Nga Ministria e Jashtme e Maqedonisë së Veriut theksojnë se deri më tani rreth 30 shtetas tanë janë larguar nga Izraeli, ndërsa pohojnë se gjithsej rreth 200 shtetas kanë kërkuar ndihmë.

Gjithashtu deklarojnë se me shumicën prej shtetasve tanë janë në kontakt të vazhdueshëm.

“Ju informojmë se nëpërmjet kanaleve të ndryshme të transportit, edhe dhjetë shtetas tanë të tjerë janë larguar nga Izraeli, respektivisht: katër me avion për në Athinë, pesë për në Podgoricë dhe një person me fluturim për në Stamboll; së bashku me ata që e kanë bërë më parë këtë, numri i përgjithshëm për dy ditët e fundit ka kaluar 30 shtetas tanë që janë larguar nga Izraeli. Ambasada e Maqedonisë së Veriut në Tel Aviv, në koordinim të ngushtë me shtabin e krizës në Ministrinë e Punëve të Jashtme, punon në mënyrë aktive për kthimin e 100 qytetarëve tanë të tjerë, të cilët kanë kërkuar ndihmë për t’u larguar nga Izraeli dhe të cilët kryesisht ndodhen në vende të sigurta. Një pjesë e tyre tashmë kanë siguruar bileta përmes fluturimeve të rregullta që janë aktive përmes Aeroportit Ndërkombëtar të Tel Avivit i cili është në funksion të plotë. Disa prej tyre ndodheshin në zona të prekura nga dhuna dhe konsiderohen të pasigurta, për të cilat tashmë është siguruar transporti i brendshëm nëpër territor të Izraelit për t’i transferuar në një vend të sigurt, nga ku mund të dërgohen në shtëpi. Mes tyre janë dy shtetas tanë në Rripin e Gazës, për nxjerrjen e të cilëve është ngarkuar Ambasada e Maqedonisë së Veriut në Kajro, e cila është në komunikim të drejtpërdrejtë me Ministrinë e Punëve të Jashtme të Egjiptit”, thonë nga MPJ.

Minjstria e Jashtme thotë se sipas vlerësimeve të shtabit të krizës, deri në 200 qytetarë tanë janë duke qëndruar në territorin e Izraelit, shumica e të cilëve janë lokalizuar me saktësi dhe mbahet komunikim i rregullt me ta, deri në kthimin e tyre në Maqedoninë e Veriut.

“Ndërkohë ju bëjmë thirrje shtetasve tanë në Izrael që të ndjekin Portalin Nacional për raste urgjente (www.oref.org.il), të a.q. Home Front Command, i specializuar për mbrojtjen civile, i cili doli me rekomandime të reja për popullatën, si dhe respektimin e të gjitha udhëzimeve të tjera të institucioneve kompetente të Izraelit. Kujtojmë se Ministria e Punëve të Jashtme e Maqedonisë së Veriut ka në dispozicion dy linjat telefonike SOS – 075/273-732 dhe 075/268-736, si dhe linjën telefonike të Ambasadës në Tel Aviv +972-54-926 -7378.”, shtojnë nga MPJ.

The post 10 shtetas të Maqedonisë së Veriut largohen nga Izraeli, pritet edhe evakuimi i të tjerëve nga Gaza appeared first on Albeu.com.

Njoftimi është bërë i ditur nga ministri i Punëve të Jashtme, Bujar Osmani, sipas të cilit shtetasit maqedonas janë lënë të lirë pas intervistimit dhe analizave të tjera nga Policia e Kosovës.

“Pas intervistimit dhe analizave të zakonshme nga Policia e Republikës së Kosovës, sot [e hënë] në mëngjes qytetarët tanë janë nisur të sigurt për në shtëpi, të shoqëruar nga Policia e Kosovës. Rrethanat, në të cilat u gjendën, ishin komplekse, duke qenë se ata ishin të akomoduar në një hotel, në afërsi të vendit ku ndodhi sulmi me armë ndaj policisë”, ka njoftuar Osmani në rrjetin social Facebook.

Osmani ka thënë se lidhur me këtë rast ishte në kontakt të vazhdueshëm me autoritetet e Kosovës, të cilat “garantuan sigurinë e qytetarëve tanë”.

Ai nuk ka dhënë detaje tjera mbi qëndrimin e shtetasve të Maqedonisë së Veriut në afërsi të Manastirit në Banjskë.

Lidhur me tensionet në Banjskë, kryeministri i Maqedonisë së Veriut, Dimitar Kovaçevski, të dielën në mbrëmje deklaroi përmes një njoftimi se “dënon ngjarjet” në Kosovë, duke theksuar “mbështetje të plotë për KFOR-in për të gjitha aktivitetet e ardhshme që synojnë garantimin e paqes dhe stabilitetit në Kosovë dhe rajon”.

“Bëj thirrje për uljen e tensioneve në Kosovë dhe për vazhdimin e dialogut dhe zgjidhjen e të gjitha çështjeve të hapura në mënyrë paqësore dhe demokratike. Përshpejtimi i integrimeve euroatlantike në Ballkanin Perëndimor është vendimtar. Është e vetmja mënyrë për të siguruar progres dhe stabilitet në rajon… Rajoni duhet të ecë përpara, qytetarët meritojnë prosperitet, një të ardhme më të mirë dhe një standard më të mirë jetese”, thuhet në reagimin e Kovaçevskit në Facebook.

Ai tha se situata e sigurisë në Maqedoninë e Veriut është stabile dhe se qytetarët nuk kanë arsye për shqetësime.

“Të gjitha institucionet përgjegjëse për sigurinë po monitorojnë me vigjilencë situatën. Gjithashtu, sipas informacioneve të shkëmbyera ndërmjet shërbimeve të inteligjencës në vend dhe informacioneve të marra nga shërbimet e aleatëve tanë në aleancën e NATO-s, nuk ka indikacione që tregojnë për shkelje të sigurisë në Maqedoninë e Veriut”, thuhet në reagimin e kryeministrit maqedonas, Dimitar Kovaçevski.

The post Kthehen shtetasit maqedonas që ndodheshin afër Manastirit në Banjskë appeared first on Albeu.com.

Nga viti 2013 deri në vitin 2019, numri i maqedonasve që kanë marrë nënshtetësinë bullgare varionte nga pothuajse 1900 deri në 6200 në vit. Të dhënat e Ministrisë bullgare të Drejtësisë tregojnë se në totalin e shtetësive të miratuara bullgare, më dominuese janë ato për shtetasit e Maqedonisë. Trendi i marrjes së dokumenteve bullgare nuk ndalet, gati 3500 maqedonas kanë dosje të hapura – Presin të marrin një dekret që do t’i bëjë shtetas bullgarë, përcjell INA.

Në mungesë të informacioneve zyrtare, në Maqedoni mbeten vetëm spekulime se sa është numri i shtetasve maqedonas që kanë marrë shtetësinë bullgare ndër vite.

Ministria e Brendshme në Shkup thotë për Televizionin 24 – nuk i kemi numrat, sepse edhe vendi ynë edhe ai fqinj i lejojnë qytetarët të kenë dyshtetësi.

Në 15 vitet e fundit, numri i maqedonasve me nënshtetësi bullgare është mbi 86 mijë persona. Kjo përfaqëson gjysmën e të gjithë atyre që kanë aplikuar për shtetësi në Bullgari. Maqedonasit janë tre herë më shumë se moldavët, të dytët në listën e qytetarëve që masivisht kërkojnë dhe marrin nënshtetësinë bullgare.

The post Zbulohet shifra, ja sa maqedonas janë pajisur me shtetësi bullgare 2 vitet e fundit appeared first on Albeu.com.