Këtë e ka konfirmuar nëna e Stefanit, Zorica Stojanoviq, e cila ka folur për “telegraf.rs”. Ajo ka treguar se i biri ndihet më mirë dhe se po e merr terapinë e nevojshme.

“Ndihet mirë dhe po merr terapi, tani ishin edhe gazetarët dhe kryetari Dalibor. Aty ishin edhe disa persona të tjerë, por nuk ua di emrat. E kanë filluar terapinë, nuk e di kur do të na lënë nesër apo pasnesër, tani për tani është më mirë. Gjithçka e ka duruar heroikisht, kur vijnë kamerat emocionohet, është i vogël, por shpresoj që trauma të kalojë pas pak” ka thënë ajo për “telegraf.rs”.

The post “Duroi heroikisht”, flet nëna e 11-vjçearit të plagosur në Shtërpcë: Shpresoj që trauma të kalojë appeared first on Albeu.com.

Ministri i Mbrojtjes, Armend Mehaj ka thënë se rasti i tij do të trajtohet sipas rregulloreve dhe ligjeve që ka në fuqi Ministria e Mbrojtjes dhe Forcës së Sigurisë.

“Të dashur qytetarë, tani u njoftova se në rastin që ka ndodhur në Shtërpcë është përfshirë një pjesëtar i Forcës së Sigurisë së Kosovës. Me rastin janë duke u marrë organet e sigurisë dhe drejtësisë. I njëjti do ta trajtohet edhe sipas rregulloreve dhe ligjeve që kemi në fuqi në Ministrinë e Mbrojtjes dhe Forcës së Sigurisë”, tha Mehaj.

Mehaj ka shprehur keqardhjen e tij për atë që ndodhi në Shtërpcë dhe shtoi se raste të tilla janë të izoluara.

“Të plagosurve, u uroj shërim sa më të shpejtë. Raste si kjo janë të izoluara, por si të tilla nuk guxojnë të ndodhin. Ministria e Mbrojtës dhe Forca e Sigurisë së Kosovës mbeten të përkushtuar për t’i shërbyer qytetarëve tanë pa dallim”, tha ministri. /albeu.com

The post Sulmi me dy të plagosur në Shtërpcë, i përfshirë edhe një pjesëtar i FSK appeared first on Albeu.com.

Kurti ka dënuar ashpër sulmin dhe u ka uruar shërim të shpejtë të lënduarve. Ai ka theksuar se i dyshuari i arrestuar do të përballet me drejtësinë.

“E dënoj ashpër sulmin ndaj dy qytetarëve të Kosovës në Shtërpcë. Thellësisht i brengosur për plagosjen e tyre. Sipas informatave, të rinjtë 11 dhe 21 vjeçar janë jashtë rrezikut për jetë dhe ju dëshiroj shërim të shpejtë. Policia e Kosovës veçse ka arrestuar të dyshuarin i cili pa asnjë mëdyshje duhet dhe do të përballet me organet e drejtësisë”, ka thënë ai.

“Dua të siguroj të gjithë qytetarët se Policia e Kosovës është e angazhuar maksimalisht në kryerjen e detyrave të saj me qëllim të mbrojtjes së jetës dhe pronës së të gjithëve pa dallim”, shkruan më tej Kurti në një postim në Facebook.

The post Plagosja e dy personave në Shtërpcë, reagon Kurti: Autori do të përballet me drejtësinë appeared first on Albeu.com.

Sipas njoftimit të policisë, rreth orës 15:20 më 6 janar, ndaj dy personave, njëri rreth 11-vjeçar dhe tjetri rreth 31-vjeçar, është shtënë me armë zjarri nga të dyshuar, të cilët ishin me një automjet të udhëtarëve në lëvizje, që po qarkullonte nga Shtërpca në drejtim të Ferizajt. Sipas policisë, vetura më pas është larguar nga vendi i ngjarjes.

Lidhur me rastin Policia e Kosovës ka identifikuar e më pas kanë arrestuar të dyshuarin me inicialet A.K. i moshës 33-vjeçar. I dyshuari është shoqëruar në Policinë Rajonale të Ferizajt.

Policia e Kosovës, gjithashtu ka njoftuar se dy të lënduarit janë dërguar për ndihmë mjekësore në Qendrën e Mjekësisë Familjare në Shtërpcë dhe pas marrjes së ndihmës së parë, ata janë dërguar me ambulancë për tretman të mëtejmë mjekësor në Graçanicë.

Sipas informacioneve të policisë, të dy të plagosurit janë jashtë rrezikut për jetë. / REL

The post Plagosi dy persona në komunën e Shtërpcës, arrestohet autori i dyshuar appeared first on Albeu.com.