Magazina ishte e marrë me qira nga shtetasi J. Gj dhe furnizohej me energji elektrike në mënyrë të paligjshme.

kontrolli u sekuestruan 180 vazo të përdorura më parë për kultivim kanabisi, boçe dhe mbetje të dyshuara kanabisi, pompë uji, filtër ajri, tub për aspirim, 7 llamba elektrike, 7 ventilatorë, 16 paketa energjie elektrike, bllok siguresash dhe pajisje të tjera ndihmëse.

Si rezultat i veprimeve u arrestuan në flagrancë:

L. K., 54 vjeç dhe J. Gj., 31 vjeç, për “Kultivim të bimëve narkotike” në bashkëpunim,

S. D., 24 vjeç, për “Moskallëzim të krimit”,

R. B., 61 vjeç, për “Shpërdorim detyre” (punonjës i OSHEE-së).

Gjithashtu, është shpallur në kërkim D. K., 25 vjeç, djali i L. K., për “Kultivim të bimëve narkotike” në bashkëpunim. Hetimet kanë konstatuar se L. K. dhe djali i tij i kishin dhënë me qira ambientin J. Gj.-së, i cili e kishte përshtatur për kultivim narkotik. R. B. dyshohet se nuk raportoi lidhjen e paligjshme të energjisë elektrike, ndërsa S. D. kishte dijeni për aktivitetin kriminal dhe nuk e denoncoi.

Njoftimi:

Shijak/ Finalizohet operacioni policor i koduar “Përshtatja”, për goditjen e kultivimit të bimëve narkotike në ambiente të mbyllura.

Zbulohet në Shijak një ambient (magazinë) përshtatur për kultivimin e bimëve narkotike, me pajisje që furnizoheshin me lidhje të paligjshme të energjisë elektrike.

Vihen në pranga 4 shtetas të dyshuar të përfshirë në këtë veprimtari kriminale.(njëri prej tyre punonjës i OSHEE-së).

Shpallet në kërkim një nga autorët autor e dyshuar.

Në vijim të planit të masave për evidentimin dhe goditjen e kultivimit të bimëve narkotike në ambiente të hapura dhe të mbyllura, bazuar edhe në informacionet e siguruara në rrugë operative, shërbimet e Komisariatit të Policisë Shijak, në bashkëpunim me shërbimet e Drejtorisë Vendore të Policisë Durrës, kanë ushtruar kontrolle intensive në ambiente të mbyllura, me qëllim konstatimin dhe goditjen e rasteve të kultivimit të bimëve narkotike me anë të llambave.

Gjatë operacionit të koduar “Përshtatja”, shërbimet e Policisë kanë zbuluar një ambient (magazinë), të marrë me qira nga shtetasi J. Gj., në lagjen “Popullore”, Shijak, të cilin e kishin përshtatur për kultivimin e bimëve narkotike, me pajisje që furnizoheshin me lidhje të paligjshme të energjisë elektrike.

Nga kontrollet në këtë ambient u gjetën dhe u sekuestruan, në cilësinë e provës materiale, 180 vazo ku më parë ishin kultivuar bimë narkotike kanabis, por që ishin prerë para se të ndërhynte Policia, boçe dhe mbetje të dyshuara lënde narkotike kanabis, pompë uji, filtër ajrimi, tub për aspirim, 7 llamba elektrike, 7 ventilatorë, 16 paketa të energjisë elektrike, bllok siguresash dhe pajisje të tjera ndihmëse që shërbenin për kultivimin e bimëve narkotike.

Në vijim të veprimeve për rastin, u arrestuan në flagrancë 4 shtetas:

L. K., 54 vjeç, dhe J. Gj., 31 vjeç, pasi dyshohen për veprën penale “Kultivimi i bimëve narkotike”, kryer në bashkëpunim;

S. D., 24 vjeç, pasi dyshohet për veprën penale “Moskallëzimi i krimit”;
R. B., 61 vjeç, për veprën penale “Shpërdorimi i detyrës”.

Si dhe u shpall në kërkim shtetasi D. K., 25 vjeç,(djali i shtetasit L. K), i cili dyshohet për veprën penale “Kultivimi i bimëve narkotike”, kryer në bashkëpunim.

Nga veprimet hetimore dyshohet se shtetasi L. K., në bashkëpunim me djalin e tij, shtetasin D. K., i kishin dhënë me qira një ambient të mbyllur shtetasit J. Gj., të cilin, në bashkëpunim me njëri-tjetrin, e kishin përshtatur me qëllim kultivimin e bimëve narkotike.

Ndërsa shtetasi R. B. (punonjës i OSHEE-së) dyshohet se nuk ka raportuar lidhjen e paligjshme të energjisë elektrike në atë ambient.

Ndërkohë shtetasi S. D, dyshohet se kishte dijeni për këtë veprimtari kriminale që zhvillohej në atë ambient dhe nuk e ka kallëzuar.

Vijon puna për kapjen e 25-vjeçarit dhe dokumentimin e plotë të kësaj veprimtarie kriminale.

Materialet procedurale iu referuan Prokurorisë së Durrësit, për veprime të mëtejshme.

The post Zbulohet “shtëpia e barit” në Durrës/ Arrestohen 4 persona, një prej tyre punonjës i OSHEE, në kërkim një nga bashkëpunëtorët appeared first on Albeu.com.

Një 25-vjeçar shqiptar, Amarilt Elezi, ka rënë në prangat e policisë britanike.

Sipas burimeve nga mediat britanike, ai u kap në një fermë kanabisi në Bradford, ku kujdesej për lëndën narkotike e cila ishte vendosur në një shtëpi në Broadstone Way, Holme Wood, Bradford.

Në banesë u zbuluan 81 fidanë. Rritja e bimëve narkotike bëhej nëpërmjet pajisjeve që përfshinte llambat, ventilatorët dhe mbulesat plastike.

Në momentin kur u kap Elezi ishte në gjumë, në dhomën me lëndë narkotike.

I riu shqiptar i cili ishte marangoz, kishte hyrë ilegalisht në vend dhe fillimisht kishte punuar në kantier.

Ai kishte 5000 £ borxh ndaj trafikantëve të cilët e sollën në Bradford për të kujdesur bimët e kanabisit për të paguar paratë.

The post EMRI/ Ishte fshehur pas bimëve, 25-vjeçari shqiptar prangoset brenda “shtëpisë së barit” në Angli appeared first on Albeu.com.

Një ushtarak shqiptar i përzgjedhur për të qenë pjesë e një misioni bashkëpunimi me ushtrinë e Holandës, në kuadër të NATO-s, është arrestuar nën dyshim si i përfshirë në aktivitet kriminal.

Top Channel, duke iu referuar policisë së Holandës, raporton se është vënë nën hetim Majori Ermal Dinoshi me detyrë specialist stërvitje.

Pas arrestimit ushtaraku shqiptarë, është duke u hetuar në gjendje të lirë nën dyshimin e përshtatjes së një shtëpie, për rritje kanabisi.

Policia e Holandës deklaron se Dinoshi dyshohet se në bashkëpunim me persona të tjerë, ngritën një shtëpi për rritje kanabisi në qytetin Brunsum.

The post Dyshohet se zotëronte një shtëpi bari, Holanda arreston majorin e ushtrisë shqiptare appeared first on Albeu.com.

Me anë të një operacioni të koduar “First”, policia ka arritur të sekuestrojë lëndën narkotike dhe ka shpallur në këkim autorët.

Lajmi u bë i ditur nga vetë policia përmes një njoftimi.

Njoftimi i Policisë:

Kontrolle intensive për parandalimin dhe goditjen e veprimtarisë kriminale në fushën e kultivimit të bimëve narkotike në terren të hapur dhe në terren të mbyllur, me anë të llambave.

Finalizohet operacioni policor i koduar “First”, i zhvilluar nga Drejtoria Vendore e Policisë Kukës, në bashkëpunim me Komisariatin e Policisë Kukës.

Zbulohet në një banesë, një ambient i përshtatur për kultivimin e kanabisit, me anë të llambave.

Shpallen në kërkim pronari i banesës dhe bashkëpunëtori i tij, të cilët kishin përshtatur banesën për të kultivuar bimë narkoitke me anë të llambave.

Në vijim të punës për parandalimin, evidentimin dhe goditjen e veprimtarisë kriminale në fushën e narkotikëve, shërbimet e Drejtorisë Vendore të Policisë Kukës, në bashkëpunim me Komisariatin e Policisë Kukës,  bazuar në informacionet e marra në rrugë operative, se në lagjen nr. 3, në qytetin e Kukësit, një shtetas kishte përshtatur banesën për kultivimin e bimëve narkotike cannabis sativa, në kushte laboratorike, organizuan dhe finalizuan operacionin policor të koduar “First” .

Në kuadër të këtij operacioni u bë i mundur lokalizimi dhe ndërhyrja në banesën e dyshuar, ku gjatë kontrollit u evidentua se njëra prej dhomave ishte përshtatur për të kultivuar bimë narkotike, me llamba. Shërbimet e Policisë gjetën dhe sekuestruan 934 fidanë të dyshuar narkotikë kanabis, të kultivuar në gota plastike, llamba elektrike, aspiratorë dhe aksesorë të tjerë që shërbejnë për ngrohje.

Në momentin e ndërhyrjes, shërbimet e Policisë nuk kanë konstatuar njeri në banesë. Në vijim të veprimeve u bë shpallja në kërkim për veprën penale “Kultivimi i bimëve narkotike” kryer në bashkëpunim, e pronarit të banesës, shtetasit K. H., 51 vjeç, dhe e bashkëpunëtorit të tij, shtetasit H. S., 28 vjeç, të dy banues në Kukës.

Vijon puna për kapjen e shtetasve K. H. dhe H. S., identifikimin dhe kapjen e personave të tjerë të dyshuar të përfshirë në këtë veprimtari kriminale.

Materialet procedurale iu referuan Prokurorisë pranë Gjykatës së Shkallës së Parë Kukës, për veprën penale “Kultivimi i bimëve narkotike” kryer në bashkëpunim./albeu.com/

The post “First” zbulon “shtëpinë e barit” në Kukës, si ishin përshtatur llampat dhe gotat plastike për t’i shërbyer 934 bimëve (VIDEO) appeared first on Albeu.com.

Ai është qëlluar në këmbë nga një bandë rivale që kishte shkuar për të vjedhur sasinë e drogës që gjendej atje.

Shqiptari, Anduel Dorti, kujdesej për 340 bimë kanabisi, me një vlerë prej 250 mijë eurosh. Gjykatësi që është marrë me këtë çështje ka sqaruar se:

“Po pyesni se përse ka marrë plagë në këmbë? E thjeshtë. Një grup rival ka shkuar në shtëpinë ku Dorti kujdesej për bimët narkotike dhe kanë tentuar t’ia marrin. Por në këtë moment, ai është përplasur fizikisht me anëtarët e bandës. Njëri prej rivalëve më pas, ka nxjerrë armën dhe ka qëlluar në këmbë shqiptarin”.

Dorti është mjekuar fillimisht në Spitalin e Sheffield, duke mos treguar asnjë detaj për policinë. Ai më vonë u deklarua fajtor dhe ndaj tij nuk rezultonte asnjë precedent i mëparshëm.

“Ai kujdesej për bimët, jetonte në atë ambient, por nuk kishte lidhje me shpërndarjen e drogës. Ai erdhi në këtë Britani për të punuar në ndërtim, të fitonte para dhe t’i dërgonte në Shqipëri”, tha më tej gjyqtarja.

The post Shkoi të punonte në ndërtim, por përfundoi në shtëpi bari i plagosur! Historia “si në filma” e shqiptarit në Angli appeared first on Albeu.com.

“Shtëpia e Barit” kishte një vlerë prej 1,3 milion paund, sipas vlerësimeve të autoriteteve atje.

Të arrestuarit janë shqiptarë, Renald Dema, 21 vjeç, Ali Hoxha, 29 vjeç dhe Juljan Jaku, 29 vjeç.

Grupi kriminal operonte në Leicester dhe ndërkohë po hetohet për zbulimin e të gjithë personave të përfshirë në organizatë.

Ishte një kompani e specializuar në trajnimin e qenve që nuhasin drogën, e cila kishte telefonuar policinë.

‘Daily Mail’ raporton se qentë shkonin vazhdimisht në një mur aty ku bënin sjellje të çuditshme.

Policia arriti menjëherë në vendin e ngjarjes pas telefonatës dhe zbuloi “shtëpinë e barit” të mbushur me kanabis, i cili nëse do të dilte në treg do të kapte një shifër prej 1,3 milionë paund.

“Ky ishte një zbulim mjaft i rëndësishëm, pasi jo vetëm çoi në arrestimin e 3 personave, por ndaloi që kjo sasi e madhe droge të hidhej në treg”, tha Ross Dimmock, inspektor i zonës./albeu.com/

The post EMRAT/ Zbulohet “shtëpia e barit” me vlerë 1,3 milionë paund, 3 shqiptarë në pranga (FOTO LAJM) appeared first on Albeu.com.

Sipas mediave britanike bëhet fjalë për 35-vjeçarin shqiptar Ermal Qose i cili mbeti i bllokuar brenda godinës ku kultivohej droga teksa ishte përfshirë nga flakët.

Ngjarja e rëndë ndodhi natën e ndërrimit të viteve në Clapton të Londrës Lindore. Shqiptari raportohet se u gjet me shenja jete dhe u dërgua në spital por ndërroi jetë pas dy ditësh për shkak djegieve të rënda që kishte pësuar.

Lidhur me këtë ngjarje, atë natë, u arrestua një 33-vjeçar të cilën policia e akuzon për kultivim kanabisi por ai u lirua dhe po hetohet në gjendje të lirë./albeu.com/

The post EMRI/ Kush është shqiptari që u dogj brenda “shtëpisë së barit” natën e Vitit të Ri në Angli appeared first on Albeu.com.