Në rrethin e Kukësit natyra ofron një sërë monumentesh, të cilat të impresionojnë jo vetëm më madhështinë e tyre dhe vlerat shkencore, por dhe me pasurinë e bjeshkëve të pasura me vlera kurative.

Për të apasionuarit ndaj natyrës, Kukësi ofron destinacione të shumta për t’u vizituar, por bjeshkët, Liqeni i Kallabakut dhe Shtegu i Ngjyrave, mbeten gjithmonë më të preferuarit nga turistët.

Janë rreth 13 kilometra, pjesë e kullotave alpine ndër më të mëdhatë në Evropën Juglindore, që të ofrojnë pamje të magjishme mes livadheve të gjelbra dhe luleve shumëngjyrëshe.

Ky shteg, nis nga Novoseja apo Shishtaveci drejt fshatit Grykë Çajë dhe kalon përgjatë kufirit të tre shteteve, Kosovë, Shqipëri dhe Maqedoni e Veriut.

Përgjatë shtegut mund të ngjitesh në Malin e Kallabakut 217 4m mbi nivelin e detit dhe mund të shohësh Malet e Sharrit që shtrihen që nga Kosova deri në Maqedoninë e Veriut.

Pjesa më e bukur e shtegut, e cila është dhe pjesë e High Scardus Trail, është pjesa nga Maja e Kallabakut deri në fshatin Grykë Çajë, një prej destinacioneve të preferuara turistike në Kukës.

The post Rama ndan pamje mes natyrës fantastike në Shtegun e Ngjyrave në Kukës (VIDEO) appeared first on Albeu.com.

Kreu i qeverisë shkroi se Kukësi është një nga destinacionet e preferuara të turistëve që vizitojnë Shqipërinë.

Postimi:

“MIRËMËNGJES
dhe me këto pamje të Shtegut të Ngjyrave që i prijnë udhën lëndinave të mëdha alpine shqiptare që qershori i vesh me gjithfarë lulesh e që e kanë futur Kukësin në destinacionet e preferuara të turistëve që vizitojnë Shqipërinë, ju uroj një ditë të mbarë”, shkruan Rama.

The post Rama publikon pamje nga Shtegu i Ngjyrave: Kukësi, një nga destinacionet e preferuara të turistëve që vizitojnë Shqipërinë appeared first on Albeu.com.