Këlliçi theksoi se i takon organeve të drejtësisë, të gjejnë kush janë këta bamirës që shpenzojnë qindra mijëra dollarë për dhuratat dhe qejfet e Edi Ramës në SHBA, pasi këto janë vetëm disa aktivitete që janë mundur të zbulohen nga opozita.

Deklarata e Belind Këlliçit:

Të nderuar qytetarë,

Ditën e djeshme, kreu i Narkoshtetit të parë të Europës Edi Rama, u prit me protesta të fuqishme nga atdhetarët shqiptaro amerikanë të New York-ut, të cilët i treguan vendin arkitektit të shpopullimit masiv të Shqipërisë në këto 12 vite.

Në rradhë të parë falenderojmë përzemërsisht të gjitha ata shqiptarë të cilët ditën e djeshme, i’u bashkuan thirrjes së opozitës shqiptare për të demaskuar kreun e Narkoshtetit Edi Rama, në zemër të SHBA, aty ku sot miku i ngushtë i tij, Charles McGonigal po vuan dënimin me burg.

Edi Rama nuk shkoi në SHBA për shqiptarët, por ahengu i datëlindjes së Alex Soros dhe ndeshja e NBA mes New York Knicks dhe Indiana Pacers, ishin arsyet reale të kësaj vizite luksi.

Sot, nga kjo foltore po bëjmë një kërkesë të thjeshtë për transparencë.

Sa kushtojnë biletat e ndeshjes së basketbollit, që familja Rama pati mundësinë ta ndiqte nga rreshti i parë, në ulëset më të shtrenjta të Madison Square Garden? Kush pagoi për këto bileta?

Sipas të dhënave zyrtare online, këto bileta kushtojnë nga 3,600 deri në 7,260 dollarë për person.

Kujtojmë qytetarët shqiptarë se kjo nuk është hera e parë që Edi Rama përfiton si dhuratë bileta të tilla luksi për të ndjekur ndeshjet e NBA në SHBA.

I’u ftojmë të ndjekim këtë video të shkurtër, të 12 janarit, 2016.

Sipas vetë Edi Ramës, këto bileta nuk kushtojnë sepse qënkan të rezervuara. Por ndërkohë, e vërteta është se çdo biletë, qoftë edhe abonimet vjetore, kanë një kosto financiare tejet të lartë.

Sipas legjislacionit shqiptar në fuqi, Edi Rama nëse i është ofruar dhurata në cilësinë e Kryeministrit, nuk duhej ta pranonte. Nëse dhurata i është bërë si individ privat dhe ajo dhuratë tejkalon vlerën e 100 eurove, Edi Rama duhet ta deklarojë pranë ILDKPKI.

Nga të dhënat e mbledhura deri më tani, në deklaratën vjetore të vitit 2016, Edi Rama nuk ka deklaruar dhuratën e ndeshjes së NBA dhe as shpenzimet e udhëtimit të tij privat në New York.

Gjithashtu, nga të dhënat e mbledhura deri më tani, reklama e Edi Ramës në billboardin e shfaqur në Times Square, kushton 150 dollarë për vetëm 15 sekonda. Qytetarët shqiptarë sot duhet të dinë se sa ka kushtuar aktiviteti i djeshëm i Ramës në Neë York, duke filluar pikërisht nga reklama e tij pompoze në billboardin e Times Square.

Qytetarët shqiptarë duhet të dinë se kush janë financuesit dhe organizatorët e takimit të djeshëm të Edi Ramës, në një ndër sallat më të famshme dhe të shtrenjta të globit, në Gotham Hall, 1356 Broadëay, në zemër të Manhattan, në New York.

Sa ka kushtuar qiraja e sallës në këtë ambjent, fonia, ndriçimi, led ëallet, shërbimi i sigurisë dhe kush i ka paguar këto fatura?

Për të gjitha këto shpenzime, Partia Demokratike po mbledh informacion zyrtar, i cili më pas do t’i përcillet SPAK, por mbi të gjitha PD ditët në vijim do të depozitojë të gjitha të dhënat për deklarimin e rremë të kryer nga Edi Rama në deklaratën e pasurisë të vitit 2016.

I takon organeve të drejtësisë, të gjejnë kush janë këta bamirës që shpenzojnë qindra mijra dollarë për dhuratat dhe qejfet e Edi Ramës në SHBA, pasi këto janë vetëm disa aktivitete që janë mundur të zbulohen nga opozita.

Ndërkohë gjej rastin sërish të ftoj qytetarët shqiptarë t’i bashkohen thirrjes së PD për mosbindje civile, ditën e martë, datë 29 tetor, ora 17:00.

O sot, o kurrë.

The post Sa ka shpenzuar Rama në New York? Belind Këlliçi zbulon shumën: Gati padia e re për SPAK appeared first on Albeu.com.

Tarifat ligjore të Katherine burojnë nga një apel që ajo paraqiti për marrëveshjen e pazbuluar që ekzekutuesit e pasurisë bënë së fundmi.

Bigi, i njohur zyrtarisht si Blanket, ishte në anën e gjyshes së tij derisa një gjykatës hodhi poshtë kundërshtimet e tyre fillestare ndaj marrëveshjes së pazbuluar.

Në fillim të kësaj jave, Bigi paraqiti dokumente ligjore për të argumentuar se Katherine duhet të paguajë për faturat e saj ligjore.

Në dosjen e tij, ai tha se do të ishte “e padrejtë” ta detyronte atë dhe vëllezërit e motrat e tij, të cilët janë trashëgimtarë të pasurisë, të paguajnë për atë rast.

Bigi është djali më i vogël i Michael dhe vëllai më i vogël i Princit dhe Parisit. Ai lindi nëpërmjet një gruaje surrogate në vitin 2002.

The post Shuma marramendëse që trashëgoi nëna e Michael Jackson pas vdekjes së tij appeared first on Albeu.com.

Skuadra e mbushur plot me yje për kushtet italiane, duhej të luftonte për titull në sezonin 2023/24, por skuadra me Jose Mourinhon në pankinë, po përjeton mësime të tilla futbolli që janë thjesht të pakuptueshme.

Nëse drejtuesit e Romës vendosin të shkarkojnë trajnerin portugez, do t’i duhet t’i paguajnë atij një dëmshpërblim prej 15 milionë eurosh, duke iu referuar kontratës të nënshkruar midis të dy palëve.

Verdhekuqtë nuk mund ta përballojnë një luks të tillë, që do të thotë se ata nuk kanë gjasa të përdorin mekanizmin shkarkimit të Jose Mourinhos në këtë fazë.

The post Shuma e majme, sa do t’i paguajë Roma Mourinhos në rast se e shkarkon para mbarimit të kontratës appeared first on Albeu.com.

Brenda shtëpisë së “Big Brother VIP Albania”, Donaldi mori si dhuratë një emision në prime time në “Top Channel” që do ta moderonte me vëllain e tij, Romeo Veshaj, i titulluar “Më Lër të Flas”.

Aktori u emocionua shumë për këtë surprizë të madhe dhe u përlot, teksa u realizua dhe lidhja me vëllanë e tij nga studioja ku po përgatitej për emisionin. Dhe vetë Romeo u emocionua dhe u përlot.

Dyshimet lindën pasi vëllezërit Veshaj fshinë ‘promon’ paralajmëruese të programit në “Instagram”-in e tyre.

Por duket se në të vërtetë, Donaldi dhe Romeo nuk kanë hequr dorë nga emisioni.

Burimet konfirmuan se pas pjesëmarrjes në festën e organizuar nga produksioni i “Big Brother VIP”, kanë bërë që të sheshohen deri diku pakënaqësitë që ata mund të kenë pasur me njëri-tjtrin.

Jo vetëm kaq! Përveç karrierës në ekran, binjakët Veshaj po sigurojnë edhe një karrierë në muzikë!

Sipas “Panorama Plus”, ata paguhen deri në 5 mijë euro për të qenë të pranishëm në club-et e kryeqytetit, ku dhe performojnë në skenë.

Po ashtu, duket se Donaldi po i futet seriozisht muzikës, pasi flitet se po sjell një bashkëpunim me Fifin.

The post Ndër më të paguarit, zbulohet shuma që marrin Donaldi dhe Romeo për të performuar në club-et e kryeqytetit appeared first on Albeu.com.

Fansat shqiptarë do të kenë mundësi ta shikojnë live yllin kolumbian me 14 Mars.

Koncerti do të mbahet në Sheshin Nënë Tereza dhe është pjesë e turit botëror të artistit të famshëm. Së fundmi është mësuar dhe se kush do të jenë artistët shqiptarë që do të performojnë në skenë para Malumës.

Burime për revistën Who kanë bërë me dije se do të jetë Ronela Hajati dhe Elgit Doda. Ende nuk ka pasur një konfirmim zyrtar nga ana e dy artistëve shqiptarë.

Fondi për të arritur që Maluma të vinte në Shqipëri ka qenë relativisht i madh. Bëhet fjalë për mbi 600 mijë euro, bashkë me stafin e tij.

Kjo është hera e parë që një këngëtar i nivelit botëror zgjedh Shqipërinë për ta përfshirë në një destinacion të tijin gjatë turit nëpër botë.

Kolumbiani është një emër i njohur në të gjithë botën. Vitet e fundit ai ka qenë një ndër yjet më të suksesshëm në glob. E sigurt që sheshi “Nënë Tereza” do mbushet plot.

The post Do mbaj koncert në Tiranë më 14 Mars, zbulohet shuma “marramendëse” që është paguar Maluma appeared first on Albeu.com.