Të martën, Këshilli Bashkiak i Tiranës, votoi me 50 vota pro shkarkimit të Erion Veliajt. Partia Socialiste  dhe Partia Demokratike, bashkuan votat në Këshillin Bashkiak.

Erion Veliaj, ndodhet në masën arrest me burg prej 10 shkurtit të këtij viti, ndërsa SPAK ka ngritur ndaj tij akuzat e korrupsionit, pastrimit të parave dhe fshehjes së pasurisë.

Dosja “Veliaj” u dërgua në GJKKO disa ditë më parë dhe tani kryebashkiakut të shkarkuar, i duhet të përballet me drejtësinë në etapën finale dhe vendimtare për fatin e tij.

Akuzat rëndojnë edhe mbi bashkëshorten e tij Ajola Xoxa, si dhe biznesmenët Gentian Sula, Elman Abule, Fatmir Bektashi, Shkëlqim Fusha, Meriman Palushi dhe Sokol Kryeziu, të gjithë të lënë në detyrim paraqitje.

The post Përfundon mbledhja e qeverisë, Erion Veliaj shkarkohet nga detyra si Kryebashkiak i Tiranës appeared first on Albeu.com.