Sigurime shoqerore Archives - Albeu.com

Hapet “Pakoja e Madhe” për nënat me mbi 3 fëmijë, sigurimet shoqërore do u paguhen nga shteti, hapat që duhet të ndjekin

E S — Mon, 02 Jan 2023 13:02:00 +0000

Kryeministri Edi Rama ka dhënë lajmin se tashmë Pakoja e Madhe që kishte premtuar është vënë në zbatim.

Nënat që kujdesen për fëmijët nën moshën 5 vjeç dhe e kanë të pamundur të punojnë, shteti do ia njeh si vite pune.

Kjo nismë nisi së zbatuari më 1 janar. Me anë një video të postuar në “Facebook-un” e kryeministrit, qartësohen të gjitha hapat se si përfitohet.

Hapi i parë është hapja e një llogarie në E-Albania, për ato nëna që nuk e kanë një të tillë. Mes të gjitha opsioneve, duhet të zgjidhet opsioni:

“Aplikim për përfitimin nga program i veçantë nga shteti….kliko butonin përdorë”

Më pas shfaqet një formular, një pjesë e të cilit automatikisht është i plotësuar.

Pjesa e mbetur për numrin e fëmijëve dhe të ardhurat në familje, do të duhet të plotësohen. Kjo do ju sjell informacionin se ju jeni përfituese e programit dhe shteti do paguaj sigurimet shoqërore dhe shëndetësore.

Përfituese janë nënat, familja e të cilave nuk kalojnë 100 mijë lekë të ardhura në muaj./albeu.com

The post Hapet “Pakoja e Madhe” për nënat me mbi 3 fëmijë, sigurimet shoqërore do u paguhen nga shteti, hapat që duhet të ndjekin appeared first on Albeu.com.

Sigurimet shoqërore, mbahet takimi i parë i komisionit të ekspertëve Shqipëri-Greqi

E S — Fri, 09 Sep 2022 09:31:31 +0000

Qeveria shqiptare po intensifikon bashkëpunimin me Greqinë për të bërë të mundur nisjen e negociatave për njohjen e pensioneve.

Nëpërmjet një postimi në Facebook, Ministrja për Punët e Jashtme dhe Evropën njoftoi se mbledhja e parë e komisionit të ekspertëve Shqipëri-Greqi për njohjen e sigurimeve shoqërore u zhvillua me sukses.

Postimi i plotë

“Athinë, u zhvillua me sukses mbledhja e parë e komisionit të ekspertëve Shqipëri-Greqi për çështjet e sigurimeve shoqërore. Diskutimet teknike dhe shkëmbimi i informacioneve është një hap tepër pozitiv në forcimin e bashkëpunimit ndërinstitucional për arritjen e marrëveshjes në fushën e pensioneve, e cila do të materializojë parimin e mbrojtjes sociale për çdo qytetar i cili ka kontribuar aktivisht në ekonomitë e të dy vendeve tona”.

The post Sigurimet shoqërore, mbahet takimi i parë i komisionit të ekspertëve Shqipëri-Greqi appeared first on Albeu.com.

Sigurimet shoqërore, Rama jep lajmin e mirë: Zvicra gati të miratojë marrëveshjen me Shqipërinë

E S — Fri, 26 Aug 2022 14:40:00 +0000

Kryeministri Edi Rama ka njoftuar se qeveria zvicerane ka çuar në parlament për miratim, Marrëveshjen për Sigurimet Shoqërore mes Shqipërisë dhe Zvicrës.

Kreu i qeverisë në një postim në Facebook, bën me dije se këshilli Federal i Zvicrës, në mbledhjen e datës 24 gusht, ka përcjellë për miratim në Parlament “Marrëveshjen për Sigurimet Shoqërore mes Republikës së Shqipërisë dhe Konfederatës së Zvicrës”, e cila u firmos më 18 shkurt 2022, në Tiranë, nga Ministri për Punët e Brendshme të Zvicrës, Alain Berset dhe Ministrja e Financave dhe Ekonomisë të RSH-së, Delina Ibrahimaj.

Postimi i plotë:

Qeveria zvicerane sapo ka çuar në parlament për miratim Marrëveshjen për Sigurimet Shoqërore mes Shqipërisë dhe Zvicrës.

Këshilli Federal i Zvicrës, në mbledhjen e datës 24 gusht 2022, ka përcjellë për miratim në Parlament “Marrëveshjen për Sigurimet Shoqërore mes Republikës së Shqipërisë dhe Konfederatës së Zvicrës”, e cila u firmos më 18 shkurt 2022, në Tiranë, nga Ministri për Punët e Brendshme të Zvicrës, z.Alain Berset dhe Ministrja e Financave dhe Ekonomisë të RSH-së, znj.Delina Ibrahimaj.

Kjo marrëveshje mes Shqipërisë dhe Zvicrës synon kryesisht koordinimin për pensionin e pleqërisë, statusin e invaliditetit, të të mbijetuarit, garanton trajtim të barabartë të të siguruarve, disiplinon derdhjen e kontributeve jashtë vendit dhe eviton rastet e taksimit të dyfishtë apo abuzimeve.

Miratimi i marrëveshjes në Parlamentet e dy vendeve, do të konkretizojë punën disavjeçare të qeverisë së Republikës së Shqipërisë me institucionet kompetente zvicerane.i/albeu.com

The post Sigurimet shoqërore, Rama jep lajmin e mirë: Zvicra gati të miratojë marrëveshjen me Shqipërinë appeared first on Albeu.com.