Punojës të Policisë pjesë e Interpol Tirana dhe Renea mundësuan koordinimin e nevojshëm për të sjellë shëndoshë e mirë 19-vjeçarin.

Policia e Shtetit

Finalizohet me sukses operacioni i ndihmës dhe riatdhesimit nga Sierra Leone drejt Shqipërisë i një 19 vjeçari.

Policia e Shtetit, pasi mori në rrugë elektronike nga Ministria për Evropën dhe Punët e Jashtme kërkesën e një shtetaseje që kërkonte ndihmë nga shteti për kthimin e të birit në Shqipëri, e cila pretendonte se djali i saj 19 vjeçar, ishte rrëmbyer në qytetin Freetown, Sierra Leone, dhe më pas kishte arritur të shpëtonte duke shkuar në stacionin e policisë së këtij qyteti.

Bazuar në informacionin e marrë nga komunikimi mes MEPJ-së dhe Policisë së Shtetit, rezultonte se 19 vjeçari ndodhej në gjendje të rënduar emocionale dhe për të mundësuar kthimin e tij në Shqipëri, ishte e nevojshme ndërhyrja e oficerëve të specializuar të Policisë së Shtetit për ta shoqëruar nga qyteti Freetown në Tiranë.

Menjëherë, Policia e Shtetit organizoi punën për dërgimin e punonjësve të Policisë (nga Interpol Tirana dhe nga Reparti Special RENEA) në Sierra Leone, me qëllim shoqërimin e 19 vjeçarit, duke bashkëpunuar ngushtësisht me Ministrinë për Evropën dhe Punët e Jashtme për procedurat e pajisjes me vizë hyrëse dhe me oficerin e kontaktit të Policisë së Shtetit të atashuar pranë Ambasadës shqiptare në Londër/Mbretëria e Bashkuar.

Interpol Tirana koordinoi gjithashtu me Interpol Freetown për kthimin sa më të shpejtë të 19 vjeçarit në Shqipëri.

Oficerët e Policisë së Shtetit udhëtuan drejt Sierra Leone, ku zhvilluan takim me përfaqësues të Interpol Freetown, dhe pas koordinimit të nevojshëm, u mundësua udhëtimi i 19 vjeçarit drejt Shqipërisë, i cili është realizuar pa asnjë problem.

Nëna e 19 vjeçarit ka falënderuar Policinë e Shtetit dhe MEPJ-në për kthimin e djalit në Shqipëri.

Policia e Shtetit falënderon homologët për bashkëpunimin, ndihmën dhe mbështetjen gjatë këtij operacioni ndihme dhe riatdhesimi.

The post Shqipëria çon forca Renea në Sierra Leone për të shpëtuar 19-vjeçarin appeared first on Albeu.com.

Ai ka shkuar në Sierra Leone, vendilindja e nënës së tij dhe jep ndihmesën e madhe për fëmijët në nevojë.

Mbrojtësi i Real Madrid ka premtuar se do të dhurojë të gjitha paratë që janë të planifikuara që ai të fitojë me kombëtaren gjermane nga ky Botëror. 11 fëmijë janë në nevojë për të kryer një operacion shumë të rëndësishëm dhe Rudiger do t’i ndihmojë që të kenë një jetë më të mirë dhe t’i nënshtrohen operacionit.

Në bashkëpunim me organizatën gjermane “BigShoe”, mbrojtësi gjerman ka financuar trajtime komplekse dhe të shtrenjta që fëmijët të kenë një jetë më të mirë.

“Më dhemb kur shoh gjendjen e fëmijëve si rriten në Sierra Leone. Shtrembërimi korrigjohet me ndëryhrje përpara se pacientët të mund të ecin dhe të marrin pjesë në jetën shoqërore”, është shprehur Rudiger.

Jam mirënjohës për këto mundësi dhe e vlerësoj shumë pozicionin e privilegjuar në të cilin ndodhem. Të ndihmosh këtu është një çështje nderi për mua. Do të doja të zbatoja shumë projekte të tjera në Sierra Leaone me familjen time në të ardhmen”, ka përfunduar ai./ h.ll/albeu.com

The post “Ëngjëll mbrojtës” në Sierra Leone, Rudiger financon për fëmijët në nevojë appeared first on Albeu.com.