Sipas mediave britanike, ngjarja ndodhi në Clockhouse Way, Braintree, mëngjesin e 21 nëntorit, ku oficerët mbërritën në vendin ku po ndodhte një sherr.

Vdekja e 29-vjeçarit po hetohet nga Zyra e Pavarur për Sjelljen e Policisë (IOPC).

IOPC thotë se pamjet e kamerave kanë zbuluar sesi ka ndodhur ngjarja. Oficerët janë futur për të ndaluar sherrin mes dy palëve të përfshira, ndërsa Byberi dyshohet se ka sulmuar njërin prej tyre. Ata janë përpjekur t’i vinin prangat, por ai ka treguar rezistencë, dhe më pas policët kanë nxjerrë taserin dhe e kanë qëlluar.

Nga taseri, i riu mbeti i paaftë për përkohësisht dhe më vonë ai është ndier keq dhe është thirrur një ambulancë.

Oficerët qëndruan me Byberin derisa mjekët mbërritën dhe ofruan ndihmën mjekësore. Por pak pasi ka mbërritur ndihma mjekësore, i riu ka ndërruar jetë.

Tashmë, taseri i përdorur nga policia po analizohet./albeu.com

The post U qëllua nga oficerët britanikë, 29-vjeçari i vdekur është shqiptar, zbulohet identiteti i tij appeared first on Albeu.com.

Policia e South Yorkshire zbuloi se oficerët ekzekutuan një urdhër kontrolli në pronë më 27 shtator dhe gjetën mbi 100 bimë kanabis që kultivoheshin në tre dhoma. Sipas policisë, bimët e pjekura vlerësohen të kenë një vlerë rruge prej afro 200,000 £.

Zëdhënësi i policisë deklaroi se Erjon Briskaj, i cili është emigrant ilegal, u arrestua dhe më pas u akuzua dhe ai do të deportohet sërish në Shqipëri pasi të ketë kryer dënimin e tij me paraburgim. Policia e South Yorkshire konfirmoi se 31-vjeçari Briskaj u paraqit në Gjykatën e Sheffield Croën ku u dënua me tetë muaj burgim.

The post Kapet me 200 mijë paund kanabis në shtëpi bari, arrestohet shqiptari në Angli appeared first on Albeu.com.

Top Channel duke iu referuar komunikatës për shtyp të policisë së zonës së Essex raporton se është dënuar me 6 vite burg Gjenson Pusi.

Shkodranit 34 vjeç, iu gjet nën krevat një armë pistoletë me fishek  gati për qitje.

Oficerën e skuadrës “Serious Organised Crime Unit”  arritën ta arrestonin; ndërsa brenda xhepit të xhaketës iu gjetën edhe 6.000 stërlina, një sasi kokaine, një peshore dhe disa telefona.

Ndërsa një thes plastik i zi që përdoret për hedhjen e plehrave iu gjet plot me kanabis.

Policia angleze arriti të zbulonte që një ambient tjetër i shtëpisë përdorej për kultivim kanabisi.

Në armën e sekuestruar  tip Glock u gjet ADN-ja e Gjenson Pusit por ai nuk dha asnjë koment gjatë marrjes në pyeteje në polici. Por në gjykatë ai pranoi akuzat e ngritura nga prokuroria.

E shkuara kriminale në Shqipëri

Gjenson Pusi është një emër i njohur për policinë e Shkodrës.

Ai u arrestua si bashkëpunëtor në vrasjen e Hekuran Billës, mohoi të ketë lidhje në këtë ngjarje.

Policia ngriti dyshimin se ai ka qenë shoferi i mjetit “Mercedez” i përdorur në këtë atentat.

I marrë në pyetje nga hetues të Krimeve të Rënda në Policinë e Tiranës, 33 vjeçari ka pohuar se mbrëmjen e 30 qershorit kur ndodhi krimi, ka qenë në banesën e tij në Shkodër.

Ai përdori si argument faktin se ndodhej me masë sigurie “Arrest në shtëpi” dhënë nga gjykata e këtij rrethi për armëmbajtje pa leje.

Sipas policisë së Shkodrës ndaj Pusit ishte ngritur edhe dyshimi se mund të jetë edhe autor i tentativës së vrasjes së Fatjon Harushës, nipit të Luan Harushës, deputet i PS-së në këtë qark.

Gjekson Pusi është arrestuar edhe në muajin tetor të vitit 2019, ndërsa u vu në pranga pasi u pikas teksa lëvizte me një armë zjarri të llojit “Zastava” me dy krehra me fishekë në Shkodër.

Gjekson Pusi ishte pikasur nga kalimtarë të rastit se në brez kishte armë zjarri, dhe të trembur këta të fundit lajmëruan policinë. Brenda pak minutash, 33-vjeçari ra në prangat e policisë në kushtet e flagrancës, teksa ecte në lagjen “Vasil Shanto” në Shkodër.

Më herët, Gjekson Pusi ka qenë i dënuar me tetë vite burg për “Vjedhje me armë”./TCH

The post EMRI/ I forti i Shkodrës dënohet në Angli! U kap me pistoletë, drogë dhe para cash appeared first on Albeu.com.

Operacioni policor u kodua “pengu” dhe u zhvillua nga Policia e Shtetit, në bashkëpunim me Metropolitan Police dhe asistencën e NCA-së Britanike, ku u bë e mundur lirimi i 30-vjeçarit shqiptar, që ishte marrë peng në Angli.

Policia britanike ka vënë në pranga 7 shtetas shqiptarë dhe vijon operacioni për kapjen e shtetasve të tjerë të përfshirë në këtë veprimtari kriminale.

Njoftimi i Policisë:

Shkëmbimi në kohë i informacionit bëri të mundur gjetjen dhe lirimin e 30-vjeçarit nga Shqipëria, i cili ishte marrë peng në Angli, nga shtetas shqiptarë te evidentuar si persona me rekorde kriminale ne Angli.

Policia britanike ka vënë në pranga 7 shtetas shqiptarë dhe vijon operacioni për kapjen e shtetasve të tjerë të përfshirë në këtë veprimtari kriminale.

Strukturat hetimore të Policisë së Shtetit kanë marrë informacion se një 30-vjeçar shqiptar, ishte marrë peng në Angli nga persona, me aktivitet kriminal, të cilët kërkonin 400 mijë paund në këmbim të lirimit të tij.

Policia e Shtetit shkëmbeu menjëherë me Policinë Britanike, informacionin e marrë, falë të cilit, Policia britanike zhvilloi operacionin policor të koduar “Pengu”.

Në kuadër të operacionit u bë e mundur gjetja dhe lirimi i personit të marrë peng, i cili tashmë ndodhet i sigurtë pranë autoriteteve policore britanike.

Po në kuadër të operacionit u vunë në pranga 7 shtetas shqiptarë që kishin marrë peng 30-vjeçarin.

Operacioni është në vijim dhe për këtë arsye nuk bëhen publike të dhënat e personit të marrë peng dhe të personave të arrestuar, deri në përfundim të operacionit. Finalizimi i këtij operacioni është rezultat i bashkëpunimit shumë të mirë ndërmjet Policisë së Shtetit dhe Autoriteteve Ligjzbatuese Britanike.

The post “Na jep 400 mijë paund ose…”, ishte marrë peng nga 7 bashkëkombas në Angli, lirohet i riu shqiptar appeared first on Albeu.com.

Sipas burimeve nga mediat e huaja, Valentin Gjoni, 54-vjeç, nga Chessington në Londrën e Madhe ishte në një makinë me dy persona të tjerë, të ndaluar nga oficerët e Forcave Kufitare në tetor të vitit 2020, duke udhëtuar jashtë Mbretërisë së Bashkuar përmes terminalit të Eurotunnelit në Folkestone.

Ai u tha oficerëve se po udhëtonin për në Itali dhe më pas në Shqipëri dhe se nuk kishte para në automjet, por pas një kontrolli, ata gjetën më shumë se 20,000 £ të mbështjellë brenda “baguette”.

Policia e Kentit u njoftua dhe paratë u sekuestruan sipas ligjit për të ardhurat e përfituara nga krimi. Në total plot 40,440 paund iu sekuestruan Gjonit nga Policia e Kentit, përveç kësaj ai nuk u dënua për ndonjë vepër penale.

The post Kishte fshehur 20,000 paund të fshehura brenda një buke, kush është shqiptari që u kap “mat” appeared first on Albeu.com.

Zefi, një emigrant i paligjshëm që kishte hyrë në Britani në mënyrë klandestine dhe në momentin që u pikas nga policia është përpjekur të arratiset. Ai është hedhur nga dritarja e godinës ku ndodhej dhe ka kaluar në një tjetër ndërtesë. Por kjo e fundit ishte gjithashtu e rrethuar nga policia, e për rrjedhojë 28-vjeçari nuk kishte ku të shkonte. Ai u vu në pranga.

“Ndërsa policia u përpoq të hynte, i pandehuri doli nga një dritare e katit të sipërm në një çati të sheshtë në një përpjekje për të shpëtuar ai u shqetësua dhe u hodh në çatinë e një ndërtese ngjitur. Ai bëri gjithashtu një telefonatë nga telefoni i tij celular. Në ndërtesë, policia gjeti më shumë se 500 rrënjë kanabis, me një vlerë tregu rreth 275.000 paund”,tha prokurori Stephen Welch.

Prokurori ka sqaruar se dyert e ndërtesës ishin të izoluara, jo për të mos lejuar daljen e Zefit, por për ta mbrojtur atë dhe kanabisin nga personat që mund t’i sulmonin. Personat që hynin apo dilnin nga ndërtesa, përdorni çatinë për të dalë.

Përpara efektivëve, shqiptari deklaroi se ishte trafikuar në Britani dhe pretendoi se edhe ishte dhunuar.

Ndërkohë avokatja e tij u shpreh se mësuesi i fiskulturës kishte udhëtuar për në Angli me kamion dhe se ishte detyruar të punonte për të paguar 25 mijë paundët që kishte marrë borxh për rrugën e bërë.

“Ai u mashtrua duke menduar se po vinte në Britaninë e Madhe për një jetë më të mirë, duke punuar në industrinë e ndërtimit. Atij iu tha se pagesa për ta sjellë këtu ishte 25,000 £ dhe ai nuk kishte mundësi për ta shlyer atë. Ky ishte edhe momenti kur ai filloi të punonte në fabrikën e kanabisit për të shlyer borxhin masiv që kishte. Ky është një njeri i pambrojtur në një vend. ku ai nuk fliste gjuhën dhe nuk kishte njohuri për vendndodhjen,”- deklaroi ajo.

28-vjeçari ka humbur edhe të atin në kohën që ishte në paraburgim./albeu.com

The post Dënohet mësuesi shqiptar në Angli, u kap me 275 mijë paund “të bardhë” appeared first on Albeu.com.

Sipas Daily Mail, në seancën gjyqësore të zhvilluar ditën e sotme për bashkëshorten e tij, u zbulua se Bylent Troshupa ishte futur në borxhe për shkak të bixhozit.

Ai kishte marrë 250 mijë paund borxh me të cilat luante kumar gjatë periudhës së pandemisë. Për shkak të bixhozit, 53-vjeçari i divorcua nga bashkëshortja e tij, Julie Martin 51 vjeç e cila gjithashtu mori nën kujdestari dhe djalin e çiftit.

Në nëntor të vitit të kaluar, 53-vjeçari shkoi në shtëpinë ku jetonte bashkëshortja dhe djali 16-vjeçar. Me vete ai kishte një thikë, një shishe me benzinë dhe një zarf me para.

Troshupa e la zarfin me para në derën e shtëpisë, ku në momentin e ngjarjes ishte vetëm djali i tij 16-vjeçar. Babai i ra derës dhe u largua ku më pas në oborrin e banesës, i hodhi benzinë vetes dhe i vendosi flakën.

Djali i shqetësuar i telefonoi nënës së tij ndërsa ajo po kthehej me makinë nga puna rreth orës 20:30. Martin nxitoi për të ardhur në shtëpi teksa pa ish-bashkëshortin në flakë. Ishte një prej fqinjëve i cili i erdhi në ndihmë 53-vjeçarit duke e mbuluar me batanije.

Në vendngjarje mbërritën dhe forcat e policisë dhe ambulanca e cila e transportoi në spital. 53-vjeçari kishte pësuar djegie të shumta, ku pavarësisht ndërhyrjes së mjekëve, nuk arriti t’i mbijetonte plagëve të marra.

Gjatë seancës dëgjimore në gjykatë, është lexuar dhe jetëshkrimi i Troshupës. Mediat britanike thonë se 53-vjeçari ishte një gjeni i matematikës si fëmijë, ku kishte fituar një konkurs kombëtar në Kosovë, ndërsa ishte renditur i treti në të gjithë ish-Jugosllavinë.

Ai ishte në vitin e dytë të studimeve për mjekësi në Kroaci kur filloi Lufta Ballkanike dhe iu desh të largohej pasi ishte në rrezik nga nacionalistët serbë si një mysliman etnik kosovar.

Troshupa mbërriti në Londër, por asnjë nga kualifikimet e tij nuk u njohën, kështu që ai punoi si shofer. Ai u takua me Martin dhe u martuan, por ai kishte probleme me shëndetin mendor nga lojërat e fatit.

Gjatë pandemisë, ai filloi të luante më shumë bixhoz duke u futur në borxhe, çka solli dhe ndarjhen nga bashkëshortja.

The post I vuri flakën vetes përpara djalit, historia tragjike e shqiptarit në Angli: Gjeni matematike, por përfundoi në borxhin prej 250 mijë paund appeared first on Albeu.com.

Sipas burimeve, mësohet se bëhet fjalë për Elis Ballën, 30-vjeç, i cili ka mundur që t’ia mbath teksa ishte në lirim me kusht, pas një dënimi që kishte marrë për trafikim droge.

Sipas autoriteteve britanike shqiptari vepron në zonën e Avon dhe Somerset. Policia ka dhënë edhe përshkrimin për çdo qytetar që mund ta shohë apo të ketë informacion për të.

Siç shfaqet edhe në fotografinë e shpërndarë nga policia, shqiptari përshkruhet me  flokë të rruar, kafe të errët dhe sytë në ngjyrë kafe./albeu.com/

The post I dënuar për trafik droge, shqiptari lë drejtësinë britanike me “gisht në gojë” appeared first on Albeu.com.

Sipas burimeve nga mediat vendase, ngjarja e rëndë ka ndodhur në Brislington më 24 maj.

Bëhet me dije se ai është vrarë nga një grup i madh njerëzish, por ende nuk bëhet me dije identiteti i tij.

Në prangat e Policisë kanë përfunduar: Sadik Lleshi, Brikel Palaj, Kastriot Mhillaj dhe Rinush Behari, të gjithë të akuzuar për sulmin që i kushtoi jetën shqiptarit tjetër. E gjitha nisi pas një sherri, arsyeja e të cilit ende nuk dihet, por Prokurori Jill Macnamara i tha gjykatës se si Lleshi u përpoq të tërhiqte zvarrë njeriun që vdiq, ndërsa tre të tjerët e ndihmuan.

Rinush Behari, 32 vjeç, nga Bunton Street, Londër, u përfaqësua nga Masood Hussain, nuk bëri asnjë kërkesë për lirim; Kastriot Mhillaj, 34 vjeç, pa adresë fikse, kërkoi përkthim nga avokati i tij në italisht, megjithëse gjuha e tij amtare është shqipja, e Gjykata dëgjoi. Edhe Palaj tha se nuk do të kishte asnjë kërkesë për lirim me kusht.

Të tre të pandehurit nuk kanë dhënë asnjë indikacion për pranimin e fajësisë, megjithatë as nuk e mohojnë se kanë dhunuar për vdekje shqiptarin tjetër. Ndërsa përveç të arrestuarve, në spital kanë përfunduar edhe 6 persona të tjerë, të gjithë jashtë rrezikut për jetën, por ende trajtohen në spital.

Prokuroria e cilësoi vrasjen si një “ngjarje shumë të rëndë”, ndërsa gjyqi është caktuar të mbahet në Gjykatën e Kurorës së Bristol më 27 qershor. Përveç 4 personave të lartpërmendur, u arrestuan edhe dy burra të tjerë, të moshës 18 dhe 34 vjeç, të cilët mendohet se kanë ndihmuar autorët, por janë liruar më kusht. Ndërsa një tjetër anëtar i grupit ndodhet në spital, raporton bristolpost.co.uk.

The post EMRAT/ Vritet brutalisht në grup shqiptari në Angli! 7 të arrestuar (FOTO LAJM) appeared first on Albeu.com.

Ai është qëlluar në këmbë nga një bandë rivale që kishte shkuar për të vjedhur sasinë e drogës që gjendej atje.

Shqiptari, Anduel Dorti, kujdesej për 340 bimë kanabisi, me një vlerë prej 250 mijë eurosh. Gjykatësi që është marrë me këtë çështje ka sqaruar se:

“Po pyesni se përse ka marrë plagë në këmbë? E thjeshtë. Një grup rival ka shkuar në shtëpinë ku Dorti kujdesej për bimët narkotike dhe kanë tentuar t’ia marrin. Por në këtë moment, ai është përplasur fizikisht me anëtarët e bandës. Njëri prej rivalëve më pas, ka nxjerrë armën dhe ka qëlluar në këmbë shqiptarin”.

Dorti është mjekuar fillimisht në Spitalin e Sheffield, duke mos treguar asnjë detaj për policinë. Ai më vonë u deklarua fajtor dhe ndaj tij nuk rezultonte asnjë precedent i mëparshëm.

“Ai kujdesej për bimët, jetonte në atë ambient, por nuk kishte lidhje me shpërndarjen e drogës. Ai erdhi në këtë Britani për të punuar në ndërtim, të fitonte para dhe t’i dërgonte në Shqipëri”, tha më tej gjyqtarja.

The post Shkoi të punonte në ndërtim, por përfundoi në shtëpi bari i plagosur! Historia “si në filma” e shqiptarit në Angli appeared first on Albeu.com.