si eshte kursi i kembimit Archives - Albeu.com

Euro nuk “ndez”, rikthehet rënia: Me sa u këmbye sot ndaj lekut

E S — Mon, 19 Jun 2023 11:28:46 +0000

Euro e ka nisur javën me ulje pas një disa ditësh forcimi gradual ndaj lekut. Banka e Shqipërisë raporton se një euro u këmbye sot me mesatarisht 107.97 lekë duke humbur 0.22 pikë krahasuar me te premten e javës së kaluar.

Euro zhvlerësohet për herë të parë pas një jave në raport me lekun, teksa u duk që javën e kaluar po merrte veten pas një rënieje të vazhdueshme.

Pavarësisht forcimit të javës së kaluar, euro vijon të jetë një tregues minimal në raport me lekun për shkak të flukseve të mëdha të futjes së valutës së huaj në Shqipëri nga turizmi apo pastrimi masiv i parave në sektorë që lidhen me ndërtimin. /albeu.com

The post Euro nuk “ndez”, rikthehet rënia: Me sa u këmbye sot ndaj lekut appeared first on Albeu.com.

Paska edhe më keq! Euro zhytet edhe më, si nisi qershori

E S — Thu, 01 Jun 2023 08:08:19 +0000

Euro e ka nisur qershorin edhe më keq zbritur në kufirin e 109 lekëve në raport me monedhën tonë kombëtare, ç’ka konfirmon se tashmë po vërtitet në minimumin historik të kursit të këmbimit të dy monedhave me njëra-tjetrën.

Mëngjesin e sotëm, një euro blihej në treg me 109.1 lekë dhe shitej me 110 lekë, si asnjëherë më parë.

Ky është një trend që euro po e ndjek prej disa muajsh në vend dhe duket se tregu është përmbytur nga sasi të mëdha valute të huaj për shkak të politikave lehtësuese në drejtim të pastrimit të parave.

Shuma të konsiderueshme po pastrohen në sektorë si ndërtimi dhe infrastruktura e turizmit duke shkatërruar çdo iniciativë afatgjatë dhe të ndershme.

Ekspertët vlerësojnë se ky trend do të vijojë edhe gjatë muajve të verës për shkak edhe të kthimit të emigrantëve si dhe flukseve hyrëse të turistëve. /albeu.com

The post Paska edhe më keq! Euro zhytet edhe më, si nisi qershori appeared first on Albeu.com.

KURSI/ Euro nuk ia del, vijon drama me paundin, dollari më keq akoma

E S — Tue, 10 Jan 2023 11:50:48 +0000

Pritej qe euro ta rimerrte disi veten pas festave të fundvitit në raport me lekun, por pas një performance të mirë në ditët e para të 2023, “vrapi” i monedhës europiane është ndalur.

Sipas të dhënave zyrtare të Bankës së Shqipërisë, një euro është këmbyer me 117.25 lekë sot duke humbur pikë krahasuar me të hënën si edhe fundin e javës së shkuar ku u ngjit deri në 117.42 lekë.

Në tërësi ky është një përmirësim i kursit të euros në raport me lekun krahasuar me fundin e vitit 2022 kur zbriti deri në 114 lekë, shkruan Albeu.com.

Në një situatë të ngjashme janë edhe dollari me paundin në raport me lekun. Pavarësisht përmirësimit të pjesshëm gjatë ditëve të fundit, ato mbeten në tregues dezavantazhues ndaj lekut.

Një dollar amerikan u këmbye sot 109.23 lekë krahasuar me gati 112 lekë që ishte në fund të javës së shkuar.

Ndërkohë paundi britanik vijon rekuperimin në raport me lekun që prej 28 dhjetorit 2022, megjithatë gjendet ende shumë pikë poshtë treguesve të fillimit të dhjetorit të vitit të shkuar.

Sot një paund këmbëhet me 132.95 lekë. /albeu.com

The post KURSI/ Euro nuk ia del, vijon drama me paundin, dollari më keq akoma appeared first on Albeu.com.