Ngjarja ka ndodhur dy javë më parë në Aschaffenburg të Gjermanisë.

Liridon Mavraj kishte vizituar pishinën me familjen e tij, por rreth orës 19:00, megjithatë, mbrëmja mori një kthesë tronditëse: pushuesit panë një fëmijë që ishte pa shenja jete në një pishinë. Ngjarjen fillimisht e ka vënë re gruaja e Liridonit.

“Ajo më tregoi situatën dhe më tërhoqi vëmendjen”, kujton 31-vjeçari, i cili nuk ngurroi dhe nxitoi drejt pishinës.

“Ishin gra që bërtisnin për ndihmë, nuk e di ku ishte nëna. Ishte shumë kaotike”.

31-vjeçari nga Kosova pa një vajzë 3-vjeçare pa shenja jete. Së bashku me një rojë plazhi, Liridoni nisi masat e ringjalljes.

“Fëmija nuk u përgjigj. Unë bëra frymëmarrje gojë më gojë, e cila zgjati rreth 30 sekonda. Pastaj befas vajza u zgjua dhe hapi sytë. Ajo nxirrte ujë nga goja dhe hunda dhe filloi të kollitej pak”, shpjegon banori i Aschaffenburg.

“Ka qenë shumë e qetë për një kohë të shkurtër, më pas fëmija filloi të qajë. Vajzës iu kthye vetëdija”.

Liridion Mavraj ishte shumë i lumtur në atë moment, por edhe i tronditur nga ajo që sapo kishte ndodhur.

3-vjeçarja u dërgua në spital për ndihmë të mëtejshme mjekësore dhe tani fatmirësisht ndodhet jashtë rrezikut për jetën.

The post Shqiptari bëhet hero në Gjermani, shpëtoi një vajzë 3-vjeçare nga mbytja appeared first on Albeu.com.

Mediat vendase shkruajnë se shqiptari pa që foshnja qante, pasi kishte rënë në ujërat e ftohta të liqenit Braies dhe vrapoi për ta shpëtuar.

“Askush nuk do t’i rezistonte kurrë klithmave të një gruaje që kërkon ndihmë, aq më pak të një foshnje. Është aq i vogël dhe i pafuqishëm. Kur e pashë, instikti më çoi që ta shpëtoja menjëherë. Është çështje sekondash dhe nuk mendon asgjë tjetër. Në atë moment, misioni im ishte ta shpëtoja”, tha Buzi, i cili banon në Romano.  

Buzi harroi se çfarë kishte veshur dhe se në xhep kishte telefonin e portofolin. I pushtuar nga emocionet e momentin, nxitoi që ta ndihmonte.

“Gruaja dhe vajzat e mia kishin frikë, unë jo. Kurrë nuk kam pasur frikë për jetën time. Ai fëmijë ishte në rrezik, ndërsa familja ime ishte e sigurt dhe kjo mjaftoi që të shkoja tek i vogli”, tregoi ai.

Disa ditë pas kësaj ngjarje, thotë se është krenar për veprimin e tij dhe thotë se gruaja e vajzat janë të lumtura për atë që bëri.

The post Kishte rënë në liqen, shqiptari “hero” shpëton jetën e një foshnje appeared first on Albeu.com.