Laska, i cili u plagos në këmbë, aktualisht ndodhet jashtë rrezikut për jetën, ndërsa policia po punon për zbardhjen e rrethanave të ngjarjes.

Por si nisi sherri mes të rinjve mbrëmjen e djeshme në Lezhë?

Burime bëjën me dije se sherir nisi gjatë lojës së bilardos. Gazetarja Brixhilda Deda raporton se disa të rinj janë konfliktuar fillimisht në ambientet e brendshme të sallës së bilardos, duke kaluar në konflikt verbal mes tyre.

I plagosuri ka qenë vetëm, kur pas konfliktit, të rinjtë kanë dalë jashtë dhe e kanë rrahur me grushte dhe mjete të forta 22-vjeçarin. Pas sherrit verbal njëri nga të rinjtë ka qëlluar me arme zjarri tip pistolete në këmbe.

Aleks Laska është paraqitur vete në spitalin e Lezhës për ndihmë mjekësore. Në dëshminë që ka dhënë Laska për blutë e Lezhës ka deklaruar se nuk i ka njohur të rinjtë, me të cilët u përplas fizikisht./albeu.com/ 

The post Plagosja e 22-vjeçarit në Lezhë, identifikohet një nga autorët, si nisi sherri mes të rinjve appeared first on Albeu.com.