Intervista me Oleksi Cimbaluk:

Oleksi, ju keni luftuar në Luhansk dhe Donjetck që në fillim, çfarë patë atje, si ishte atje?

Ne arritëm në kohën e çlirimit të Sllovjanskut, kur filloi e gjitha dhe kur e gjithë faza e nxehtë filloi tashmë. Në kohën që arritëm, ne ishim tashmë në luftime. Unë jam rreshter artilerie, kështu që detyrat kryesore të brigadës u përmbushën nga artileria. Ne kishim luftime me separatistët por edhe me fuqitë ruse, ushtrinë e rregullt ruse.

Po thoni që ushtria e rregullt ruse ishte atje në Luhansk dhe Donjeck?

Si ekspert ushtarak është 100 përqind, si qytetar i Ukrainës kjo është 99 përqind. Edhe kur rusët iu dhanë separatistëve gjithë armatimet dhe deri në gusht 2014, kishte luftime të ndryshme, ishin separatistët dhe nga mesi i gushtit ishin lloje të tjera luftimesh dhe ne kuptuam që po përballeshim me ushtrinë ruse. Edhe kur kontrollonim fushat e luftës, ne zbulonin tiketat ushtarake dhe ato të linjës së detyrës së divizionit rus.

Dhe e fundit, duket se një sulm masiv mund të vijë nga federate ruse. A do të shkoni të luftoni përsëri?

Sigurisht, në rast se rusët do të pushtojnë, unë e di tashmë vendin ekzakt ku do të jem, dhe në rast të njoftimit për mobilizim, për 24 orë, unë do të jem në vendin e shërbimit.

A është e vërtetë që Ukraina mund të mbledhë rreth 2 milion ushtarë me përvojë ushtarake që mund të luftojnë?

Nuk ka nevojë të mbledhësh një ushtri të tillë të madhe me dy milionë njerëz sepse aktuliasht në Ukrainë ne kemi më shumë se gjysmë milioni njerëz me përvojë të vërtetë ushtarake. Sipas dokumenteve të doktrinës ushtarake të ushtrisë së federatës ruse, ushtrisë ruse do t’i duhet të ketë tre herë më shumë njerëz për një operacion të suksesshëm. Kështu që gjysmë milioni njerëz me përvojë të vërtetë ushtarake do të jenë mjaftueshëm për vendin në mënyrë që civilët në territorin ukrainas të mos kenë problem.

Kështu, mendoni se ata nuk do ta pushtojnë Ukrainën?

Nuk mund të komentoj vendimet dhe veprimet e njeriut të çmendur që po përpiqet të…

Ju mendoni që Putin është i çmendur?

Putini, Napoleoni, Hitleri… Nuk ka ndryshim midis këtyre njerëzve…

Si thoni në gjuhën tuaj “Rroftë Ukraina” (është pjesë e përshëndetjes ushtarake), ju e thoni gjithë kohën, ma thoni në gjuhën ukrainase?

Slavo Ukraina dhe përgjigjia është, “Lavdi dëshmorëve!”/abcnews.al

The post INTERVISTA/ “Putin i çmendur”, rreshteri i ushtrisë ukrainase: Jam gati t’i përgjigjem me luftë Rusisë, si në 2014 appeared first on Albeu.com.

Ndërkohë në Ukrainë ka mijëra shqiptarë të cilët tashmë janë bërë shtetas ukrainas të cilët po preken nga trazirat e fundit mes gjeopolitikave globale. Ata janë shprehur të gatshëm të dalin dhe të luftojnë nëse është nevoja, kundër pushtimit rus.

“Nëse situata e kërkon, shqiptarët do të luftojnë”, kështu shprehet Aleksandër Dermentli, kryetar i shoqatës “Bashkimi i Shqiptarëve të Ukrainës” në një intervistë me gazetarin Ervin Leka për Abcnews.al.

Dermentli, shprehet se situata është shumë e tensionuar megjithatë sipas tij, shqiptarët nuk kanë frikë nga situata aktuale. I pyetur nga Abcnews.al, Aleksandër Dermentli shprehet se shumë pranë zonës së konfliktit ku edhe janë dislokuar mijëra ushtarë rus, ka prani të shqiptarëve. Ai pohon se janë përkatësisht 20 familje shqiptare që jetojnë në zonën e Donetskut. Ata ende nuk janë larguar nga banesat e tyre, megjithëse SHBA ka paralajmëruar se në ditët në vijim mund të ndodh pushtimi rus.

Dermentli mes të tjerash shpjegon se do ishte një veprim i drejtë që shqiptarët të mund të ktheheshin në Shqipëri në rast të një lufte. Ndërkohë ai shton se nëse do të fillojë sulmi do të mendojë si të strehojë në një vend të sigurt familjarët e tij.

Intervista:

Gazetari: Si është gjendja aktualisht aty? A ka trazira? A keni frikë për situatën aktuale?

Aleksandër Dermentli – Situata është e tensionuar, por për momentin nuk ka trazira. Nuk kemi frikë nga situata aktuale.

Gazetari: A morën pjesë shqiptarët në marshimin që u bë në Kiev, kundër luftës?

Aleksandër Dermentli – Jo, në dijeni time, shqiptarët nuk morën pjesë.

Gazetari: Nëse Rusia pushton Ukrainën cili është veprimi i parë që do ndërmerrni?

Aleksandër Dermentli – Pikësëpari do të mendoj se si t’i evakuoj fëmijët. Më pas të moshuarit dhe gratë për t’i çuar në një vend të sigurt.

Gazetari: Në intervistën e parë që kemi bërë së bashku, ju thatë që ka disa familje shqiptare pranë zonës së konfliktit. A ndodhen ata ende atje, apo kanë ikur?

Aleksandër Dermentli – Ende askush nuk është larguar nga atje. Askush nuk është larguar ende nga shtëpitë e tyre.

Gazetari: Çfarë kanë deklaruar autoritetet e Ukrainës për situatën aktuale, cila është thirrja e tyre për popullin?

Aleksandër Dermentli – Thirrja kryesore është të mos bëhet panik.

Gazetari: Ministria e Jashtme u ka bërë thirrje shqiptarëve që të largohen nga Ukraina, a keni pasur komunikim me ndonjërin prej tyre?

Aleksandër Dermentli – Po, por ky informacion është i mbyllur.

Gazetari: Çfarë pasojash mund të ketë për shqiptarët nëse situata shkon në luftë?

Aleksandër Dermentli – Kjo luftë do të na bashkojë dhe do të na bëjë më të fortë.

Gazetari: A e mendoni kthimin në Shqipëri për shkak të luftës?

Aleksandër Dermentli – Po. Do të ishte e drejtë.

Gazetari: Kemi parë raportime ne media që kemi një armatim të qytetarëve, sa i vërtetë është ky fakt?

Aleksandër Dermentli – Po, është me të vërtetë./abcnews.al

The post Prag lufte, shqiptari rrëfen situatën nga Ukraina: Familjet shqiptare ende në “zonën e kuqe”, mendoj kthimin në atdhe appeared first on Albeu.com.

“Ne jemi të bashkuar nga dëshira jonë për të ndaluar agresionin rus,” tha Vano Kakviashvili, veteran 38-vjeçar i ushtrisë gjeorgjiane që aktualisht shërben në Legjionin Kombëtar të Gjeorgjisë. “Kjo është lufta e brezit tonë. Ne duhet të luftojmë për lirinë e Ukrainës,” shtoi ai.

Në stërvitjet e kësaj dite, pesë gjeorgjianët janë të gjithë veteranë luftarakë të pushtimit rus të atdheut të tyre në vitin 2008. Ndërsa 24-vjeçari i quajtur Emanuel Bazanji, është një ish-ushtar i ushtrisë shqiptare i cili doli vullnetar për të luftuar për Ukrainën sepse “ky është kufiri i fundit për demokracinë”, siç e quan ai.

“Ajo që na bashkon është dashuria për lirinë, dashuria për demokracinë dhe dashuria për të ndihmuar njerëzit,” tha Bazanji për Coffee or Die Magazine, përcjell abcnews.al.

“Ne nuk paguhemi këtu, nuk po kërkojmë asgjë nga qeveria e Ukrainës, ne jemi këtu vetëm për t’i ndihmuar këta njerëz të kenë një të ardhme më të mirë. Kjo është ajo që na bashkon, të shohim njerëzit të jetojnë të lumtur dhe të lirë”, shtoi ai më tej.

Nën komandën e një ish-oficeri ushtarak gjeorgjian të quajtur Mamuka Mamulashvili, Legjioni Kombëtar i Gjeorgjisë funksiononte më parë si një njësi e vijës së parë në vitet e para të luftës në rajonin lindor të Donbasit të Ukrainës. Tashmë e pozicionuar në periferi të Kievit, kjo njësi tërësisht vullnetare është bërë qendër rekrutimi për të huajt që nënshkruajnë kontratë shërbimi tre-vjeçare në detyrë aktive me forcat e armatosura të rregullta të Ukrainës.

“Rusia duhet të ndalet me Ukrainën dhe Ukraina duhet të marrë sovranitetin e saj”, tha Mamulashvili. “Ne po luftojmë për demokracinë perëndimore, ne po luftojmë për demokracinë botërore, në fakt. Dhe të gjithë duhet të kuptojnë se është një luftë e vërtetë, dhe është fytyra e vërtetë e Rusisë që ne shohim sot në Ukrainë.”

Që nga fillimi i luftës në 2014, Legjioni Kombëtar i Gjeorgjisë ka regjistruar ushtarë nga 27 vende, duke përfshirë SHBA, Australi, Gjermani, Gjeorgji, Meksikë, Azerbajxhan, MB, Austri, Francë, Greqi, Japoni, Kroaci dhe Serbi. Dhe tani, ndërsa forcat ruse janë të grumbulluara në kufijtë e Ukrainës dhe kërcënojnë një pushtim të plotë këtë dimër, Mamulashvili tha se ka pasur një rritje të numrit të të huajve që aplikojnë në Legjionin Kombëtar të Gjeorgjisë me shpresën për të shërbyer në forcat e armatosura të Ukrainës.

The post Shqiptari që lufton krah ukrainasve përballë Rusisë: Nuk paguhem, e bëj për demokracinë appeared first on Albeu.com.