Si rezultat i kontrolleve me përzgjedhje dhe i verifikimeve në hyrje/dalje, me objektiv goditjen e paligjshmërive në kufi, si dhe ndalimin e shtetasve të shpallur në kërkim, të cilët tentojnë të lëvizin ilegalisht për t’iu shmangur përgjegjësisë penale, shërbimet e Policisë Kufitare Morinë, në bashkëpunim me shërbimet e DVP Kukës, kapën në hyrje të RSh-së dhe arrestuan me qëllim ekstradimin shtetasin turk:

V. B., 31-vjeç, banues në Stamboll.

Nga verifikimet e kryera dhe nga informacioni i shkëmbyer me Interpol Tiranën, rezultoi se ky shtetas ishte shpallur në kërkim ndërkombëtar, pasi Gjykata e Vjenës ka vendosur ndaj tij masën e sigurisë “Arrest në burg” për veprën penale “Prodhim dhe shitje e narkotikëve”.

Interpol Tirana, në bashkëpunim me homologët në Austri, vijon procedurat për ekstradimin e 31-vjeçarit.

The post Në kërkim nga Austria për prodhim dhe shitje të narkotikëve, arrestohet në Morinë shtetasi turk appeared first on Albeu.com.

Gjithashtu materialet procedurale i kaluan prokurorive, për veprime të mëtejshme.

Njoftimi i policisë:

Seksioni i Policisë Rrugore në Sarandë arrestoi shtetasin turk Z. G., 26 vjeç, banues në Turqi, pasi është konstatuar nga shërbimet e Policisë, në aksin rrugor “Sarandë-Ksamil”, duke drejtuar automjetin, në gjendje të dehur, si dhe ka kundërshtuar punonjësit e Policisë, gjatë kryerjes së detyrës. Materialet procedurale i kaluan prokurorive, për veprime të mëtejshme.

The post Drejtonte mjetin në gjenjde të dehur, arrestohet 26-vjeçari nga Turqia appeared first on Albeu.com.

Sipas burimeve, bëhet me dije se seanca e parë gjyqësore për ekstradimin e tij nis këtë të enjte në orën 14:00.

Prokuroria e Stambollit ka në hetim 21 të pandehur në lidhje me skemën gjigande të mashtrimit përmes kriptovalutave, Thodex.

Emri kryesor në hetim është CEO i kësaj platforme, Faruk Fatih Ozer, i cili akuzohet se ka mashtruar rreth 400 mijë njerëz.

Nga personat e akuzuar, gjashtë prej tyre janë të burgosur aktualisht në Turqi, mes të cilëve edhe vëllai dhe motra e Faruk Ozer.

Sipas mediave turke, ndaj të pandehurve janë ngritur akuzat në Turqi për “krijimi dhe drejtimi i një organizate kriminale”, “mashtrimi duke përdorur sistemet e informacionit, bankat ose institucionet e kreditit” dhe “mashtrimit dhe pastrimit të vlerave pasurore që rrjedhin nga krimi”.

Për këto akuza, prokuroria ka kërkuar dënimin me burg në total të të pandehurve nga 12.164 vite burg deri në 40.562 vite burg.

Kujtojmë se Ozer u arrestua në bregdetin e Vlorës teksa bënte plazh dhe për një kohë të gjatë fshihej në një apartament në qytetin e Elbasanit./albeu.com/

The post Mashtrimi me kriptomonedhat, bossi turk del në gjyqin për ekstradimin e tij appeared first on Albeu.com.

Ozer akuzohet për mashtrim me kriptomonedhat. Autoritetet turke të drejtësisë kanë transmetuar përmes Ministrisë së Drejtësisë materialet e plota që kanë të bëjnë me kërkesën për ekstradim në Turqi të shtetasi Faruk Fatih Ozer, në kërkim ndërkombëtar pasi Gjykata e Paqit e Shkallës së Parë Nr.7 në Stambollin Anadollian me vendimin datë 07.05.2021 ka caktuar ndaj këtij personi masën e sigurisë “Arrest në burg” për disa vepra penale të kryera në Turqi.

I riu u arrestua më 30 gusht të këtij viti teksa ishte duke pushuar në plazhin e Himarës. Shtetasi turk, themelues i një platforme online për këmbimin e kriptovalutave, Thodex, mbylli papritur aktivitetin, në prill të vitit të kaluar, pasi kishte grumbulluar një shumë prej 2 miliardë dollarësh nga 391 mijë investitorë.

Ozer ishte shpallur në kërkim ndërkombëtar nga Interpol Ankara, ndërsa Gjykata e Lartë e Stambollit kishte lëshuar ndaj tij urdhër arresti në vitin 2021, për veprat penale “Krijimi i organizatës kriminale” dhe “Mashtrimi me pasoja të rënda”.

I riu turk, kishte mbërritur në Shqipëri më 20 prill 2021, përpara se autoritetet e vendit të tij të viheshin në lëvizje. Një ditë më pas, në platformën Thodex, investitorët lexuan një njoftim të pazakontë për pezullimin e përkohshëm të aktivitetit “për shkak të një investimi të rëndësishëm”. Ky njoftim, i vuri ata në alarm, pasi nuk u mundësohej më qasja në portofolet e tyre. Më 23 prill 2021, autoritetet turke arrestuan 62 persona të lidhur me Thodex, dhe disa të tjerë u shpallën në kërkim.

The post Dyshohet se fitoi 2 miliard $ me mashtrim, Prokuroria e Elbasanit kërkon ekstradimin e të riut turk appeared first on Albeu.com.

Emre Olur ka lindur në vitin 1996 në Bahçelievler të Stambollit. Ai njihet si “këshilltari i shtypit” i kreut të një organizate kriminale, Sedat Peker. Pra Olur është zëdhënësi për mediat i Sedat Peker.

Ky i fundit prej dy vitesh nuk ka shkelur më në tokën turke, për shkak se sipas mediave turke ka një konflikt të hapur me ministrin e Brendshëm të këtij shteti, për shkak të aktiviteteve kriminale mes grupeve të ndryshme në Turqi.

Prej dy vitesh ai, nuk ka pasur një vendqëndrim fiks, pasi siç raportojnë mediat turke, Sedat Peker, ka qëndruar në Kosovë, Maqedoninë e Veriut, Egjipt, ndërsa aktualisht ndodhet në Dubai, ku edhe ka njerëzit e tij, përfshirë edhe Emre Olur.

Mediat turke raportojnë një detaj të rëndësishëm, për Emre Olur, për të cilinë shkruajnë se dyshohet të ketë nënshtetësi shqiptare. Sipas gazetarëve turq, Olur është thirrur nga autoritet shqiptare, vetëm disa ditë pasi ai kishte udhëtuar drejt Dubait.  Mësohet se autoritete shqiptare kanë pretenduar se turku Emre Olur kishte probleme me dokumentacionin, për këtë arsye e kanë thirru për verifikime të mëtejshme. Në momentin që ai ka udhëtuar drejt Shqipërisë, është ndaluar dhe po mbahet në komisariatin e Rinasit. Olur sipas mediave turke është tentuar që të niset drejt Turqisë, por në këtë moment kanë ndërhyrë avokatët shqiptar, duke thënë se atij i rrezikohej jeta.

Mediat turke, Emre Olurin e cilësojnë si “konsulenti i shtypit” i kreut të krimit të organizuar, Sedat Peker. Peker kishte një kanal në Youtube ku vitin e kaluar  publikonte fakte që vërtetonin lidhjen mes politikës dhe drejtuesve të lartë dhe mafias. Me arratisjen jashtë shtetit të Sedat Pekerit, Olur doli në pah, pasi Peker përgjigjet në rrjetet sociale i jepte në emër të kreut të organizatës kriminale. Prej të paktën 6 muajsh, Peker postonte vetëm me profilin e Emre Olur, duke shmangur profilin e tij zyrtare në Twitter dhe rrjetet e tjera sociale./abcnews.al/

The post E zbritën nga avioni, njeriu i Sedat Pekerit po mbahet në Rinas. Kush është turku i famshëm Emre Olur, dyshohet se ka shtetësi shqiptare (FOTO LAJM) appeared first on Albeu.com.

Kujtojmë se ngjarja ndodhur në lagjen Gaarden të Kiel, Gjermani.

Ndërkohë si pasojë e plagëve të marra 31-vjeçari humbi jetën në spital. I riu shqiptar është arrestuar.

Sipas policisë së Kielit dhe prokurorisë, 23-vjeçari u arrestua nga njësitë speciale në Gelsenkirchen pasditen e sotme.

23-vjeçari nuk ka bërë rezistencë gjatë arrestimit, ndërsa pritet që të dërgohet para gjykatës./albeu.com

The post Qëlloi për vdekje shtetasin turk, bie në prangat e policisë 23-vjeçari shqiptar (EMRI) appeared first on Albeu.com.

Mediat gjermane shtrojnë pyetjen nëse do të mbetet e pandëshkuar përgjithmonë vrasja gjakftohtë në lokalin “No Name” sepse vrasësi i dyshuar i shmanget ekstradimit në Gjermani me një “natyralizimi rrufe”.

Bëhet fjalë për Erkan A. dhe mikun e tij. Erkan A. 35-vjeç konsiderohet si rokeri më brutal dhe në listën e të kërkuarve të autoriteteve hetimore të Këlnit si një nga kriminelët më të kërkuar:

Ish-bosi i bandës famëkeqe Hells Angels “C-Toën”. Pas një arratisjeje gjashtëvjeçare, së fundmi ai ishte në paraburgim ekstradimi në Izmir, Turqi. Megjithatë deri më tani Turqia nuk ka pranuar që ta ekstradojë vrasësin e shqiptarit dhe mikun e tij.

Kujtojmë se krimi i rëndë ndodhi më 19 shkurt të vitit 2016, ku shqiptari Kushtrim P. 29-vjeç u qëllua në fytyrë disa herë duke e lënë të vdekur në vend. Fillimisht u tha se krimi ndodhi pas një incidenti të momentit por më pas u mësuar se ai u vra sepse hyre në “shisha bar” të dy bosëve turq dhe aty gjeti një sasi droge me vlerë disa mijëra euro.

Nga inati dhe në shenjë hakmarrje dy bosët turq kanë vënë një shpërblim prej 4 mijë eurosh për këdo që u sillte shqiptari që e akuzonin për vjedhje të lëndës narkotike. Natën e krimit dikush e spiunoi shqiptarin dhe dy turqit erdhën dhe e vranë./albeu.com/

The post Turku vrau shqiptarin në Gjermani dhe iku në Izmir, Turqia nuk e ekstradon appeared first on Albeu.com.