shqiptare që kërkojnë perfeksionin dhe i fton në një shtëpi, ku u promovon ‘ndërhyrjen’ me vaj silikoni për të rritur të pasmet. Edisa, një vajzë që njihet në Tik Tok ka rrëfyer historinë e saj me ndërhyrjet kirurgjikale. Ajo tregon se ka ndërhyrë në hundë, buzë, gjoks dhe vithe. Ndërhyrja e fundit është ajo për të cilën është penduar, për shkak të mënyrës se si e ka bërë. Edisa tregon se ndërhyrjen e ka bërë me vaj silikoni përmes një brazilianeje që vjen në Tiranë dhe e realizon këtë gjë kundrejt një pagese prej 3 mijë e 500 eurosh. Tashmë ajo kërkon që ta heqë dhe do ta bëjë këtë gjë me ndihmën e një mjeku që jeton në Kolumbi.

Deklarata e vajzës që ka bërë këtë ndërhyrje:

Unë kam bërë hundën dhe gjoksin, kam bërë dhe një ndërhyrje për të cilën dua të flas. Kam bërë “hip dips”, atë ndërhyrjen e Kylie Jenner që i jep trupit formën e orës së rërës (hourglass). Materiali që përdoret është ai që nuk dua t’ia sugjeroj askujt, është vaj silikoni. Vjen dikush që ka nënshtetësi braziliane, mblidhen disa goca, disa shoqe, bien dakort që ta marrin këtë braziliane dhe të vijë këtu kundrejt pagesës që ajo dëshiron. Është 3500 euro për person. Me kalimin e kohës kjo gjë shfaq problem shumë serioze. Më duket se nuk është doktoreshë, këtë gjë e ka të trashëguar nga dikush tjetër që nuk jeton më. Kemi dikë të përbashkët që njihemi dhe nëpërmjet saj. Procesi zgjat diku tek një orë, injektimi duhet të jetë I ngadaltë, ka rrezik vdekjeje në momentin e injektimin, nëse materiali hyn në vena dhe bllokon venat, rrezikon jetën. Ai është i përhershëm. Në momentin që ndjeja mpirje dhe dhimbje, i thoja shoqes time që t’i thoshte të ndalonte. E kishte në shishe plastike. Është diçka shumë vulgare. U çudita sepse ky material nuk kishte asnjë emër. Ajo më tha që nuk kemi një etiketë sepse është një material që është tërhequr nga tregu dhe nuk lejohet. Shumë e kanë përdorur gjerësisht për buzët, mollëzat, krahët, këmbët dhe të pasmet. Është e tmerrshme. Unë të gjithë informacionin e mundshëm e mora pasi e bëra këtë ndërhyrje dhe kjo gjë nuk më falet. Sepse unë kam mbaruar dhe për infermieri. Shoqes time i ka migruar dhe i është vendosur në zonën e bikini, tek pjesa anësore. Është e tmerrshme. Problem nuk është vetëm estetik por edhe shëndetësor. I ka migruar dhe në shtyllën mbrapa. Unë kam folur me një doktor që jeton në Amerikën Latine dhe brenda tetë muajve mund ta heq, por vajza që e ka kaluar këtë kohë, duhet të bëjë një ndërhyrje kirurgjikale pak të komplikuar.

The post Vithet me vaj silikoni bëjnë namin në Tiranë, ‘viktima’: Jam penduar appeared first on Albeu.com.

Mirëpo së fundmi, raportet tregojnë se ka një ulje të dukshme të trendit të procedurës dhe përpos kësaj, shumë gra që kanë vendosur implante, po i heqin. Cilat janë arsyet?

Implantet për zmadhimin e gjoksit: 5 arsye pse shumë gra po i heqin

1. Vetë implantet.

Implantet nuk janë të përjetshme dhe sa më gjatë t’i ketë mbajtur një grua, aq më shumë ka të ngjarë që të ketë nevojë për kirurgji për zëvendësimin ose heqjen e tyre.

2. Kur madhësia ka rëndësi

Për shumë prej nesh, fitnesi është i rëndësishëm. Por implantet tepër të mëdha mund të vështirësojnë vrapin dhe lëvizjet tonifikuese të pjesës së sipërme të trupit.

3. Çështje shëndetësore

As silikoni dhe as implantet cilësore nuk shkaktojnë kancer gjiri, kanë treguar studimet. Megjithatë ekziston një shqetësim përsa i përket mamografisë. Implantet e bëjnë pak më të vështirë kontrollin 100% të indit të gjirit, veçanërisht nëse vendosen në majë të muskujve të gjoksit.

Arsye të tjera janë edhe:
– rrjedhje e implantit
– grumbullimi i depozitave të kalciumit rreth implantit
– përgjigje autoimune ndaj implantit
– nekroza ose vdekja e indeve rreth implantit
– zhvendosja ose lëvizja e njërit ose të dy implanteve
– dhimbje që kanë lidhje me implantet

Implantet shumë të mëdha mund të shkaktojnë probleme me qafën, shpatullat dhe shpinën. Sa më të mëdha të jenë implantet e gjirit dhe sa më shumë të dalin nga trupi, aq më shumë ndryshojnë qendrën e gravitetit dhe aq më shumë forcë ushtrojnë në shtyllën kurrizore.

Gjinjtë mund të bëhen edhe më problematikë pas menopauzës, pasi shumë gra shtojnë peshë në gjoks për shkak të ndryshimeve hormonale.

Implantet për zmadhimin e gjoksit: 5 arsye pse shumë gra po i heqin

4. Ndikimet kulturore

Preferencat kulturore për format trupore hyjnë dhe dalin nga moda. Piktorët e Rilindjes adhuronin gratë me forma të kolme, në vitet ’90 ishin në modë trupat e dobët e kështu me radhë. Në ditët e sotme, emra si Kim Kardashian kanë vendosur theksin te të pasmet e mëdha. Vithet janë si gjoksi në vitet 2000.

5. Ndryshimet e qasjes personale ndaj trupit

Shumë prej tyre ndihen më në formë pa implantet dhe më të sigurta me bikini. Ka ndikuar tepër qasja ndryshe e grave ndaj asaj çfarë është tërheqëse. Shumë kanë kuptuar se të kesh besim te çfarë je dhe ta duash trupin tënd natyral është po aq seksi./Health, Moms.com, PlasticSurgery.org

The post Implantet për zmadhimin e gjoksit: 5 arsye pse shumë gra po i heqin appeared first on Albeu.com.

Kohët e fundit, ylli i “Keeping Up With The Kardashians” ndezi spekulimet për një operacion të mundshëm për heqjen e mbushësve të të pasemeve. Ajo postoi një fotografi ku shfaqej me djalin e saj 2-vjeçar, Psalm, e fansat vunë re detajin në fjalë.

Sidoqoftë, të gjitha këto aludime u hodhën poshtë me një dalje të 40-vjeçares në publik. Ajo u shfaq e veshur me një veshje ngjyrë të zezë dhe shumë të ngushtë, duke ekspozuar kështu linjat e saj trupore.

Pjesa e pasme e Kim dukej po njësoj, bombastike, teksa hipte në makinën e saj tip “Lamborghini Urus”, prej 600 mijë dollarësh.

The post Ka hequr silikonin në të pasme? Kim Kardashian tregon format bombastike në daljen e fundit (FOTO LAJM) appeared first on Albeu.com.