Mes 100 të burgosurve, 60% prej tyre janë shqiptarë, të cilët nga qelia ankohen për kushtet e këqija me të cilat përballen, ndërsa pretendojnë se nuk u jepen lejet dhe lirimet me kusht edhe pse i kanë plotësuar të gjitha kushtet ligjore që nevojiten.

Ata shprehen se do të vijojnë grevën deri sa zëri i tyre të dëgjohet dhe pretendojnë që avokatin e tyre e kanë arrestuar dhe futur në psikiatri. Sipas tyre po diskriminohen sepse janë shqiptare. Të burgosurit shqiptarë i bëjnë apel edhe shtetit shqiptar që të interesohen pranë autoriteteve greke që kërkesat e tyre të plotësohen siç e parashikon ligjin.

“Jemi këtu e një javë në grevë urie për ligjet që nuk na i zbatojnë dhe të drejtat e lirimit, e para. Lejen e plotësojmë dhe nuk na e japin. Vonesat na i bëjnë në ekstrem, dënimet në maksimum padrejtësisht. Sidomos ne të huajve na sillen çnjerëzorë fare. Grekëve lejen ua japin direkt. Ministri i Drejtësisë të bëjë lëvizje. Nuk i çojnë letrat tona.”– deklarojnë ata.

The post Shqiptarët e burgosur në Korfuz në grevë urie: Na trajtojnë në mënyrë çnjerëzorë appeared first on Albeu.com.