Lulet e shtogut kanë veti natyrale anti-inflamatore dhe antioksiduese. Këto përmbajnë vitamina A, B dhe C të cilat stimulojnë sistemin imunitar. Shurupi i përgatitur me lule shtogu është një ilaç i vërtetë e më poshtë do ju japim recetën sit a përgatisni. Fëmijët mund ta marrin gjithashtu dhe doza e rekomanduar është një lugë çaji nga ky shurup ose gjymë luge , ndërsa për të rriturit është pak më e lartë, një lugë gjelle.

Ju mund ta merrni atë çdo ditë për të parandaluar sëmundjet, ose mund të dyfishoni dozën kur jeni të sëmurë.

Përbërësit

2/3 filxhan me kokrrat e thata të lules së shtogut

3 gota e gjysmë me ujë

2 lugë rrënjë xhenxhefilitë freskët të grimcuar

1 lugë çaji kanelle pluhur

1/2 lugë çaji karafil ose pluhur karafil

1 gotë mjaltë

Përgatitja

Hidh ujin në një tenxhere të vogël e më pas shtoni kokrrat e shtogut, xhinxherin, kanellën dhe karafilin.

Vendoseni tenxheren në zjarr të ulët e lëreni për 45 minuta deri sa masa të jetë përgjysmuar

Hiqeni nga nxehtësia dhe lëreni të ftohet.

Shtypini kokrrat e shtogut duke përdorur një lugë dhe kalojeni masën homogjene në një kavanoz qelqi.

Hiqni mbetjet e kokrrave dhe lëreni që lëngu të ftohet vetvetiu.

Kur uji të mos jetë më i nxehtë, shtoni 1 kupë mjaltë dhe përzieni mirë.

Ruajeni në frigorifer dhe merrni çdo ditë nga luigë për të mos u prekur nga asnjë virozëq përgjatë gjithë vitit.

The post Shurupi i kësaj bime nuk do t’ju lejojë të sëmureni, përgatiteni kështu dhe merrni familjarisht nga një lugë appeared first on Albeu.com.

Jeni në kërkim të një kure mjekësore që trajton dhe shëron shumë probleme shëndetësore? shtogu, lëngu i të cilit konsiderohet si ari i lëngshëm. Recetat mjekësore me bazë shtogu janë zbuluar që në kohët e Egjiptit të lashtë, por shumë historianë kanë rënë në gjurmët e aftësive shëruese të shtogut që në kohën e Hipokratit, Babait të Mjekësisë.

Sipas Hipokratit, shtogu ishte një thesar i mirëfilltë falë aftësive për të shëruar një sërë problemesh mjekësore. Të gjitha qytetërimet e lashta kanë pasur të drejtë për përdorimet e shtogut si një prej barishteve më të fuqishme kundër virozave.

Vlerat shëndetësore të shtogut përfshijnë: shërimin e të ftohtit, virozave, sinozitit, dhimbjeve nervore, inflamacionit, lodhjes kronike, alergjive dhe konstipacionit.

Nëse shtogu përdoret brenda 48 orëve të para të simptomave, atëherë ekstrakti i tij arrin të shkurtojë ndjeshëm kohëzgjatjen e gripit. Por nuk mbaron me kaq.

Nëse flasim për fuqinë e antioksidantëve që përmban shtogu, atëherë duhet të dini se kjo bimë përmban më shumë flavonoidë se boronicat, manat goxhi, boronicat e kuqe dhe manaferrat.

Lufton të ftohtin dhe gripin:

Shtogu forcon sistemin imunitar në mënyrë natyrale. Kokrrat e tij përmbajnë substanca kimike të quajtura anthocianidinë të cilat kanë efekte stimuluese të sistemit imunitar.

Ekstrakti i shtogut është i sigurt në përdorim, efikas dhe një alternativë e lirë për të gjitha trajtimet e simptomave të gripit dhe të ftohtit.

 Kundër infeksioneve në sinuse:

Shtogu ka vlera të pakundërshtueshme kundër inflamacionit falë përmbajtjes së madhe të antioksidantëve.

Infeksionet e sinusit shkaktohen nga inflamacioni i mukozës së rrugëve të frymëmarrjes. Kjo bimë që lufton virozat është premtuese si një kurë natyrale kundër këtyre infeksioneve.

Ul sheqernat në gjak:

Lulja dhe kokrrat e shtogut janë përdorur tradicionalisht kundër diabetit. Studimet kanë konfirmuar se ekstraktet e shtogut stimulojnë metabolizmin e glukozës dhe sekretimin e insulinës, duke ulur kështu nivelet e sheqerit në gjak.

Diuretik natyral:

Shtogu promovon lëvizjet e zorrëve dhe urinimin. Studimet kanë treguar se shtogu ose varieteti Sambucus ka një rol natyral diuretik, që do të thotë se stimulon urinimin.

Mjekët rekomandojnë përdorimin e substancave diuretike kur organizmi ruan shumë lëngje. Një problem i tillë vërehet më shumë tek të rriturit dhe të moshuarit.

Mban lëkurën të shëndetshme:

Shtogu ka arritur të bëhet pjesë e industrisë së kozmetikës për shumë arsye. Bioflavonoidët dhe antioksidantët së bashku me vitaminën A, e bëjnë atë të jashtëzakonshëm për shëndetin e lëkurës.

Studiuesit janë të mendimit që shumë prej përbërësve të shtogut ndihmojnë lëkurën të qëndrojë e shëndetshme.

Lehtëson alergjitë:

Lulet e bimës së shtogut janë pjesë e kurave natyrale bimore kundër alergjive.

Duke qenë se alergjitë e stërmundojnë sistemin imunitar dhe shkaktojnë inflamacione të ndryshme, shtogu kundërpërgjigjet duke e forcuar sistemin imunitar dhe qetësuar inflamacionin, rrjedhimisht duke lehtësuar alergjitë.

Kur bëhet fjalë për të ftohtin, virozat dhe problemet e tjera me frymëmarrjen, duhet të përdorni shurupin e shtogut.

Në treg mund të gjeni marka cilësore të këtij shurupi, ose mund ta përgatisni vetë atë në kushtet e shtëpisë.

Shurup shtogu i bërë në shtëpi!

Përbërësit:

• 3 gota e gjysmë me ujë të ftohtë
• 2 gota me kokrra të thata shtogu
• 1 lugë gjelle me xhenxhefil organik të freskët ose të thatë
• 1 lugë çaji me kanellë pluhur ose 1 shkop kanelle
• 1 filxhan me mjaltë cilësor

Udhëzimet:

1. Hidhni ujin në një tenxhere. Shtoni kanellën, kokrrat e shtogut dhe xhenxhefilin.
2. Lëreni lëngun të ziejë.
3. Ulni zjarrin dhe mbajeni tenxheren të mbuluar ndërsa lëngu zien për 40-45 minuta deri sa sasia e lëngut të përgjysmohet.
4. Hiqeni tenxheren nga zjarri dhe shtypini kokrrat.
5. Përdorni një napë të pastër ose kullesë dhe lëngun hidheni në një enë qelqi. Nëse përdorni napën, mos hezitoni ta shtrydhni atë që të përftoni lëngun e mbetur.
6. Shtoni mjaltë dhe përziejeni deri sa të jetë tretur.
7. Shurupin hidheni në një shishe ose enë qelqi të sterilizuar.

Çaji i shtogut është një tjetër alternativë e sugjeruar për përdorim. Ju mund të blini çaj me bustinë ose të blini kokrrat dhe lulet e thata duke e përgatitur çajin vetë.

Mjafton një lugë me kokrra ose lule të thata dhe një filxhan me ujë. Nëse nuk ju pëlqejnë çajrat e ngrohtë, atëherë përdorni lëngun e shtogut, që është i ëmbël dhe freskues.

The post Kundër infeksioneve dhe alergjive, Shtogu bën mrekulli në shëndetin tuaj appeared first on Albeu.com.