Për shkak të vetisë zbardhuese, kastraveci është një nga zgjidhjet më efikase për këtë problem. Ai pastron bërrylat nga qelizat e vdekura dhe i hidraton ato. Përdorimi: Si fillimi fërkojini ato me copa kastraveci të prera e më pas lijini për rreth 15 minuta.

Limoni dhe soda e bukës: Limoni është një nga përbërësit më të rëndësishëm që ndihmon në shkëlqimin e lëkurës ndërsa soda ndihmon në zbardhjen e saj. Përdorimi: përzieni lëngun e limonit me sodë dhe lyeni pjesën e lëkurës duke e lënë rreth 15 minuta.

Aloe Vera dhe qumësht: E para ka veti hidratuese si dhe antibakteriale. Bashkimi i të dyjave ndihmon shumë në zbardhje. Përdorimi: Miksoni xhelin e aloe verës dhe qumështin, më pas lyeni pjesët e caktuara dhe lijeni gjithë natën.

Solucionë të ngjashme dhe që përgatiten në të njëjtën mënyrë si këto që përmëndëm më sipër janë: Mjalti dhe lëngu i limonit, Fërkimi i lëkurës me patate, vaji i kokosit, sheqer dhe vaj ulliri në formën e skrabit dhe uthull me kos.

The post Nuk dini si të trajtoni bërrylat e ashpër? Këtu janë zgjidhjet e thjeshta dhe natyrale appeared first on Albeu.com.

Gjethet borzilok që përmbajnë kalcium dhe vitaminë K. Shumëllojshmëria e borzilokut të ëmbël, në fakt, ka një përqendrim të lartë të substancës aktive eugenol (borziloku i ëmbël gjethegjerë, i cili ka përmbajtjen më të lartë të vajit esencial kultivohet kudo).

Para se të merrni vendimin për ta përfshirë atë në dietën tuaj javore, do të ishte e dobishme të njihni vetitë e tij medicinale. Vaji esencial i borzilokut ka përfitime medicinale, ndërsa tradicionalisht është përdorur si trajtim për pickimin e gjarpërinjve, ftohjen e zakonshme dhe inflamacionet në zgavrat e hundës.

Redukton stresin oksidativ

Borziloku përmban antioksidantë të vlefshëm që trupi ynë mund t’i përthithë përmes ushqimit, antocianinave dhe beta karotenit.

Antioksidantët janë kaq të rëndësishëm për trupin tonë pasi eliminojnë radikalet e lira nga trupi, molekula që zhvillohen si rezultat i metabolizmit tonë, por edhe zgjedhjeve të dobëta dietike ose për shkak të pirjes së duhanit. Nga ana tjetër, antioksidantët janë ato substanca që ndihmojnë në largimin e këtyre molekulave nga trupi, duke parandaluar grumbullimin e tyre që mund të çojë në stres oksidativ, duke rezultuar në dëmtimin e qelizave dhe mundësisht shfaqjen e sëmundjeve të tilla si sëmundjet kardiovaskulare dhe diabeti.

Ndihmon mëlçinë

Sipas të dhënave kërkimore nga një studim i vitit 2015 në minj, antioksidantët e një përzierjeje të pluhurit të borzilokut të shenjtë (borziloku i shenjtë, Ocimum tenuiflorum, emri hindu është Tulsi dhe do të thotë “i pakrahasueshëm”), i cili iu dha pas përdorimit të një toksina për të shkaktuar dëmtime të mëlçisë, kishte veti të dobishme në shëndetin e tyre të mëlçisë.

Vepron kundër kancerit

Duket se borziloku i shenjtë është shumë i dobishëm për shëndetin tonë, pasi një rishikim tjetër i vitit 2020 hetoi nëse ai mund të parandalonte shfaqjen e kancerit. Studiuesit arritën në përfundimin se fitokimikatet e borzilokut mund të ndihmojnë në parandalimin e disa llojeve të kancerit të lëkurës, mëlçisë, gojës dhe mushkërive. Kjo për shkak se rrit aktivitetin antioksidues duke ndryshuar shprehjen gjenetike dhe duke shkaktuar vdekjen e qelizave dhe duke ngadalësuar ndarjen e qelizave.

Megjithatë, studimet ishin paraklinike ose të kryera në kafshë, kështu që një konfirmim i efektit të borzilokut kërkon hetime të mëtejshme.

Ka veti kundër plakjes

Një studim tjeter i vitit 2019 zbuloi se borziloku i ëmbël mund të mbrojë pjesërisht lëkurën tonë nga procesi i plakjes. Shkencëtarët kanë aplikuar ekstraktin e borzilokut në modelet laboratorike të lëkurës. Sipas rezultateve, ekstrakti i borzilokut në krem mund të përmirësojë hidratimin e lëkurës dhe të zvogëlojë rrudhat.

Megjithatë, konsumimi i borzilokut nuk u shoqërua me përfitimet e mundshme kundër plakjes së lëkurës.

The post “Mjafton që të nuhatet”, bima e cila bën mrekulli kundrejt këtyre 4 llojeve të tumoreve appeared first on Albeu.com.

Simptomat e infeksionit urinar:

Ethe dhe temperaturë;
Dhimbje të shpinës ose pjesës anësore;
Dhimbje abdominale;
Të vjella dhe të përziera;
Urinim i shpeshtë;
Urinë me aromë të keqe, djegie dhe me njolla gjaku.

Krahas trajtimit mjekësor, ju sjellim më poshtë edhe kujdesin që duhet të tregoni në kushtet e shtëpisë në rastet e infeksionit në veshka.

Lëngu i boronicës së kuqe

Lëngu i boronicës së kuqe është një kurë e mirë natyrale kundër infeksionit të traktit urinar dhe të fshikëzës së urinës. Në këto raste zgjidhni suplementët e lëngut të boronicës së kuqe ose lëng natyral dhe të paëmbëlsuar të këtij fruti.

Lëngu i majdanozit

Lëngu i majdanozit është shumë i pasur me ushqyes. Ai rrit frekuencën e urinimit dhe sasinë e urinës së nxjerrë nga trupi. Kësisoj, bakteret dalin më shpejt nga trupi dhe antibiotikët kryejnë një punë më efikase.

SHËNIM: Kurat natyrale kundër infeksioneve të veshkave janë një trajtim shtesë për lehtësimin e simptomave. Ato kurrsesi nuk mund të zëvendësojnë një trajtim të specializuar e të rekomanduar nga mjeku.

The post Janë më të shpeshta në dimër, si t’i trajtoni në shtëpi infeksionet urinare? appeared first on Albeu.com.