22-vjeçari shqiptar, në dëshminë e tij, ka mohuar të ketë lidhje me ngjarjen.

Ai ka deklaruar para autoriteteve greke se ka qenë rastësisht pranë vendit ku u përplasën dy tifozeritë, dhe se thikën që i gjeti policia e kishte mjet pune.

“Unë jam elektricist dhe atë ditë isha në zonën e Neë Philadelphia për punë. Pasi mbarova punën vonë kisha lënë një takim me të dashurën time në stacionin ISAP “PERISSOS” për të vazhduar me tren drejt Pireut, për të arritur në Galatsi”, ka thënë ai.

“Ndërsa po prisja jashtë stacionit, dëgjova britma, shpërthime dhe flakë dhe shkova të shikoja se çfarë po ndodhte. Nuk kam marrë pjesë në përleshje”, është shprehur ai.

Sa i përket thikës që i është gjetur nga policia, 22-vjeçari shqiptar ka deklaruar se e kishte për punë, ndërsa ka kërkuar që ti kontrollohet celulari e ti bëhen kontrollet e ADN-së, për të vërtetuar që nuk ka lidhje me ngjarjen.

“Thika e palosshme e gjetur tek unë, atë e përdor në punë. Unë nuk jam një tifoz i organizuar i  PAO-s , jam një sportdashës i thjeshtë. Shkoj në stadium, me babain dhe vëllain tim, sa herë që gjej bileta të lira. Dua të deklasifikohen komunikimet e mia, të kontrollohet celulari dhe të merret një mostër e ADN-së, për të vërtetuar se nuk kam asnjë lidhje me atë që më akuzojnë”, ka thënë në dëshminë e tij i riu shqiptar.

Kujtojmë se shqiptari bashkë me një kroat dhe tre shtetas grekë janë të dyshuar kryesorë për vrasjen e 29-vjeçarit, Michalis Katsouri.

Shqiptari dhe kroati pas arrestimit kishin me vete thika me gjak dhe u ndanë menjëherë nga pjesa tjetër e të arrestuarve, si të dyshuar kryesorë për vrasjen.

The post Vrasja e ultrasit grek, dëshmon shqiptari që dyshohet se ka gisht: Nuk kam lidhje, u gjenda rastësisht aty appeared first on Albeu.com.

Katër persona të tjerë të arrestuar në  Costa del Sol  janë liruar nga akuza. Arrestimet janë pjesë e një operacioni të  Policisë Kombëtare të  koordinuar nga Gjykata e Instruksionit në Murcia, ku nisën hetimet.

Hetimi i policisë lidh bandën e çmontuar me gati njëzet sulme në shtëpi, sipas burimeve pranë rastit. Dy të arrestuarit në Dénia janë mbajtur në Komisariat që nga arrestimi i tyre të martën e kaluar, kur zbritën nga  trageti  që i transferoi nga Ibiza.

Në makinë agjentët  gjetën sende nga  grabitja milionëshe e lojtarit të Paris Saint-Germain, i cili raportoi për vjedhjen e 10 mijë eurove dhe bizhuteri dhe ora me vlerë rreth  tre milionë  euro. Çështja është nën hetim dhe të arrestuarit në Dénia, të ndihmuar nga avokati  Francisco Miguel Galiana Botella , përfituan nga e drejta e tyre për të mos dëshmuar në zyrat e policisë.

Megjithatë, shtetasi shqiptar i ndaluar në deklaratën e tij ka saktësuar se ka mbërritur në ishullin Ibiza të hënën e kaluar, një ditë pas grabitjes. /h.ll/albeu.com

The post U arrestua pasi dyshohej se ishte pjesë e grabitjes së vilës të Verrattit, rrëfehet shqiptari: Jam i pafajshëm! appeared first on Albeu.com.