I ftuar në studion e ‘ABC’, Hoxha publikoi foton e shqiptarit, për të cilin tha se ka humbur gjurmët që nga muaji mars i këtij viti. Ai tha se i riu është nga Ferizaj i Kosovës.

“Ky është shqiptari që u zhduk në Ekuador, Shenasi Loha. Ai më kanë thënë që ka humbur gjurmët që nga muaji mars i këtij viti”, tha Hoxha

Gazetari tha se Loha ka qenë fillimisht në Ekuador ku mund të ketë patur lidhje me trafikantët shqiptarë të kokainës dhe më pas është kthyer në vend përmes Kosovës.

Pas zhdukjes së tij, familjarët kanë shkuar te policia e Lushnjes dhe kanë kërkuar informacion, por ata i kanë thënë se nuk kishin të dhëna por se dyshonin se mund të ishte kthyer sërish në Ekuador.

Sipas Hoxhës, për herë të fundit, Shenasi Loha është parë në një restorant në Lushnje me një person të njohur si autor i një atentati me armë ndaj Edison Begajt në Vlorë.

Hoxha tha se i kishte këto pamje dhe do t’i publikonte më pas, ndërsa hodhi dyshime të forta mbi faktin se Loha mund të ishte zhdukur pikërisht në Shqipëri gjatë kësaj periudhe kur edhe është fiksuar për herë të fundit në kamera.

“Pasi kanë dalë nga restoranti ata kanë hipur në makinën e marrë me qira nga një person me inicialet M.P dhe kanë lëvizur nga ai restorant. Nga ky moment nuk ka më detaje për vendndodhjen e Shenasi Lohës”, tha Hoxha.

The post EMRI/ Ky është shqiptari që u zhduk në Ekuador, Hoxha: Kam videon, kush ishte personi që e hipi në makinë (FOTO LAJM) appeared first on Albeu.com.

Ky është momenti kur me pranga në duar dhe maskë anti-Covid, shqiptari Nezdet Vokshi, i konsideruar nga autoritetet në Ekuador si shumë i rrezikshëm, shoqërohet për në ambientet e paraburgimit.

Ai është arrestuar pas një urdhri ndërkombëtar arresti për pjesëmarrje në organizatë që merrej me trafik droge në Holandë.

Mediat e huaja raportojnë se 55-vjeçari shqiptar u vu në pranga në periferi të Guajakilit, pranë një karburanti, teksa po udhëtonte me makinën e tij drejt banesës së tij.

Zyrtarisht në Ekuador ai ishte regjistruar si biznesmen, tregtar që merrej me eksportin e fruta-perimeve.

Vokshi është arrestuar edhe në vitin 2012 në Peru me kërkesë të autoritete e belge, por disa muaj më pas ai u arratis dhe fshihej në Ekuador.

Nezdet Vokshi, rezulton të ketë qenë pjesë e grupeve kriminale që operonin në Belgjikë dhe Holandë, i përfshirë në një rast të trafikut të 400 kilogramëve kokainë përmes portit belg, Antuerp.

The post Kërkohej në gjithë botën, arrestohet shqiptari më i rrezikshëm në Ekuador appeared first on Albeu.com.