Shtëpitë e barit Archives - Albeu.com

“Janë të rrezikshëm”, alarm në 5 bashki të Spanjës, policia i qepet pas grupit shqiptar të “shtëpive të barit” (FOTO LAJM)

admin — Sat, 20 Aug 2022 19:35:11 +0000

Shqiptarët vijojnë të jenë në qendër të mediave ndërkombëtare, lidhur me përfshirjen në organizata kriminale dhe trafikim të lëndëve narkotike.

Garda Civile në Spanjë kreu disa ndërhyrje në provincat e Teruel dhe Tarragona dhe arrestoi vetëm tetë nga dymbëdhjet persona që kërkonin.

Sipas burimeve, grupi rezulton të jetë shqiptar.

Në fakt, ndonëse burimet zyrtare nuk i kanë saktësuar kësaj gazete pikat ku ndodheshin shtëpitë ku agjentët kanë ndërhyrë për të kapur në befasi anëtarët e grupit kriminal që kërkonin, e vërteta është se mesazhi alarmues ku thuhej se (4 shqiptarët janë të rrezikshëm) për qytetet është përhapur disa kilometra larg provincës së Teruelit.

Ndërkohë bashkitë kanë shpërndarë një njoftim alarmi, lidhur me rrezikshmërinë që paraqesin këto grupe kriminale.

“Këshilli i qytetit raporton se dje është kryer një operacion antidrogë nga Garda Civile në afërsi të Mas de las Matas, ku janë arrestuar 8 persona. Aktualisht janë në kërkim katër persona me origjinë shqiptare. I kërkohet të gjithë popullatës të marrë masa paraprake të sigurisë. Nëse kemi më shumë lajme do t’ju informojmë. Faleminderit për bashkëpunimin”, thuhet në një postim në rrjetet sociale të bashkisë në Mas de las Matas.

Ndërkohë vijojnë kërkimet për vënien pas hekurave të të gjithë anëtarëve të grupit.

The post “Janë të rrezikshëm”, alarm në 5 bashki të Spanjës, policia i qepet pas grupit shqiptar të “shtëpive të barit” (FOTO LAJM) appeared first on Albeu.com.

E kthyen banesën e policit në “shtëpi bari”, prangosen 3 shqiptarë në Belgjikë

admin — Tue, 02 Aug 2022 17:13:49 +0000

Tre shqiptarë dhe një polic belg kanë rënë në prangat e policisë belge.

Kjo pas një hetimi policor në Bruksel për trafikun e drogës.

Gjatë këtij aksioni policia ka zbuluar 100 plantacione kanabisi, tre prej të cilave u gjetën poshtë banesës së policit si edhe mijëra euro cash.

Ndërkohë sipas autoriteteve të zonës, polici në fjalë ishte i pezulluar.

Sakaq ndaj të arrestuarve është vënë një urdhër arresti nga gjyqtari hetues në kuadër të një hetimi për shitjen e lëndëve narkotike./albeu.com/

The post E kthyen banesën e policit në “shtëpi bari”, prangosen 3 shqiptarë në Belgjikë appeared first on Albeu.com.

Grabitja e bankës në Koplik, çfarë gjeti policia në shtëpinë e autorëve

admin — Sun, 05 Jun 2022 08:33:35 +0000

Drejtori i Drejtorisë Vendore të Policisë Shkodër Hamdi Fjora dhe prokurori i Prokurorisë pranë Gjykatës së Rrethit Gjyqësor Shkodër Gëzim Spahiu, konferencë për zbardhjen e grabitjes në filialin e një banke të nivelit të dytë, në Koplik, Shkodër.

Finalizohet operacioni policor i koduar “Syri i Sheganit”.

Zbardhet ngjarja e ndodhur më datë 09.05.2022, në Koplik, Malësi të Madhe. Gjithashtu zbulohet një banesë e përshtatur për kultivim të bimëve narkotike, me anë të llambave.

Vihen në pranga 9 shtetas, procedohen penalisht 3 shtetas dhe shpallet në kërkim 1 tjetër.

Sekuestrohen 31 kilogramë kanabis, pajisje që shërbejnë për kultivimin e bimëve narkotike me anë të llambave, si dhe prova të tjera materiale që i shërbejnë hetimit për dokumentimin me prova ligjore të grabitjes me armë dhe dhunë të filialit të bankës në Koplik të Malësisë së Madhe.

Gjatë kontrollit nga polumbarët e RENEA-s, deri tani është gjetur njëra nga armët e zjarrit që autorët kishin me vete gjatë kryerjes së grabitjes së vlerave monetare.

Përshëndetje,

Jemi sot këtu, së bashku me prokurorin e çështjes, për të komunikuar mbi rezultatet e arritura gjatë megaoperacionit policor të koduar “Syri i Sheganit”, gjatë të cilit u bë e mundur zbardhja dhe dokumentimi i grabitjes me armë e dhunë të filialit të një banke të nivelit të dytë në Koplik të Malësisë së Madhe, identifikimi, kapja dhe ndalimi i autorëve të dyshuar, si dhe u gjetën dhe u sekuestruan prova që i shërbejnë hetimit për dokumentimin e plotë ligjor të kësaj ngjarjeje. Në lidhje me këtë ngjarje u ndaluan 3 autorë të dyshuar.

Gjithashtu, gjatë këtij megaoperacioni është zbuluar një ambient i përshtatur për të kultivuar bimë narkotike nëpërmjet llambave, si dhe u sekuestruan 31 kilogramë kanabis, llamba e pajisje të tjera që shërbenin për kultivim të bimëve narkotike me anë të llambave. Për këtë janë arrestuar në flagrancë edhe 6 persona të tjerë, janë proceduar në gjendje të lirë 3 persona dhe është shpallur në kërkim 1 tjetër.

Në lidhje me ngjarjen e ndodhur më datë 09.05.2022, në Koplik, Malësi e Madhe, ku persona të paidentifikuar, nëpermjet kërcënimit me armë dhe dhunës, morën një sasi të konsiderueshme vlerash monetare, në një bankë, Drejtoria Vendore e Policisë Shkodër, në bashkëpunim të ngushtë me Prokurorinë e Rrethit Shkodër, organizoi punën për zbardhjen e kesaj ngjarjeje.

Pas një pune të mirorganizuar dhe ndjekjes me metoda proaktive, për një periudhë 4-javore, bazuar në informacionet e marra në rrugë operative nga strukturat policore vendore, si dhe në provat e grumbulluara nga hetimi, u bë e mundur zbardhja e kësaj ngjarjeje kriminale.

Bazuar mbi këto prova, Gjykata e Rrethit Gjyqësor Shkodër autorizoi kryerjen e kontrolleve në disa banesa dhe ambiente në të

cilat dyshohet se mund të fshiheshin autorët apo mund të përdoreshin prej tyre.

Në këtë kuadër, nga Drejtoria Vendore e Policisë Shkodër, nën drejtimin e prokurorit të çështjes, në bashkëpunim me Departamentin e Policisë Kriminale dhe Drejtorinë FLO, u organizua dhe u finalizua operacioni policor i koduar “Syri i Sheganit”.

Si rezultat u kapën dhe u ndaluan shtetasit:

Bekim Gurraj, 22 vjeç, Armir Shabaj, 25 vjeç dhe Admir Shabaj, 19 vjeç, banues në Aliaj, Malësi e Madhe.

Ndalimi i këtyre shtetasve u bë sepse në datën 09.05.2022, rreth orës 14:10, këta shtetas, në bashkëpunim me njëri – tjetrin, nën kërcënimin e armëve të zjarrit, kanë hyrë në degën e BKT-së, në Koplik, Malësi e Madhe dhe kanë marrë vlera të konsiderueshme monetare.

Nga veprimet hetimore të kryera është dokumentuar me prova ligjore se autorët e sipërpërmendur, për kryerjen e aktivitetit kriminal, kanë përdorur 2 armë zjarri dhe një automjet tip “Golf 3”, pa targa, të cilin pas realizimit të grabitjes, e kanë braktisur dhe e kanë djegur tek vendi i quajtur “Rrethrrotullimi i Bajzës”, Koplik.

Pas djegies së mjetit, nën kërcënimin e armëve, kanë ndaluar në rrugë automjetin me drejtues shtetasin T. L., të cilit ia kanë marrë me forcë automjetin dhe më pas janë larguar më shpejtësi në drejtim të fshatit Shegan, Njësia Administrative Kastrat, ku dhe e kanë braktisur këtë mjet.

Po nga hetimet rezultoi se këta shtetas, armët e zjarrit, pas ngjarjes, i kanë hedhur në ujë, në vendin e quajtur “Syri i Sheganit”, degëzim i liqenit të Shkodrës. Aktualisht është duke vijuar kontrolli nga polumbarët e RENEA-s, për të bërë të mundur gjetjen e tyre. Deri tani, polumbarët kanë bërë të mundur gjetjen e njërës prej armëve të zjarrit, konkretisht një armë zjarri kallashnikov.

Gjatë operacionit, nga kontrolli i banesave të shtetasve të lartpërmendur, u gjetën dhe u sekuestruan në cilësinë e provës materiale, konkretisht:

Në banesën e shtetasit Bekim Gurraj u gjetën dy radio marrëse-dhënëse si të Policisë, bluzë dhe kapele si të Policisë dhe disa veshje të përdorura nga ky person disa ditën para ngjarjes, kur ka studiuar ambientin e jashtëm të filialit, me qëllim realizimin e vjedhjes.

Po në vijim të operacionit për kontrollin në në banesat e autorizuara nga Gjykata, rezultoi se gjatë kontrollit të banesës së shtetasit Albin Shabaj, i cili ka lidhje shoqërore me autorët e dyshuar të grabitjes së bankës, u gjetën dhe u sekuestruan 9 kilogramë kanabis.

Për këtë u arrestuan në flagrancë vëllezërit Albin Shabaj dhe Altin Shabaj, si dhe babai i tyre, Ermir Shabaj, për veprën penale “Prodhimi dhe shitja e lëndëve narkotike”, kryer në bashkëpunim.

Ndërsa gjatë kontrollit të banesës së shtetasit Ramiz Nikdukaj, 64 vjeç, banues në Koplik, u zbulua një ambient i përshtatur për kultivim të bimëve narkotike nëpërmjet llambave. Në banesën e këtij shtetasi u gjetën dhe u sekuestruan rreth 22 kilogramë kanabis sativa, 455 bimë narkotike të kultivuara në ambientin me llamba, si dhe 245 bimë të tjera narkotike të kultivuara në oborrin përreth banesës së këtij shtetasi.

Shtetasi Ramiz Nikdukaj u arrestua në flagrancë, për veprat penale “Kultivmimi i bimëve narkotike” kryer në bashkëpunim dhe “Vjedhja e energjisë elektrike.”

U arrestuan në flagrancë edhe shtetasit A. L, 43 vjeç, banues në Cërrik, Elbasan, dhe B. K., 64 vjeç, banues në Cërrik, Elbasan, pasi u kapën në flagrancë duke punuar në ambientin në të cilin kultivoheshin bimët narkotike, me anë të llambave.

Gjithashtu u shpall në kërkim shtetasi Almir Nikdukaj (djali i Ramiz Nikdukaj), dhe u procedua në gjendje të lirë shtetasja E. N.(vajza e shtetasit Ramiz Nikdukaj).

Si dhe u proceduan në gjendje të lirë, për shpërdorim detyre, 2 elektricistë të zonës, shtetasit P. I. dhe G. B.

Dua të garantoj qytetarët e qarkut Shkodër se strukturat hetimore të DVP Shkodër, në bashkëpunim me Prokurorinë e Rrethit Gjyqësor Shkodër dhe me mbështetjen e Departametit të Policisë Kriminale në Policinë e Shtetit, po vijojnë hetimet intensive, me grupe të dedikuara hetimore të përbëra nga specialistët më të mirë që ka Policia e Shtetit, me qëllim grumbullimin e provave, për të bërë të mundur zbardhjen e ngjarjeve kriminale të ndodhura më parë, identifikimin, kapjen dhe arrestimin e autorëve.

Në këtë kuadër, ftojmë qytetarët që duan dhe që zbatojnë ligjin, të ndihmojnë strukturat e Policisë, duke dhënë çdo informacion të vlefshëm që do t’i shërbente zbardhjes së ngjarjeve kriminale. Policia e Shtetit ju garanton anonimat të plotë, reagim të menjëhershëm dhe profesional.

The post Grabitja e bankës në Koplik, çfarë gjeti policia në shtëpinë e autorëve appeared first on Albeu.com.

Sa “shtëpi bari” janë zbuluar përmes faturave të energjisë elektrike? Përgjigjet shefi i narkotikëve

admin — Wed, 11 May 2022 19:57:53 +0000

Pas pandemisë Covid-19, “shtëpitë e barit” po lulëzojnë në vendin tonë.

Një pjesë e poseduesve të këtyre shtëpive, bien në prangat e policisë, përmes faturave të energjisë elektrike.

Komentet i bëri shefi i narkotikëve në Policinë e Shtetit, Rezart Velmishi, i cili teksa ishte i ftuar në “Bardh a Zi” në Abc, ka folur për luftën e policisë ndaj grupeve kriminale të kultivimit dhe trafikimit të lëndëve narkotike.

I pyetur nga moderatorja Ornela Gaçe se sa raste të “shtëpive të barit” ka zbuluar policia përmes faturave të energjisë elektrike, Velmishi tha se në shumicën e rasteve janë qytetarët ata që kanë sinjalizuar fenomene të tilla.

Ndërkohë shtoi se policia ka një kategori të caktuar që i mban vazhdimisht nën vëzhgim.

Pjesë nga biseda:

Gaçe: Sa raste keni zbuluar nisur nga fatura e energjisë elektrike?

Velmishi: Nuk mund të diskutojmë në këtë mënyrë pasi nuk do presim që të rritet fatura. Indikatori kryesor është bashkëpunimi me qytetarët. Jo në pak raste qytetarët kanë sinjalizuar. Kemi një kategori të caktuar që ne i kemi monitoprim

Gaçe: Si i monitoroni?

Velimishi: Po në forma dhe metodat që ne përdorim.

The post Sa “shtëpi bari” janë zbuluar përmes faturave të energjisë elektrike? Përgjigjet shefi i narkotikëve appeared first on Albeu.com.

“Kam ndryshuar!” U kap me 358 mijë £ drogë në Angli, shqiptari lihet i lirë

admin — Sat, 30 Apr 2022 14:02:03 +0000

Shtetasi shqiptar Pjerin Prenga është kapur me “shtëpi bari” në Mbretërinë e Bashkuar.

Detektivët e dinin se Pjerin Prenga ishte i përfshirë në kultivim dhe trafikim droge për shkak se gjatë një goditje policore në vitin 2019 u gjet edhe pasaporta e tij. Në atë kohë u kap drogë me vlerë 358,000 £.

Megjithatë 31-vjeçari mësohet se së fundmi është liruar nga burgu për shkak se gjykata mori vesh se ai ishte nën presion nga trafikantët. Në vitin 2019 policia gjeti shtëpinë e barit me 427 bimë narkotike.

Mësohet se para gjykatës Pjerin Prenga ka thënë se e di që kishte bërë një veprim të gabuar dhe se i vinte keq. Sipas tij nuk kishte zgjidhje tjetër ndaj është detyruar të punojë si kultivues kanabisi. Mes të tjerash sipas mediave britanike, Prenga është shprehur se tashmë ai ka ndryshuar.

Prenga duhet të kryejë edhe 250 orë punë pa pagesë./albeu.com/

The post “Kam ndryshuar!” U kap me 358 mijë £ drogë në Angli, shqiptari lihet i lirë appeared first on Albeu.com.

EMRAT/ U kapën me “shtëpi bari” 400 mijë paundëshe, 2 shqiptarët dalin “pa lagur”

admin — Sat, 02 Apr 2022 15:05:41 +0000

Dy shqiptarë në Skoci, të akuzuar për një “shtëpi bari” me vlerë 400 mijë paund, janë lënë të lirë.

Sipas Gjykatës, u zbulua se dy shqiptarët ishin viktima të trafikimit të qenieve njerëzore.

Lajmin e bëjnë të ditur mediat e huaja, të cilat thonë se bëhet fjalë për dy shqiptarët Alfred Dimon dhe Julien Beqaj, të cilët policia i gjeti të mbyllur në një godinë ku ishin kultivuar 1 400 rrënjë kanabis.

Burrat, të dy nga Shqipëria, pretenduan se po mbaheshin kundër vullnetit të tyre dhe ishin detyruar të punonin si “kopshtarë”, për shkak të kërcënimeve.

Ata u arrestuan dhe kaluan 10 muaj në paraburgim. Dimo, 43 vjeç dhe Beqaj, 20 vjeç, u akuzuan për prodhimin e kanabisit në njësinë në Lanarkshire. Ata u liruan pasi u deklaruan të pafajshëm në Gjykatën e Sherifit të Airdrie të martën.

Burrat pretenduan se ishin të mbyllur brenda godinës. Policia e Skocisë tha se bimët e kanabisit të sekuestruara kishin një vlerë prej 284,000 deri në 424,000 £./albeu.com/

The post EMRAT/ U kapën me “shtëpi bari” 400 mijë paundëshe, 2 shqiptarët dalin “pa lagur” appeared first on Albeu.com.

Shtëpitë e barit kanë pushtuar vendin, Gledis Nano vizitë në Prokurorinë e Elbasanit

admin — Thu, 03 Mar 2022 10:31:07 +0000

Drejtori i Policisë së Shtetit Gledis Nano ka bërë një vizitë ditën e djeshme në Prokurorinë e Elbasanit. ABC mëson se Nano është takuar me drejtuesin e prokurorisë së Elbasanit Kreshnik Ajazi, ku temë diskutimi ka qenë hetimi për grupet kriminale në fushën e narkotikëve dhe çështjeve të tjera të krimit të organizuar. Ndërkohë një [...]