Autoritetet britanike ranë në gjurmët e dy të rinjve pasi pronari i banesës kishte shkuar për të ndërruar bravat, dhe ishte përballur me “tmerrin” aty brenda.

Në momentin që britaniku ka hapur derën, ka gjetur brenda dhe dy shqiptarët, Desar Xhakolli 28 vjeç dhe Astrit Baja 26 vjeç, të cilët ishin duke u kujdesur për 73 bimët e kanabisit  që e kishin mbjellur që më 14 nëntor.

Sipas mediave britanike, bimët kishin një rendiment të mundshëm prej 55 g kanabis të korrur për secilën bimë, duke bërë një total të mundshëm prej 4.02 kg. Policia gjeti gjithashtu dy kuti të mëdha kartoni që përmbanin një 8.91 kg kanabis.

Policia gjithashtu sekuestroi 580 paund nga dy të rinjtë shqiptarë, të cilët nuk rezultuan me precedent të mëparshëm penal.

Gjykata ka denuar të dy me nga një vit burg./albeu.com

The post EMRAT/ Shtëpi bari me vlerë 100 mijë paund, arrestohen dy të rinj shqiptarë në Britani appeared first on Albeu.com.