JU KANË DHURUAR NJË ORKIDE DHE NUK DINI SI TË KUJDESENI PËR TË? LEXONI KËSHILLAT E MËPOSHTME.

Orkidea duhet të ujitet një herë në javë dhe uji duhet të jetë në temperaturën e ambientit, për të evituar efektin e ndryshimit termik. Pasi ujitet, lihet të kullojë uji dhe kur mbaron së kulluari uji i tepërt, orkidea rivihet në vazon e saj. Dheu i vazos duhet të jetë i pasuruar me bazë myshku ose lëvore pemësh që nuk e mbajnë ujin.

Ajo duhet të vendoset pranë një burimi drite, por jo direkt në dritën e diellit, në mënyrë që të mos digjet. Gjithashtu, orkidea nuk duhet të mbahet në ajër të ftohtë. Shmangni këndet e shtëpisë ku ka rryma ajri.

Në rast se orkideas i kanë rënë të gjitha lulet, ajo nuk duhet hedhur. Me pak durim, orkidea mund të lulëzojë sërish. Mjafton t’i prisni kërcellin dy centimetra mbi nyjen e tretë. Rrënjët e dobishme për orkidean janë ato me ngjyrë gri të hapur. Të gjitha rrënjët e thara është mirë të priten që në fillim.

The post Konsiderohet si lulja e perfeksionit, ja si të kujdeseni për një orkide appeared first on Albeu.com.