Në Kuvend, ai tha se kryeministri po sillet njësoj sikurse Enver Hoxha, teksa tha se edhe ai nuk fliste pavarësisht çfarë ndodhte në Kosovë.

Sipas tij, ministrja serbe e gjen guximin që të fyejë shqiptarët nga aleati në Tiranë që hesht, duke iu referuar kryeministrit Rama.

“Rama nuk ka qenë kryeministri i vetëm në Beograd. Ka qenë edhe Enver Hoxha. Ashtu si Rama, edhe Enver Hoxha, hapi kufijtë me ish-Jugosllavinë, bënë Ballkan të hapur, bënë edhe njësi monedhe. Ashtu si Rama, edhe Hoxha heshte për Kosovën pavarësisht se çfarë ndodhte atje. Rama ka pasur guximin të thotë se veriu i Kosovës është tokë e askujt, ka paraqitur edhe plan alternativ për veriun.

Kryeministri i Kosovës Haradinaj ka thënë publikisht se Rama më ka kërkuar të pranojmë ndarjen e Kosovës. Sa për përrallat e çështjes kombëtarë ka fakte dhe tregojnë të kundërtën. Ballkani i hapur ishte projekti i Enver Hoxhës për njehsimin e Shqipërisë me Ish Jugosllavinë. Ku e gjen guximin ish-ministrja serbe që edhe pas 25 vitesh të fyejë rëndë shqiptarët Kosovës, sepse e di që ka një aleat në Tiranë që hesht. Doni të na mbushni mendjen edhe më përralla kombëtare.

Ky kuvend po mblidhet në kushte rrethimi, a thua se jemi në gjendje lufte apo është shpallur gjendja e jashtëzakonshme. U ka ngelur të nxirrni vetëm ushtrinë, si ka mundësi të mohoni atë që po ndodh në bulevard. Atje është legjitimiteti. Ky kuvend e ka humbur tërësisht. Shfuqizimi i ligjit 21/24 që bëtë me porosi me 10 deputetë është kusht i panegociueshëm i BE.

Rama deklaroi krah Marta Kos që është ligji më i mirë që kemi pasur dhe s’kemi ndërmend ta heqim. Nuk kemi vetëm një kryeminstër anti kombëtar që flirton me Vucic sikur e ka shok banke, por kemi të bëjmë me një kryeministër që ka dalë hapur procesit të integrimit. Ai shesh po e integron Shqipërinë dhe jo kjo qeveri që është bërë pengesë për shkak të interesave të errëta të Ramës”, tha ai.

The post Deputeti Erald Kapri: Rama si Enver Hoxha, nuk flet për Kosovën, ministrja serbe e gjen guximin të fyejë shqiptarët tek aleati në Tiranë që hesht appeared first on Albeu.com.

Noka theksoi se disa nga socialistët që sot janë në pushtet kanë duartrokitur larqoftin, duke shtuar se Rilindja po mbjell terror njësoj si Enver Hoxha dikur.

Sipas Nokës, edhe Rilindja po vepron njësoj si koha e Hoxhës, me mekanizma disi më të moderuar.

Flamur Noka: “Instituti për Krimet e Komunizmit meriton mbështetje, por ju nuk ia keni dhënë e nuk doni t’ja jepni. Disa prej jush kanë duartrokitur largqoftin. Ju nuk jeni ndarë nga ai regjim. Edhe mënyra si qeverisni, tregon të njëjtën metodë, por pak më e modernizuar. Ju jeni vetëm një zgjatim në formë dhe në përmbajtje nga komunizmi. Ju dini të sundoni e jo të qeverisni. Largqofti konsideronte armiq të gjithë ata që mendojnë ndryshe. Ju 1 milionë vota i konsideronit shuplaka, se keni mendësinë që kundërshtari duhet parë sa më keq. Ju po mbillni terror si Enver Hoxha dikur. Hoxha burgosi shtresën e mesme, edhe Skënderbeu juaj zhduku shtresën e mesme.

Edhe një tentativë që kishin profesionet e lira, që të shkonin në një shtresë të mesme, edhe atyre ua ngulët thikën dhe ua morët paratë. Edhe ju veproni me patronizhistët si me Sigurimin. Keni Dumanin si Arianit Çelën, e njëjta gjë. Ju vidhni më shumë se komunistët, vidhni paratë e shqiptarëve dhe bëni vila pa fund, bëni inceneratorin që nuk ekziston, keni “5D”, skemë korruptive mafioze si kurrë më parë. Bëni ligje për t’ju marrë pronat shqiptarëve, me kamuflim”.

The post Flamur Noka: Disa prej jush kanë duartrokitur qoftëlargun, po mbillni terror si Enver Hoxha dikur appeared first on Albeu.com.