Vajza, e cila ishte 19 vjeç shpjegoi se nuk kishte simptoma të të qenit shtatzënë dhe vazhdoi të kishte perioda të rregullta, por u trondit kur nëna e saj pa kokën e foshnjës nën fundin e uniformës së shkollës.

Nëna, e njohur si Alexis në TikTok, ndau historinë e saj në internet në një video që është ka marrë mbi 2.3 milionë shikime  dhe shpjegoi se ajo përjetoi një shtatzëni të fshehtë kur ishte 15 vjeç.

Një shtatzëni e fshehtë është kur metodat e testimit mjekësor nuk arrijnë ta zbulojnë atë dhe simptomat e zakonshme si të vjellat, periodat dhe barku i madh nuk ndodhin, shkruan The Sun.

Ditën e lindjes, Alexis zbuloi se kishte pasur gjithë natën dhimbje dhe disa orë më vonë ajo solli në jetë foshnjën.

Në një tjetër video, Alexis ka shpjeguar se ka lindur në dyshemenë e dhomës së ndenjes.

“Përfundova duke lindur fëmijën tim në dyshemenë e dhomës së ndenjes pa e ditur se isha shtatzënë”, tha Alexis.

“Kisha perioda të rregullta dhe pa simptoma, barku im nuk u rrit. U zbulua se kalova një shtatzëni të fshehtë.”

Reagimet e njerëzve në videon e saj ishin të shumta. Disa nuk e besonin, ndërsa të tjerë konfirmonin se e njëjta gjë i kishte ndodhur edhe të afërmve të tyre./abcnews.al

The post “Nuk e dija se isha shtatzënë”, historia tronditëse e 19-vjeçares: Pashë kokën e foshnjës nën fundin tim të uniformës appeared first on Albeu.com.

Një trend i ri që ka nisur në Tik-Tok ka hedhur dritë mbi disa histori të tmerrshme abuzimi seksual brenda ushtrisë së SHBA-ve.

Një numër ushtaresh femra kanë rrëfyer historitë e tyre të përdhunimeve me cilat janë përballur në ushtri nga anëtarë meshkuj gjatë shërbimit, teksa zbuluan se abuzimet i çuan në shtatzëni të padëshiruara që i shtynë ato drejt abortit. Shumë gra kanë folur për zgjedhjen e tyre për të bërë abort pasi u sulmuan seksualisht gjatë kohës që ishin në ushtri. Trendi nisi pasi Gjykata e Lartë e SHBA-ve bëri një përpjekje për të hequr ligjin që legalizon abortin.

Një veterane tha se ajo u sulmua seksualisht nga tre anëtarë të shërbimit, një tjetër pretendoi se ajo ishte përdhunuar nga mbikëqyrësi i saj dhe ishte ‘ngacmuar nga shokët e saj ushtarë’. Ndërsa një tjetër pretendoi se ajo ishte detyruar të bënte seks me një shokun e saj ushtar ndërsa ishte në krye të detyrës.

Gruaja e parë, e cila përdor emrin @ dv.bot në Tik Tok, ndau përvojën e saj në një video e cila tani është bërë virale – duke fituar më shumë se 850,000 shikime brenda pak ditësh.

“Vitin tim të parë në ushtri, në moshën 20 vjeçare, u sulmova seksualisht nga tre pjesëtarë të shërbimit. Mbeta shtatzënë. Doja ta mbaja fëmijën, por nuk doja një fëmijë nga një sulm seksual”- tregon ajo.

Ajo tha se eprorët e saj “nuk bënë asgjë” përveçse i zhvendosën tre anëtarët e shërbimit në një njësi tjetër, por ajo ishte ende e detyruar t’i shihte ata çdo ditë.

“Kam kërkuar ndihmë dhe u injorova”, tha ushtarja.

The post Gratë rrëfejnë historitë e tmerrshme të abuzimit në ushtri: Mbeta shtatzënë! appeared first on Albeu.com.