Gjithçka ndodhi pak pas orës 21:00 të së premtes, 29 shtator, kur gruaja shkoi në një dyqan mishi për të pastruar së bashku me vajzn e saj 18-vjeçare.

Teksa 18-vjeçarja po pastronte hyrjen e dyqanit, dëgjoi britma nga kuzhina dhe vrapoi për të parë se çfarë po ndodhte.

Pastaj, ajo pa nënën e saj të kapur nga flokët në prerësin e mishit dhe të copëtuar. Vajza doli në rrugë, filloi të thërriste për ndihmë dhe Zjarrfikësja nxitoi në dyqan për ta shpëtuar.

Sipas informacioneve, 50-vjeçarja punonte prej një muaji të dyqani dhe shkonte nga e hëna në të premte.

Në të njëjtën kohë, sipas babait të kasapit, makina ka një çelës sigurie dhe funksionon vetëm dy herë në javë.

“Ka një çelës sigurie, ka një të përgjithshëm. Ne gjithmonë sigurohemi që çelësi i sigurisë të jetë i ulur për të gjithë makinat. Siguria ishte ulur, por vajza e ka kthyer atë nga ana tjetër. Mesa duket ka shtypur butonin dhe ndodhi ajo që ndodhi.”, tha babai i pronarit për mediat greke.

Gruaja prej dy vitesh jetonte në Mesolongji me dy fëmijët e saj, vajzën 18-vjeçare dhe djalin 10-vjeçar, kur erdhi nga Shqipëria, pas ndarjes me bashkëshortin. Sipas informacioneve, ajo jetonte në shtëpi edhe me nënën e saj. Trupi i gruas fatkeqe u dërgua në Patra për autopsi, ndërsa varrimi pritet të bëhet në ditët në vijim në Evinochori.

The post 50-vjeçarja shqiptare vdiq tragjikisht në dyqanin e mishit, flet babai i kasapit: Ka një çelës sigurie appeared first on Albeu.com.

Një shqiptare që jeton dhe punon prej vitesh Suedi, ka pohuar në emision nëpërmjet një telefonate se ka parë Artemisën në qytetin e Goteborgut në Suedi.

Dëshmia në fjalë për 22-vjeçaren ka ngritur alarmin te autoritetet greke dhe ka shkaktuar mobilizimin e menjëhershëm të policisë lokale, Interpolit dhe Autoriteteve Konsullore, ndërsa është vënë në dijeni edhe avokati i familjes, Anastasios Dougas.

Pa humbur, avokati së bashku me Arin, vëllanë e Artemisës, udhëtoi për në Suedi për të takuar dëshmitaren dhe për të kërkuar ndihmën e policisë dhe autoriteteve konsullore atje.

Zhdukja e Artemisës

Artemis Vasili u zhduk më datë 15 tetor 2020 në Koropi, teksa familjes i kishte thënë se po shkonte për të dhënë një intervistë pune, por nuk u kthye më.
Mediat greke citojnë disa dëshmitarë që janë shprehur se e kanë parë vajzën shqiptare në një gjendje të keqe psikologjike. Vajza është parë duke qarë e vetme në një rrugë kryesore të Athinës.

Tre janë dëshmitë. Konkretisht pak pas zhdukjes, një grua tha se e pa vajzën 19-vjeçare në një gjendje shoku dhe duke qarë e vetme në rrugë. Gruaja iu afrua vajzës dhe u përpoq ta ndihmonte ndërsa Artemis u largua.
Një tjetër dëshmitar deklaroi se duke zbritur në stacionin e autobusit e pa 19-vjeçaren të trembur dhe duke ikur me nxitim. Gjithashtu një informacion tjetër erdhi se vajzës i kishte rënë të fikët në rrugë, por sapo ishin afruar njerëzit ishte shprehur se ishte mirë dhe ishte larguar.
Për herë të fundit vajzën me origjinë shqiptare e kapën kamerat duke shkuar në një stacion autobusi, ndërsa më pas janë vetëm dëshmitë e qytetarëve.

The post “Ishte Artemisa”, dritë jeshile për zhdukjen e shqiptares në Greqi, dëshmia e re zhvendos kërkimet në Suedi appeared first on Albeu.com.

14-vjeçarja nga Shqipëria, e cila u zhduk nga Kos u paraqit me partnerin saj 20-vjeçar në Departamentin e Sigurisë së ishullit. Familja e saj ishte në kërkim të të miturës dhe që prej 11 shtatorit ajo ishte shpallur e zhdukur.

Sipas mediave vendase, e mitura dhe partneri i saj 20-vjeçar, gjithashtu shtetas shqiptar, kanë vendosur të kthehen në shtëpi pas disa ditësh mungesë dhe i kanë dhënë fund ankthit të të afërmve dhe miqve të tyre që i kërkonin.

Zhdukja e 14-vjeçares është denoncuar nga babai i saj më 11 shtator 2022. Në veçanti, ai ka raportuar se e ka parë për herë të fundit të bijën të premten e 9 shtatorit 2022 në orën 07:00 kur ka dalë nga shtëpia për të shkuar në punë.

Në orën 08:30 ai e ka kontaktuar në celular dhe ajo i ka thënë se do të shkonte në det me shoqet e saj. Ai e telefonoi sërish në orën 15:30 në celularin e një shoqeje që e dinte se po shoqëroheshin dhe i tha të kthehej në shtëpi. Që atëherë ai nuk ka mundur të kontaktojë më me të.

Më datë 11.09.2022, pasdite, një 49-vjeçar shqiptar ka shkuar në Departamentin e Sigurisë së Kos dhe ka deklaruar se djali i tij 20-vjeçar ndodhet me vajzën 14-vjeçare në një vend të panjohur. Në veçanti, ai ka bërë me dije se më 10 shtator 2022, djali i tij i ka thënë se është me të miturën, se ajo është në gjendje të mirë shëndetësore dhe se nuk dëshiron të kthehet në shtëpinë e saj. Që atëherë ajo nuk ka kontaktuar me të.

Sipas dimokratiki.gr, nga hetimet rezultoi se 20-vjeçari ka udhëtuar në orën 19:50 të datës 9 shtator 2022 nga Kos në drejtim të Pireut në orën 09:40 të datës 10 shtator 2022 me linjë linjë.

The post Përfundon “aventura” e 14-vjeçares shqiptare në Greqi, pas 11 ditësh e denoncuar si e zhdukur kthehet në shtëpi appeared first on Albeu.com.

Mediat greke kanë publikuar dëshminë e tij, i cili është shprehur se në fund të vitit 2016 është njohur me shqiptaren e cila në atë periudhë kishte humbur kujdestarinë e vajzës së saj 13 vjeçare.

“Fatkeqësisht, Klodiana është shtruar në spital në mënyrë të pavullnetshme të paktën dy herë. Unë i kam qëndruar shumë pranë gjatë periudhës së trajtimit, pas kërkesës që babai i vajzës së saj kishte paraqitur për kujdestarinë e fëmijës. Që atëherë gjendja e saj psikologjike u rëndua më shumë, madje  është kthyer kundër dhe në mënyrë impulsive dhe ndaj meje e njerëzve të tjerë”, ka thënë ai.

Ndër të tjera ai është shprehur se kush i thoshte diçka kundër e pësonte dhe hidhej në gjyq.

“Ajo hodhi në gjyq gjithë botën, policinë, babain e vajzës, gruan e tij, mua, nënën, motrën, të gjithë. Ajo mendoi se ne të gjithë kemi punuar së bashku për të ngrënë pronën e saj. Ajo kishte një sjellje që kalonte çdo kufi”, është shprehur ndër të tjera ai.

Sipas ish-partnerit të Klodianës, vendimi përfundimtar i gjykatës ku ajo humbi plotësisht kujdestarinë e fëmijës, ishte goditja më e madhe që ajo pësoi.

“Mendoj se situata mund të ishte parandaluar dhe nuk mund të arrinim në këtë rezultat tragjik, duhej që të ishte shtruar në spital apo të merrte ndonjë trajtim tjetër.  Edhe unë kam qenë viktimë e sjelljeve të dhunshme të saj dhe më kanë trazuar shumë gjëra, si në familje ashtu edhe në marrëdhëniet e mia ndërpersonale”, thotë ndër të tjera ai./abcnews.al/

The post “Ajo na shihte si armiq, paditi të gjithë personat që i kishte pranë”, flet ish-partneri i shqiptares në Greqi appeared first on Albeu.com.

Bashkëshortja e mjekut grek Jorgo Neos, tha se ndodhej në Zvicër në momentin kur ndodhi ngjarja. Duke folur për gazetarët në Chalandri ajo ka theksuar se ajo dhe i shoqi i trembeshin kësaj situate.

“Ajo grua është një psikopatë. Ishte shumë e rrezikshme. Gjykata kishte aq shumë prova ndaj saj por nuk na mbështetën. Ajo nuk lejohej të kishte kontakt me fëmijën e saj. Burri im ka kryer dy operacione deri më tani dhe është në gjendje kritike për jetën”, tha ajo në gjendje mjaft të tronditur.

49-vjeçarja shqiptare besonte te karta “Tarot”, pasi në momentin e arrestimit në makinën e saj, përveç tre thikave u gjetën karta “Tarot” dhe një broshurë e vogël me titull “Sekretet e autorit. Broshura kishte shënime të shkruara me dorë. Në faqen e saj të parë shkruhej “Arti i hamendjes së tarotit zbulon Arkanën e Madhe me hapjen e kryqit tradicional. Merrni përgjigjet që kërkoni në dashuri, karrierë dhe financa”.

Policia tashmë është në kërkim të personit që i dha 49-vjeçares shqiptare armën me të cilët ajo qëlloi ish-partnerin grek, 68-vjeçar me profesion okulist. Shqiptarja duket se ishte e fiksuar me të dhe të shoqen angleze. Ajo kishte shpërndarë në rrjetin e saj social Facebook bisedat personale që shkëmbente me mjekun në lidhje me kujdesin e vajzës së tyre 13-vjeçare.

Çela pretendon se ka rënë viktimë e abuzimit nga çifti, të cilët kishin edhe kujdestarinë e vajzës që ajo kishte pasur nga lidhja e shkurtër me mjekun grek. Ajo nuk e pranoi asnjëherë vendimin e drejtësisë për të voglën e tyre në favor të babait të saj. 13-vjeçarja po monitorohet nga psikologët, pasi pa gjithë ngjarjen e rëndë dhe ishte pranë të atit në ato momente kritike./albeu.com/

The post Shqiptarja i plagosi burrin, flet gruaja e grekut: Kemi jetuar me frikë prej saj! Misteri i kartave “Tarot” appeared first on Albeu.com.

Autorja u afrua pranë tyre, në momentin që mjeku grek së bashku me vajzën e tij dolën nga makina, nxori armën dhe qëlloi të paktën 5 herë ndaj ish partnerit grek duke e plagosur në gjoks dhe bark.

Më pas ajo bëri një tentativë të dështuar të merrte me vete vajzën e saj, por nuk ia arriti qëllimit, pasi kjo e fundit nisi të qajë pranë trupit të të atit të shtrirë përtokë dhe nuk pranoi të shkonte me të ëmën.

Gjatë kontrollit policia gjeti në makinën e Çelës dy thika, dy telefona celularë dhe disa letra tarot. Gjatë dëshmisë së saj shqiptarja i tha policisë se nuk e kishte armën me vete por u sulmua nga 68 vjeçari.

Ajo deklaroi se pasi i mori armën 68-vjeçarit arriti ta qëllonte. Mirëpo e bija e ka hedhur poshtë këtë variant duke deklaruar: “Mami e nxori armën nga çanta dhe qëlloi në drejtim të babit”, është shprehur ajo.

13-vjeçarja u dërgua në departamentin e të miturve në GADA për t’u asistuar nga psikologët. Ajo u tha atyre se donte të qëndronte me të atin pasi ai ishte kujdesur gjithmonë për të. Policia e pyeti 49-vjeçaren në lidhje me vendbanimin e saj. Ajo tha se flinte në makinë dhe shpesh herë qëndronte në hotele./albeu.com/

The post “Mami e nxorri armën nga çanta”, vajza e shqiptares që plagosi ish-partnerin grek sjell “të gjallë” skënën e ngjarjes appeared first on Albeu.com.