Bahri Hyseni do të ushtrojë detyrën e Zëvendëskryeprokurorit të Shtetit, pasi emërimi i tij u miratua sot nga Këshilli Prokurorial i Kosovës, mbi propozimin e Kryeprokurorit të Shtetit, Zejnullah Gashi.

Sipas vendimit të KPK-së, Hyseni do ta mbajë këtë post për katër (4) vjet dhe do të ketë të drejtë rizgjedhjeje edhe për një (1) mandat.

Vendimi u mor gjatë mbledhjes së 301-të të Këshillit Prokurorial të Kosovës, të drejtuar nga kryesuesi Arian Gashi, ku u trajtuan çështje të ndryshme që lidhen me administrimin, funksionimin dhe përgjegjësitë institucionale të Sistemit Prokurorial të Kosovës.

“Anëtarët e Këshillit Prokurorial zgjedhën prokurorin z.Bahri Hyseni në pozitën e Zëvendëskryeprokurorit të Shtetit, me propozim të Kryeprokurorit të Shtetit, z. Zejnullah Gashi, për një mandat katër (4)-vjeçar, me mundësi rizgjedhjeje edhe për një (1) mandat”, thuhet në njoftimin e KPK-së.

Një prej pikave të rendit të ditës ishte Mekanizmi i Raportimit Vjetor për vitin 2025. Në këtë kuadër, para anëtarëve të KPK-së raportuan Agron Bajrami, Kryeprokuror i Prokurorisë së Apelit, dhe Blerim Isufaj, Kryeprokuror i Prokurorisë Speciale.

Pas vlerësimit të këtyre raportimeve, Këshilli miratoi raportin e Kryeprokurorit të Prokurorisë së Apelit, ndërsa raportin e Kryeprokurorit të Prokurorisë Speciale nuk e miratoi.

Gjatë takimit, KPK-ja u informua edhe për pensionimin e Laura Pulës, prokurore në Zyrën e Kryeprokurorit të Shtetit. Këshilli vendosi që propozimi për lirimin e saj nga detyra për shkak të pensionimit t’i dërgohet Presidencës së Republikës së Kosovës, në përputhje me procedurat ligjore.

Gjithashtu, u shqyrtua dhe u miratua dorëheqja e Aleksandër Lumezit nga Komisioni për Vlerësimin e Performancës së Prokurorëve.

Këshilli miratoi më tej Raportin e Vlerësimit të Performancës për shtatë (7) prokurorë, në kuadër të lëndës KVPP/413/2026. Në të njëjtën mbledhje, u refuzua edhe kundërshtimi i një prokurori ndaj këtij raporti.

Po ashtu, KPK-ja shqyrtoi kërkesën e një prokurori të Prokurorisë Themelore në Prishtinë për rihapjen e një procedure disiplinore. Kërkesa u refuzua, pasi Këshilli konstatoi se mungon baza ligjore për rihapje, duke qenë se çështja ishte shqyrtuar dhe vërtetuar në të gjitha instancat gjyqësore.

The post Bahri Hyseni emërohet zëvendëskryeprokuror i Shtetit për një mandat katërvjeçar appeared first on Albeu.com.

Nesër pritet ceremonia e marrjes së detyrës.

Raportohet se pas emërimit të Prodës, do të hapet gara për emërimin e 12 drejtorëve të qarqeve dhe drejtorëve të departamenteve në Drejtorinë e Përgjithshme.

Përzgjedhja do të bëhet me garë dhe kandidatët do të aplikojnë për postet përkatëse, proces që do të përfundojë brenda tetorit.

The post Pritet sot emërimi i Drejtorit të Përgjithshëm i Policisë së Shtetit, emra të rinj edhe për drejtuesit në qarqe appeared first on Albeu.com.

Në kuadër të operacionit policor të koduar “Mashtrimi”, Prokuroria kërkoi burg për Serxho Mahmutaj dhe detyrim paraqitje për shtetasit Zenel Ruzaj, Endi Stafa dhe Panajot Kristo.

Sipas Prokurorisë, këta persona kanë krijuar 3 subjekte tregtare për të kryer importet në favor të tregtarëve të ndryshëm, që këta të fundit ta marrin produktin pa faturë.

Këto shoqëri kanë përfituar duke mos deklaruar xhiron reale, shmangur detyrimet tatimore dhe duke i shkaktuar shtetit një dëm prej 53 milionë lekë.

Nga hetimet, rezultoi se këto subjekte kanë kryer importe të mallrave të ndryshme, të cilat janë përdorur për rishitje nga subjekti kundrejt pagesës.

Serxho Mahmutaj ka përdorur të dhënat e tre shtetasve Zenel Ruzaj, Endi Stafa dhe Panajot Kristo. me të cilat ka regjistruar këto subjekte dhe ka kryer çdo veprim në emër të tyre.

The post I shkaktuan shtetit dëm 53 milionë lekë, Prokuroria e Tiranës jep masat e sigurisë për 4 persona appeared first on Albeu.com.