipëri”.

The post Inaugurimi i shkollës “26 Nëntori”, Silva Caka: Gënjeshtër e Rilindjes, institucioni ka qenë aty appeared first on Albeu.com.

Përmes sekretares për marrëdhëniet me publikun, Silva Cakës, Paria e Lirisë ka theksuar se shtetasi I.M nuk është ish-presidenti Ilir Meta.

Ndërkohë kujtojmë që vetë Meta është shprehur se Autoriteti i Dosjeve do të dalë zbuluar si Autoriteti i Manipulimeve./albeu.com/

The post I doli emri si ish-sigurims, reagon Partia e Lirisë: Kryetari jonë nuk ka lidhje me shtetasin I.M (VIDEO) appeared first on Albeu.com.