Shqiptarët janë kapur në Hartlepool, ku kishin ngritur një plantacion për rritjen e kanabisit. Policia pas kontrolleve gjeti 10 kg drogë në Chester Road në janar të këtij viti.

Ata gjetën gjithashtu një ‘listë të shënjuar’ dhe dokumente që tregonin se si banda me katër persona do të ndante fitimet nga shitja me shumicë e drogës së klasit B.

David Heëitt, procedues, tha se burrat u zbuluan të fshehur në dhomën e gjumit të pronës ku ishte fshehur edhe droga. Ai tha: “Brenda një gardërobë në dhomën e gjumit, policia gjeti një sasi të konsiderueshme kanabisi, ajo ishte e ruajtur në gardërobë dhe dukej se ruhej për qëllime të shitjes me shumicë”.

Heëitt tha se droga vlerësohej midis 80,000 dhe 120,000 £ me kosto me shumicë dhe rreth 200,000 £ në rrugë.

Gjykata dëgjoi se si disa dokumente u gjetën gjithashtu nga oficerët që tregonin se si banda do të fitonte 5,900 £ secili nga një marrëveshje.

Zenel Tusha, 26 vjeç; Mirush Tusha, 23 vjeç; Leo Metushi, 38 vjeç; dhe 23-vjeçari Petrit Tusha, të gjithë pa vendbanim fiks, u deklaruan fajtorë për posedim kanabis me qëllim furnizim.

Rod Hunt, që përfaqëson Metushin, tha se klienti i tij i ishte dorëzuar trgtimit të kanabisit pasi nuk arriti të siguronte punë pasi mbërriti në Mbretërinë e Bashkuar.

Kate Barnes, që përfaqëson Petrit Tushën, i tha gjykatës se klienti i saj ishte zhvendosur në verilindje vetëm pasi kishte ikur nga Sheffield pasi mbërriti në vend nga ‘mbrapa një kamioni’.

Dhe Stephen Constantine, për Zenel Tushën, tha se klienti i tij kishte aplikuar për azil pasi kishte mbërritur ilegalisht në vend dhe gjithashtu kishte ikur nga Sheffield para se të përfundonte në Hartlepool me vëllain e tij Petritin.

The post EMRAT/ 4 shqiptarët kapen me 200 mijë paund “mall”: Erdhëm në Angli me kamion, nuk gjetëm dot punë appeared first on Albeu.com.

Bëhet fjalë për dy shtetasit ukrainas dhe atë rus, të cilët u kapën në uzinën e Gramshit, gjatë një tentative për të hyrë me forcë në ambientet e brendshme.

Përmes një njoftimi, Sekretari i Përgjithshëm i MEPJ, z. Gazmend Turdiu deklaron me përgjegjësi se të gjitha veprimet e MEPJ lidhur me këtë çështje janë në pajtim të plotë me Konventën e Vjenës për Marrëdhëniet Konsullore të vitit 1963, si dhe me konventat për mbrojtjen e të dhënave personale, ku Shqipëria është palë.

Deklarata e plotë:

Lidhur me pretendimet e ambasadës ruse në Tiranë se Ministria për Evropën dhe Punët e Jashtme prej ditësh nuk i përgjigjet notës së kësaj ambasade, për informacion mbi ndalimin e shtetasve rusë për shkak të përpjekjeve për të hyrë me dhunë në zonë ushtarake, Sekretari i Përgjithshëm i MEPJ, z. Gazmend Turdiu deklaron me përgjegjësi se të gjitha veprimet e MEPJ lidhur me këtë çështje janë në pajtim të plotë me Konventën e Vjenës për Marrëdhëniet Konsullore të vitit 1963, si dhe me konventat për mbrojtjen e të dhënave personale, ku Shqipëria është palë.

MEPJ ka marrë notë verbale nga ambasada e Rusisë, në përpjekje për të marrë informacion mbi dy shtetasit rusë të ndaluar në hyrjen e një objekti ushtarak. Por është absolutisht e pavërtetë që kjo notë ka katër ditë që është dërguar. Nota është hartuar në datën 22 gusht dhe ka hyrë në MEPJ në datën 23 gusht pasdite. Në mënyrë të menjëhershme MEPJ i është drejtuar me kërkesë për informacion autoriteteve kompetente. Theksojmë se në këtë pikë MEPJ është pikë ndërlidhëse mes kërkuesit dhe strukturave të tjera dhe nuk ka asnjë kopetencë tjetër për çështjen në fjalë.

Në kuadër të transparencës dhe të refuzimit të dezinformimit, MEPJ, është e gatshme të verë në dispozicion të mediave dhe të opinionit publik kopjen e notës, ku duket qartë numri dhe data e dërgimit, 22 gusht 2022.

Autoritetet shqiptare e kishin të pamundur të njoftonin ambasadën e Rusisë për ndalimin e këtyre dy shtetasve, sepse Konventa e Vjenës referuar më sipër, neni 36, pika 1.b e saj, përcakton se shteti pritës, në këtë rast Shqipëria, duhet të njoftojë për ndalimin e tyre përfaqësinë diplomatike të shtetit dërgues, në këtë rast Rusia, vetëm nëse të ndaluarit kërkojnë vetë të kontaktojnë ambasadën e tyre.

Dëshirojmë gjithashtu të theksojmë se ndalimi apo fillimi i një procesi penal ndaj një personi është e dhënë personale e mbrojtur nga konventa ndërkombëtare ku Shqipëria është palë. Edhe në këtë kuptim, dhënia ambasadës së Rusisë e informacionit të ndalimit të këtyre shtetasve, do të ishte shkelje e angazhimeve ndërkombëtare të Republikës së Shqipërisë./albeu.com/

The post Nota verbale e Rusisë për të arrestuarit, reagon Ministria e Jashtme e Shqipërisë appeared first on Albeu.com.

Patel ka deklaruar gjithashtu se që nga fillim i vitit Britania ka dëbuar 1 mijë e 741 “shkelës” të huaj duke përfshirë këtu, 487 shqiptarë.

“Pothuajse 1 mijë shqiptarë në total janë kthyer në vendin e tyre”, tha ajo.

Sipas saj, fokusi i ripërtërirë te largimet, pjesë e Planit të Ri për Emigracionin, po përmbush angazhimin e qeverisë.

Ditën e djeshme Patel ra dakord për një marrëveshje historike me Pakistanin, për të dëbuar shtetasit pakistanezë pa të drejtë ligjore që qëndrojnë në MB, duke përfshirë kriminelët, azilkërkuesit dhe shkelësit e imigracionit.

“Kjo punë tregon se ne nuk do të ndalemi para asgjëje për të hequr ata që nuk kanë të drejtë të jenë këtu dhe jam krenar që kemi larguar pothuajse 1 mijë ‘shkelës të huaj’, kryesisht shqiptarë deri më tani, përfshirë disa që kaluan Kanalin ilegalisht për të ardhur në MB”, u shpreh ajo.

Sipas saj, ky është vetëm fillimi, pasi shtoi se ka ngarkuar ekipet e Ministrisë të ripërtërijnë ndjekjen e kriminelëve të rrezikshëm që shkatërrojnë jetë dhe komunitete dhe i lënë viktimat dhe familjet e tyre të marrin pjesët.

The post Ministrja britanike: Krenare që kemi dëbuar 1 mijë shqiptarë, nuk ndalemi appeared first on Albeu.com.

Sipas britanikes “Daily Mail” shtetasit shqiptarë përbëjnë numrin më të madh të të huajve në Britaninë e Madhe, që konsiderohen pjesë e “skllavërisë moderne”.

Në artikull shkruhet se janë në total 13 mijë raste, kur emigrantët kanë kundërshtuar depërtimin pas kapjes dhe kanë përdorur aktin e skllavërisë moderne (një parashikim ligjor që ndalon depërtimin e tyre).

Kështu Daily Mail thekson se shqiptarët përbëjnë shumicën e të huajve që “përdorin” këtë metodë.

Si shembull britanikja sjell dy raste.

“Armelind Rexha, i cili u paraqit në gjykatë në vitin 2019 u akuzua për rritjen e kanabisit me vlerë deri në 672 mijë paund, dhe një gjykatës pranoi pretendimin e tij se ai ishte detyruar ta bënte këtë”.

Vitin e kaluar, një tjetër shqiptar që vrau një nënë në sy të vajzës së saj tetëvjeçare pretendoi se kishte qenë viktimë e trafikantëve për të shmangur dëbimin.

Edhe pse skllavëria është e ndaluar në të gjithë botën, “skllavëria moderne” me formatin e saj të ri vazhdon të jetë një nga problemet e njerëzimit.

Termi përdoret për të përshkruar rrethanat të tilla si kërcënimet, dhuna, detyrimi, mashtrimi, shpërdorimi i pushtetit, ndaj të cilave njerëzit nuk mund t’i kundërvihen situatës në të cilën ata abuzohen dhe kushteve ku nuk mund të braktisin gjendjen e tyre aktuale.

The post Shqiptarët, sërish skllevër modernë të Mbretërisë së Bashkuar appeared first on Albeu.com.

Nga dita e sotme kanë hyrë në fuqi masat e reja të vendosura nga Komiteti i Ekspertëve.

Në Morinë ka fluks të lartë të qytetareve e mjeteve, ndërsa policia kufitare po zbaton procedurën e përshpejtuar për të shmangur radhët.

Shtatë sportele janë ne funksion te plotë, e për ditët e festave janë dhënë udhëzime të veçanta lehtësimi nga Drejtoria e Përgjithshme e Policisë.

Ndërkohë Kosova ende vazhdon me procedurën e masave kufizuese duke kërkuar certifikatë vaksinimi apo teste për Covid-19.

The post Shqipëria heq kufizimet e Covid-19 për shtetasit qe hyjnë në territorin e vendit tonë appeared first on Albeu.com.

Lajmin e ka bërë të ditur ministri i Brendshëm Bledi Çuçi, i cili këtë të mërkurë ka zhvilluar një takim me ambasadoren tonë në Athinë.

Çuçi ka theksuar se tashmë shqiptarët që jetojnë dhe punojnë në Greqi do të kenë një trajtim të veçantë në lidhje me lejet e tyre të qëndrimit.

Sipas ambasadores lehtësimet për komunitetin shqiptar do të shtrihen në të gjitha zyrat e emigracionit në vendin fqinj.

“Nga ministri për Migracionin dhe Azilin mora premtimin se komuniteti shqiptar në Greqi do të marrë një trajtim të veçantë përsa i përket lejeve të qëndrimi dhe në përgjithësi të gjithë trajtimit në zyrat e emigracionit këtu në Greqi. Vendosëm një komunikim direkt për çdo shqetësim të shqiptarëve nëpërmjet ambasadores tonë në Athinë”, ka thënë ajo.

Ndërkohë në një tjetër takim të zhvilluar mes Çuçit dhe homologut të tij grek, në fokus të diskutimeve ka qenë bashkëpunimi i dy policive për goditjen e grupeve kriminale që operojnë mes dy vendeve.

“Me ministrin e Brendshëm biseduam për sfidat e përbashkëta që kemi në lidhje me funksionimin e bashkive apo qeverisjes vendore në secilën nga vendet tona. Gjithashtu ramë dakord që strukturat përkatëse të ministrive bashkë me strukturat e bashkive kufitare me Greqinë të bashkëpunojnë për të përfituar nga programet e financuara nga BE”, ka thënë Çuçi.

The post Thjeshtohet marrja e lejes së qëndrimit në Greqi, çfarë duhet të dinë emigrantët shqiptarë appeared first on Albeu.com.