Karabinierët e Cervia-Milano Marittima kanë kontrolluar mbrëmë një shtetas shqiptar, të dënuar me arrest shtëpie për krime të lidhura me posedim droge.

Karabinierët që ndërhynë në shtëpinë e tij gjetën vetëm shoqëruesin fillimisht.

Shqiptari mbërriti pak më vonë, pasi ishte larguar për të blerë birra.

Këto rrethana bënë që policia të zbulonte shkeljen e masës ndëshkimore, duke çuar kështu në arrestimin e tij dhe duke e mbajtur në dhomat e sigurisë së komandës.  /albeu.com/

The post Ndodh edhe kjo! Shqiptari thyen “arrest shtëpie” për të blerë birra appeared first on Albeu.com.

Mediat italiane  bëjnë me dije se një 60-vjeçar me origjinë shqiptare, banues në Terni dhe punonjës i një kompanie private humbi jetën ditën e enjte pas një aksidenti në punë.

Ngjarja e rëndë ka ndodhur në San Gemini, shumë pak larg sheshit kryesor. Sipas mediave vendase mësohet se 60-vjeçari identiteti i të cilit ende nuk dihet është shtypur në një mur nga automjeti i punës i cili ishte parkuar në një zonë të pjerrët.

Menjëherë në vendin e ngjarjes mbërriti urgjenca, por fatkeqësisht shqiptari nuk mundi t’i shpëtonte plagëve të marra.

Ndërkohë, policia e San Geminit së bashku me stafin e Shërbimit të Parandalimit dhe Sigurisë në Vendet e Punës po punojnë për zbardhjen e plotë të ngjarjes.

The post Tragjike! Shqiptari parkon makinën në malore, ajo e shtyp pas murit teksa punonte appeared first on Albeu.com.

Sipas mediave italiane, makina e shqiptarit u ndalua për një kontroll rutinë, por nervozizmi i shoferit bëri që kontrolli të ishte më i detajuar.

Fillimisht policia nuk arriti të zbulonte asgjë në mjetin e shqiptarit, por ishte qeni antidrogë, i cili ndihmoi në zbulimin e sasisë së parave që ishin fshehur në kroskotin e mjetit.

Më pas policia vendosi që të zhvillonte kontrolle edhe në dy banesat e shqiptarit, ku edhe këtu qeni arriti të zbulonte një sasi prej 1 kg e 450 gr kokainë dhe 3 kg e 400 gram hashash, të cilat ishin fshehur në lavatriçen e shtëpisë, shkruan panorama.

Ndërkohë u gjetën edhe materiale për paketimin e drogës si dhe 23 mijë euro. Nëse droga do të hidhej në treg, do të kapte vlerën e mbi 200 mijë eurove.

Shqiptari i arrestuar iu dorëzua autoriteteve të drejtësisë.

The post Qeni antidrogë fundos të riun shqiptar, kapet me 70 mijë euro në makinë (VIDEO) appeared first on Albeu.com.

Një ngjarje e rëndë ka ndodhur në provincën e Reggio Emilia në Itali. Një 36-vjeçar nga Napoli qëndroi 6 orë në arrati para se të binte në prangat e policisë për shkak të ushtrimit të dhunës dhe për vrasje në tentativë.

Ai është identifikuar si Ferdinando Russo dhe ngjarja ndodhi pasditen e djeshme. Pak pas orës 14:00, ai hyri në një lokal ku punonte gruaja e tij, e goditi me grusht dhe nxori një armë dhe qëlloi banakierin shqiptar që të mos bënte asnjë veprim, raportojnë mediat italiane.

Sipas hetimeve, dyshohet se Russo të ketë vepruar nga xhelozia, por mbetet ende e paqartë se ku e ka hedhur ose fshehur armën që kishte me vete.

Sipas asaj që është rindërtuar përmes dëshmive të të plagosurve dhe disa klientëve, Ferdinando Russo hyri brenda lokalit, nxori armën dhe qëlloi disa herë. Dy plumba goditën në këmbë shqiptarin, i cili ishte edhe menaxheri i lokalit. Më pas shkoi tek gruaja duke e qëlluar në fytyrë, ndërsa më pas iku me një automjet tip “Nissan Qashqai” me ngjyrë të errët.

Russo mori me vete djalin e tij 17-vjeçar dhe qëndroi së bashku me të në arrati. Por në mbrëmje, u bind që të dorëzohej në polici dhe pranoi gjithçka kishte ndodhur.

Russo nuk është emër i panjohur për drejtësinë pasi në dhjetor të vitit 2007, u arrestua për tregtinë e kokainës në Novellara. /tch

The post Motive xhelozie? Italiani rreh gruan e tij dhe plagos shqiptarin appeared first on Albeu.com.

Një 19-vjeçar me origjinë shqiptare është vënë në pranga pasi akuzohet se ka shkaktuar një aksident të katërfishtë dhe më pas ka ushtruar dhunë ndaj një oficeri policie.

Mediat italiane shkruajnë se ngjarja ka ndodhur mesnatën e kaluar, kur i riu po udhëtonte në gjendje të dehur me mjetin e tij të llojit “Volvo”.

Shqiptarit iu bë shenjë nga efektivët që të ndalonte, por ai tentoi të arratisej dhe u përplas me tre mjete të tjera, mes tyre dhe një taksi. Në këtë rast, 19-vjeçari ishte i detyruar të ndalonte dhe pranë tij mbërriti policia, por shqiptari ‘rebel’ nuk pranonte të dilte jashtë mjetit.

Shqiptari u përpoq të kundërshtonte duke goditur dhe me grushte efektivët e policisë, por pas ardhjes së përforcimeve ai u vu në pranga, pas më shumë se gjysmë ore aksion. Fillimisht i riu u dërgua në spital, dhe pas ekzaminimeve iu drejtua qelisë.

The post Pasi bëri aksident grushtoi edhe policin, arrestohet i riu shqiptar në Itali appeared first on Albeu.com.