“Edhe një herë, armiku vendosi të tentojë ta arrijë përmes terrorit dhe vrasjeve atë që nuk ka qenë në gjendje ta arrijë që nëntë muaj dhe që nuk do të mund ta arrijë”, tha Zelensky në Facebook, pas sulmit që ndodhi në spitalin e Vilnyansk.

“Në vend të kësaj, kjo do të shërbejë vetëm si dëshmi për të gjithë të keqen që i është sjellë vendit tonë”, shtoi ai.

Sulmi erdhi përderisa betejat në rajonet lindore të Donetsk dhe Luhansk janë intensifikuar, pas ofensivave nga Rusia.

“Gjatë natës, përbindësha rusë qëlluan me raketa të mëdha në repartin e vogël të maternitetit të spitalit në Vilnyansk. Zemrat i kemi plot dhimbje – një foshnjë që sapo kishte ardhur në këtë botë u vra”, shkroi guvernatori rajonal Oleksandr Starukh në Telegram.

Shërbimet e urgjencës thanë se ekipet e shpëtimit arritën t’i shpëtonin dy persona nga rrënojat e repartit të maternitetit.

Në fushën e betejës, forcat ukrainase zmbrapsën sulme të shumta ruse në Donjeck dhe Luhansk, sipas informatave të dhëna nga Shtabi i Përgjithshëm i Forcave të Armatosura të Ukrainës të mërkurën.

Rusia ka nisur një ofensivë përgjatë frontit në perëndim të Donjeckut, duke përdorur disa nga forcat që u tërhoqën nga Hersoni.

“Armiku nuk po ndalet së bombarduari pozicionet e trupave tona dhe vendbanimet pranë vijës së frontit (në rajonin e Donjeckut)”, tha ushtria ukrainase.

Ushtria ukrainase tha se i zmbrapsi sulmet ruse në 11 lokacione në Donjeck dhe Luhansk, duke përfshirë këtu në Bilohoryivka, Bakhmut, Kurdyumivka dhe Severniy.

“Gjatë ditës së kaluar, armiku nisi pesë sulme me raketa në zonat e populluara të rajoneve të Harkiv dhe Donjeck dhe kreu rreth 45 sulme me raketa të shumëfishta në pozicionet e trupave tanë”, tha ai.

Ushtria ukrainase tha gjithashtu se ka identifikuar një qendër për trajnimin e operatorëve të dronëve të prodhimit rus dhe iranian në Sevastopol, në Krimenë e pushtuar nga Rusia.

“Kohëzgjatja e trajnimit për operatorët e specializuar të dronëve është deri në tri javë. Aktualisht po trajnohen rreth 30 ushtarakë,” shtoi ushtria.

Deklarata erdhi pasi guvernatori i Sevastopolit, i vendosur nga Moska, tha se mbrojtja ajrore ruse zmbrapsi një sulm me dronë në një central elektrik dhe për ngrohje në lagjen Balaklava të qytetit.

Mykhaylo Razvozhayev tha se, mbrëmjen e së martës, dy dronë u rrëzuan përderisa i afroheshin fabrikës që ndodhet afër Sevastopolit.

Flota ruse e Detit të Zi zmbrapsi edhe një sulm tjetër nga tre dronë të martën, tha ai në Telegram, duke shtuar se nuk ishte shkaktuar asnjë dëm.

Razvozhayev fajësoi ushtrinë ukrainase për këto sulme. Ukraina nuk i ka komentuar akuzat e Razvozhayev.

Të mërkurën, Ministria britanike e Mbrojtjes tha në raportin e saj të përditshëm të inteligjencës se, që nga shtatori, Rusia besohet të ketë përdorur kundër Ukrainës qindra dronë të prodhuar nga Irani.

“Komandantët rusë mund gjithashtu të kenë dashur që UAV-të (pajisjet ajrore pa pilotë brenda, si dronët) me origjinë iraniane t’i kenë për cak ndërtesat mjekësore dhe t’i godasin ato me municione të drejtuara nëse identifikohen”, thuhet në raportin e inteligjencës britanike.

Përdorimi i dronëve nga Rusia besohet se kishte synim kompensimin e mungesës së raketave lundruese, thuhet në raport, duke shtuar se ky qëllim ka pasur sukses të pjesshëm dhe se shumica e dronëve janë neutralizuar.

Forcat ukrainase kanë vazhduar me një kundërofensivë në jug të Ukrainës dhe në fillim të këtij muaji rimorën Hersonin, kryeqytetin e rajonit në kufi me gadishullin.

Zelensky tha të martën, në një fjalim para politikanëve komunalë francezë, se ushtria ukrainase ka çliruar më shumë se 1.800 vendbanime nga pushtimi rus deri më tani dhe synon të çlirojë edhe rreth 2.000 të tjera.

“Pasojat e okupimit janë shumë të ngjashme në çdo vend”, tha ai. “Çdo gjë që ushtarët rusë patën mundësi ta minojnë, e minuan. Çdo gjë që pushtuesit patën mundësi ta plaçkitin, e plaçkitën”./rel

The post Zelensky e quan Rusinë “shtet terrorist” pasi u vra një foshnje në spital appeared first on Albeu.com.

“Një gjykatë e tillë do të bëjë të mundur dënimin jo vetëm të autorëve të drejtpërdrejtë të krimeve të luftës, por edhe të udhëheqjes së lartë ruse.

“Rezoluta e quan Rusinë kërcënimin më të drejtpërdrejtë për sigurinë euro-atlantike. Aty thuhet qartë se shteti i Rusisë, nën regjimin e saj aktual, është një shtet terrorist”, shtoi ai. Ai shtoi se Rusia ka shkelur marrëveshjet e saj me aleancën, kështu që dispozita e kufizimit të vendosjes përpara të trupave është nul dhe e pavlefshme”, tha Tomas Valasek, kreu i delegacionit sllovak në AP të NATO-s.

Dokumenti përfshin gjithashtu kërkesat e Ukrainës për të rritur ndihmën ushtarake, zhvillimin e hapave specifikë në lidhje me pranimin e Ukrainës në NATO dhe krijimin e një mekanizmi për mbledhjen e dëmshpërblimeve nga Rusia për dëmet e shkaktuara nga agresioni i saj, sipas diplomatit ukrainas. Rezoluta do t’u dërgohet qeverive dhe parlamenteve të të gjitha vendeve anëtare të NATO-s.

Asambleja e Përgjithshme e Kombeve të Bashkuara më 14 nëntor miratoi një rezolutë duke thënë se Rusia duhet të mbahet përgjegjëse për shkeljet e ligjit ndërkombëtar gjatë luftës së saj në Ukrainë dhe duhet të paguajë dëmshpërblime të luftës. Sipas votimit, 94 vende e favorizuan masën, 14 vende, përfshirë Kinën dhe Iranin, votuan kundër, ndërsa rreth 73 vende abstenuan.

The post Miratohet rezoluta, NATO njeh Rusinë si “shtet terrorist”, thirrje për krijimin e një Gjykate Speciale appeared first on Albeu.com.

Kështu ka shkruar në Facebook shefi i Delegacionit të Përhershëm të Ukrainës në AP të NATO-s, deputeti i popullit nga fraksioni “Shërbëtori i Popullit” në Verkhovna Rada, Yegor Chernev, transmeton Ukrinform.

“Asambleja Parlamentare e NATO-s bëri thirrje për krijimin e një tribunali të posaçëm ndërkombëtar mbi agresionin e Rusisë dhe e njohu atë si një shtet terrorist”, tha Chernev.

Ai shtoi se rezoluta përkatëse do t’u dërgohet qeverive dhe parlamenteve të të gjitha vendeve anëtare të NATO-s dhe sipas tij, të 30 vendet e NATO-s mbështetën propozimet e delegacionit ukrainas.

Politikani tha se një gjykatë e tillë do të ofronte një mundësi për të sjellë para drejtësisë jo vetëm autorët e drejtpërdrejtë të krimeve të luftës, por edhe udhëheqjen e lartë të Federatës Ruse.

Përveç kësaj, ai tha se rezoluta përfshinte propozimet e delegacionit ukrainas, në veçanti, për të rritur furnizimin me armë në Ukrainë, për të zhvilluar hapa të caktuar në lidhje me pranimin e shtetit ukrainas në NATO, për të krijuar një mekanizëm për mbledhjen e reparacioneve nga Federata Ruse për dëmin e shkaktuar vendit.

Ai gjithashtu vuri në dukje se rezoluta, me iniciativën e palës ukrainase, parashikon që NATO do të mbështesë Ukrainën për aq kohë sa të duhet.

Siç raporton Ukrinform, më 13 tetor, Asambleja Parlamentare e Këshillit të Evropës miratoi një rezolutë që shpalli Federatën Ruse një regjim terrorist.

The post Asambleja Parlamentare e NATO-s njeh Rusinë si “shtet terrorist” appeared first on Albeu.com.

Gjithsej 99 nga 100 anëtarë të Asamblesë Parlamentare të Këshillit të Europës (PACE)  votuan në mbështetje të  rezolutës.

Vetëm një deputet turk nga Partia Popullore Republikane abstenoi.

“Përdorimi i vazhdueshëm i armëve me rreze të gjatë veprimi nga ushtria ruse për të goditur qytetet në të gjithë Ukrainën ka shkaktuar shkatërrim dhe viktima masive”, thuhet në rezolutë.

“Me këto sulme pa dallim, Rusia synon të avancojë politikën e saj terroriste për të shtypur vullnetin e ukrainasve për të rezistuar dhe mbrojtur vendin e tyre, duke shënjëstruar civilët.”

Rezoluta i bëri thirrje Rusisë që “të tërheqë plotësisht dhe pa kushte forcat e saj pushtuese”.

PACE është një organ parlamentar  i Këshillit të Europës, një organizatë ndërkombëtare e ndarë nga Bashkimi Europian.

Ajo përfshin vende si Turqia, Ukraina dhe Mbretëria e Bashkuar. PACE përbëhet nga parlamentarë kombëtarë nga vendet anëtare të saj.

The post Eurodeputetët bëjnë thirrje që Rusia të shpallet një regjim “terrorist” appeared first on Albeu.com.

“Forcat e armatosura të Federatës Ruse kanë kryer krime kundër civilëve të pafajshëm dhe janë përpjekur të mbulojnë mizoritë e tyre me varre masive në të gjithë Ukrainën”, thuhet në projektligjin e Senatit.

Një masë e ngjashme ka kaluar edhe në Dhomën e Përfaqësuesve, ku kryetarja Nancy Pelosi pritet të jetë një mbështetëse e fortë e miratimit të saj.

Megjithatë, kompetenca për të caktuar një shtet terrorist i takon Departamentit të Shtetit.

The post SHBA ashpërson politikat ndaj Moskës, senati kalon rezolutën: Rusia të shpallet shtet terrorist appeared first on Albeu.com.

Kjo, sipas Zelenskyt, ishte një tjetër aryse që komuniteti ndërkombëtar të ndëshkonte Moskën me sanksione më të forta: “Kjo ditë tregoi edhe një herë se Rusia duhet të njihet zyrtarisht si shtet terrorist. Asnjë shtet tjetër në botë nuk përbën një kërcënim të tillë terrorist sa Rusia. Asnjë shtet tjetër në botë nuk i lejon vetes të shkatërrojë qytete paqësore dhe jetët e njerëzve të thjeshtë me raketa “cruise” dhe zjarr artilerie”.

Tre raketat “cruise” të lëshuara nga nëndetëset ruse në Detin e Zi goditën një qytet larg frontit të luftës në Donbasin lindor, duke shkaktuar përveç 23 viktimave, edhe 100 të plagosur. Në shënjestër u vu një parking, një pallat 9-katësh dhe godina të tjera banimi. Mes viktimave është edhe një vajzë 3-vjeçare, karroca e të cilës u fotografua e braktisur në zonën e sulmuar. Sipas zyrës së prokurorit të përgjithshëm në Kiev, 352 të mitur janë vrarë që prej fillimit të luftës.

Sakaq, mëngjesin e së premtes, forcat ruse goditën dy universitet kryesore të qytetit të Mikolaivit, në Ukrainën jugore. Në një postim në Tëitter, shefi i administratës ushtarake rajonale tha se terroristët kishin sulmuar me 10 raketa.

Mes intensifikimit të bombardimeve ruse, Ambasada Amerikane në Kiev i bën thirrje shtetasve amerikanë në Ukrainë që të largohen menjëherë nga vendi, duke përdorur mjete të transportit tokësor.

The post Sulmet me raketa kundër civilëve, Zelensky: Rusia të shpallet shtet terrorist appeared first on Albeu.com.