Henrik Hoxhaj zbulon raporton me Erjon Alibejn dhe kërkesën e Dumanit për të hedhur në erë me themel shtëpinë e Talo Çelës

E B — Mon, 23 May 2022 08:34:18 +0000

Në dëshminë e tij, i pënduari i drejtësisë Henrik Hoxha ka rrëfyer se nuk ka njohje me Erion Alibeajn, por vetëm dinte që ishte shumë mik me Nuredin Dumanin. Ai gjithashtu ka thënë se ky i fundit i ka kërkuar për rreth 20 mijë euro, të hedhë në erë shtëpinë e Talo Çelës.

Hoxhaj, në dëshminë e tij të siguruar nga Albeu.com, thotë se e ka marrë përsipër të vendosë tritolin në shtëpinë e Talo Çelës, ndërsa shton se bashjëpunëtor ka pasur Skerdi Tason dhe qëllimi ishte ta shembnin me themel shtëpinë.

Dëshima:

Pyetje: A keni njohje me shtetasin Erion Alibej nëse po si e njihni, po Nuredin Dumani a njihej me këtë shtetas a ke dijeni për këtë fakt?

Përgjigje: Nuk njihem me këtë shtetas dhe se kam takuar kurrë, Nuredin Dumani më ka treguar se e kishte shumë mik por asgjë më tepër se kaq dhe mua duke qenë se nuk më ka interesuar nuk e kam pyetur.

Në Elbasan unë kam kryer edhe një vepër tjetër konkrektisht në vitin 2020 koha e saktë nuk më kujtohet kam vendosur lëndë eksplozive në banesën e shtetasit Talo Cela. Nuredin Dumani më ka kërkuar që të vendosja lëndë eksplozive tek shtëpia e Talo Celës e Cila ndodhet në Bradashesh tek ura pa vajtur tek magazina e Dines. Për këtë gjë Nuredini më ka ofruar shumën 15-20 mijë euro nuk e kujtoj shumën e saktë për momentin. Unë e kam marrë përsipër ta kryeja dhe kam porositur një sasi lënde eksplozive mund të ketë qenë rreth 500 gram e përgatitur me kapsollë detonatore me fitil që ndizej me zjarri. Lëndën eksplozive ma ka përgatitur një person të cilin nuk e njoh me emër pasi nuk kam dashur të hyj në muhabet me të. Bombat e përgatitura kanë qenë dy pasi kemi dashur ta rrëzojmë shtëpinë nga themelet. Pasi kisha marrë bombat e përgatitura jam nisur nga Tirana me një automjet Hyundai të cilin e kisha marrë me qera dhe kam qenë në makine së bashku me shtetasin Skerdi Tasi. Në orët e para të mëngjesit kam arritur tek shtëpia e Talos e Cila ishte dy katëshe dhe ishte e braktisur. Unë kam qëndruar tek makina me pistoletë në dorë ndërsa Skerdi ka vendosur bombat njërën tek kollona e parë dhe tjetrën tek e dyta dhe u ka vënë flakën fitilit. Pasi Skerdi ndezi fitilin menjëherë jemi larguar me automjet drejt Tiranës dhe para se të hynim në tunel kam ndaluar mjetin pasi doja të dëgjoja shpërthimin. Pasi e kam dëgjuar shpërthimin jam nisur për Tiranë bashkë me Skerdin.

The post Henrik Hoxhaj zbulon raporton me Erjon Alibejn dhe kërkesën e Dumanit për të hedhur në erë me themel shtëpinë e Talo Çelës appeared first on Albeu.com.

Kush tentoi t’i hidhte në erë shtëpinë Talo Çelës, pas planit për të vrarë Florenc Çapjen

E B — Thu, 19 May 2022 18:20:09 +0000

Gazetarja e Top Channel, Anila Hoxha ka zbardhur tentativën për t’i hedhur në erë shtëpinë Talo Çelës, ngjarje e cila ndodhi në orët e para të mëngjesit të 5 nëntorit të vitit 2020.

Ishte shtetasi Elio Bitri, ai që i vuri Talo Çelës tritol në banesën në e tij, ku policia gjeti 2.8 kg lëndë plasë që nuk shpërtheu, e cila mund ta rrëzonte vilën 2-katëshe.

Tritoli shpërtheu në pjesën e jashtme të shtëpisë dhe pati dëme materiale. Banesa pësoi dëme materiale në katin e parë të saj, ku xhamat u bënë copë. Autori asokohe nuk u zbulua dot, pasi në zonën ku ndodhet shtëpia nuk ka banesa të tjera afër dhe as kamera të cilat mund të kenë filmuar ngjarjen. Shtëpia ndodhej 150 metra larg vendit ku u ekzekutua vëllai i Talos, Bujar Çela.

Mirëpo, e gjithë tentativa për t’i hedhur në erë Talo Çelës, erdhi pasi ky i fundit tentoi të vrite Florenc Çapjen, plan i cili mbeti në tentativë.

Njëherazi Talo Çela dyshohet se siguroi mjete për të vrare Sokol Sanxhaktarin, ashtu si edhe i kërkuari tjetër Florenc Çapja që bëri të njëjtin plan, por nuk e realizoi dot.

Dhe të gjitha këto, por edhe vrasje të tjera që Top Channel do t’i raportojë në vijim ndodhën në trekëndëshin Elbasan-Durrës-Tiranë.

Këtë të enjte SPAK zbërtheu fijet e krimit të organizuar në vend, e për këtë me 32 mandate arresti është vënë në kërkim të 32 personave mes të cilëve 18 gjenden nën pranga, kurse të tjerët vijojnë në arrati si Ervis Martini, Talo Çela, Suel Çela dhe Florenc Çapja./tch

The post Kush tentoi t’i hidhte në erë shtëpinë Talo Çelës, pas planit për të vrarë Florenc Çapjen appeared first on Albeu.com.

shtepia e talo celes Archives - Albeu.com

Henrik Hoxhaj zbulon raporton me Erjon Alibejn dhe kërkesën e Dumanit për të hedhur në erë me themel shtëpinë e Talo Çelës

Kush tentoi t’i hidhte në erë shtëpinë Talo Çelës, pas planit për të vrarë Florenc Çapjen