Kur Urim Pomari doli nga burgu me 21 tetor, ai iu rikthye shitjes së kokainës siç raporton ky portal britanik.

Ai krijoi një grup në platformën Whatsupp ku dërgonte oferta për shitje kokaine duke përdorur edhe emoji-n e dëborës si kod për drogën.

Gabimisht në këtë grup, ai kishte futur edhe numrin e oficerit të shërbimit të provës, tek i cili duhej të paraqitej çdo javë.

Pasi u pa mesazhi, policia bastisi shtëpinë e tij në Ipswich. Brenda u gjetën kokainë, peshore dhe 1,255 paund para cash.

Gabimi i tij u përmend edhe në sallën e gjyqit.

Gjyqtarja Nicola Talbot-Hadley tha se Pomari “nuk është një kriminel i sofistikuar” dhe e quajti “budallallëk” faktin që i kishte dërguar mesazh oficerit të provës.

Ajo urdhëroi që paratë e sekuestruara të dërgohen për bamirësi.

Në fund, gjykata e dënoi me 2 vite e 4 muaj burg.

The post Gabimi në WhatsApp e çon sërish në burg shqiptarin në Angli: Fut në grup edhe oficerin e provës appeared first on Albeu.com.

“Jam rritur në Suadiye, një lagje rezidenciale në pjesën aziatike të qytetit, me fusha futbolli e basketbolli për djemtë. Është një zonë e banuar nga emigrantë të gjeneratës së dytë e të tretë, si gjyshërit e mi me origjinë kosovare e shqiptare, që kishin ardhur në Turqi gjatë luftës. Ata mes tyre flisnin shqip”, u shpreh aktori.

I pyetur nëse di të flasë shqip, Can Yaman tha: “Jo! Babai ka lindur në Turqi dhe unë jam rritur si një djalë tipik i Stambollit, edhe pse mes njerëzve nga kudo. Nuk na habisin kulturat e ndryshme, ato janë pjesë e historisë së Perandorisë Osmane. Turqia ka shumë migrantë dhe vendndodhja jonë mes Lindjes, Europës dhe Afrikës së Veriut ndikon shumë në këtë. Si i rritur, mund të zgjedhësh vetë nëse do të jesh më perëndimor apo më lindor.”

Ky rrëfim i aktorit hedh dritë mbi rrënjët e tij dhe përforcon lidhjen e tij me trashëgiminë kulturore shqiptare, edhe pse ai vetë nuk e flet gjuhën shqipe.

The post Can Yaman zbulon origjinën shqiptare: “Nana ime është nga Kosova” appeared first on Albeu.com.

Bëhet fjalë për 27-vjeçarin Sulo Astrit Halili nga Becishti, Tepelenë, i cili rezulton i zhdukur prej pasdites së 4 nëntorit.

Ai mësohet se kishte ikur nga banesa e tij në Halkida dhe prej atëherë nuk ka dhënë shenja jete, ndërkohë që mjeti i tij është gjetur i braktisur në Vilia të Athinës.

Halili ka flokë të shkurtër ngjyrë kafe të errët, sy kafe, është 1.70 m i gjatë dhe është i dobët. Ai ka mjekër dhe një tatuazh në krahun e majtë me dy trëndafila, një yll dhe shkronja. Ditën që u zhduk, ai mbante veshur një këmishë të zezë, xhinse të zeza Cargo dhe atlete të bardha.

Autopsia e trupit të gjetur të djegur të premten, ka zbuluar se viktima ishte qëlluar një herë me armë zjarri dhe më pas ishte djegur. Ai u gjet me pranga në sediljen e pasme të një mjeti te vjedhur në Glifadha dhe me targa të një mjeti të ngjashëm në Katerini.

Policia dyshon se viktima mund të jetë përfshirë në veprimtari kriminale ose është gjetur në vendin e gabuar në kohën e gabuar. Priten analizat e ADN për të vërtetuar identitetin e tij.

The post EMRI/ Një trup u gjet i karbonizuar brenda një mjeti në Greqi, ky është shqiptari që dyshohet se mund të jetë viktima! appeared first on Albeu.com.

Boksieri 28-vjeçar do të duelojë në arenën e famshëm “O₂” të Londrës për titullin e madh botëror IBO në peshën kruizer, deri në 90 kg. Uldedaj shkon në këtë përballje me një bilanc të jashtëzakonshëm në ringun profesionist, ku ka shënuar 20 fitore e vetëm një humbje. 8 nga fitoret e boksierit lezhjan janë me KO.

Përballë tij do të jetë kamerunasi Rolli Lambert Fogum, i cili gjithashtu vjen pas një ecurie të mirë, pasi 36-vjeçari ka një rekord personal prej 18 fitoresh, 1 barazimi e 3 humbjesh në ringun profesionist, ku duhet theksuar se 14 prej tyre janë me KO.

Kjo është hera e parë në histori që një boksier shqiptar është sfidant për një titull botëror të këtij niveli, duke llogaritur se IBO është një prej federatave më të njohura të boksit në botë dhe vetëm boksierët më elitarë garojnë për të fituar brezin e kampionit.

The post Moment historik për boksin shqiptar, Jurgen Uldedaj ngjitet në ring për titullin kampion bote të IBO appeared first on Albeu.com.

Ngjarja ndodhi rreth orës 18:00, teksa viktima ndodhej mbi një pemë duke punuar me një sharrë elektrike. Për shkaqe ende të paqarta, ai humbi kontrollin e mjetit prerës, duke u rrëzuar nga pema dhe sharra i ra mbi këmbë.

Goditja preku arterien e kofshës, duke shkaktuar gjakderdhje të madhe, e cila solli vdekjen e tij. Pavarësisht se u transportua me urgjencë drejt spitalit, 50-vjeçari nuk arriti t’u mbijetonte plagëve të marra.

The post E rëndë në Greqi, humb jetën 50-vjeçari shqiptar, sharra elektrike i preu këmbën appeared first on Albeu.com.

Shqiptar i Kosovës që do të udhëtonte nga Zvicra drejt vendlindjes, ka tentuar të hapë derën e avionit.

Pas kësaj kanë qenë udhëtarët ata të cilët kanë reaguar menjëherë, duke u munduar ta mbajnë nën kontroll shqiptarin.

Disa persona janë hedhur mbi të riun, ndërsa më pas dy djem të tjerë për ta neutralizuar e kanë mbajtur me forcë.

Ndërhyrja e policisë ka qenë ajo e cila ka neutralizuar përfundimisht situatën. Shqiptari nga ana tjetër ka ofenduar dhe folur me tone të ashpra.

The post Panik gjatë fluturimit Gjenevë-Prishtinë, shqiptari tenton të hapë derën e avionit! appeared first on Albeu.com.

Viktima është shtetasi Artur Çela, rreth 50-vjeç, me origjinë nga Tirana, i cili jetonte prej shumë vitesh me familjen në shtetin fqinj.

Mediat italiane, raportojnë se shqiptari po udhëtonte me një motor kur u përplas me një makinë. Drejt vendit të ngjarjes shkuan zjarrfikësit dhe urgjenca, por ishte tepër vonë.

Dyshimet e para janë që aksidenti është shkaktuar si pasojë e një parakalimi të gabuar të shqiptarit, por kjo pritet të vërtetohet në vijim.

Personat që ndodheshin në makinë shpëtuan pa lëndime serioze.

Artur Çela, jetonte me familjen në Concordia Sagittarian prej 20 vitesh dhe punonte në ndërtim.

The post Aksident i rëndë në Itali/ Humb jetën 50-vjeçari shqiptar (EMRI+FOTO) appeared first on Albeu.com.

Ngjarja e rëndë ka ndodhur para një lokali në Fontanafredda. Sipas informacioneve, autori është nga Fushë-Kruja, ndërsa është ndaluar edhe babai i tij.

Sipas asaj që bëjnë me dije mediat italiane, viktima Vladimir Topjana, kishte dalë për të parë ndeshjen Roma-Juventus në një lokal, së bashku me djalin e tij 17-vjeçar.

Autori i dyshuar, një 30-vjeçar shqiptar, mbërriti pranë lokalit me një “Audi” dhe në debat e sipër me Topjanën, e ka qëlluar me armë zjarri.

Klientët e lokalit ku ndodhi konflikti kanë tentuar të ndajnë dy shqiptarët, por më kot, pasi 30-vjeçari ka nxjerrë armën dhe ka qëlluar tre herë bashkatdhetarin e tij, duke e lënë të vdekur në vend, pasi një plumb e ka qëlluar në kokë.

The post E rëndë/ Ky është 43-vjeçari shqiptar që u ekzekutua nga bashkëatdhetari në Itali (EMRI) appeared first on Albeu.com.

Gentian Kamberi, 47-vjeç, nga Tirana, drejtonte mjetin taxi me targa TAB-3674 kur është përplasur me mjetin me targa ITK-9340 që drejtohej nga 22-vjecarja greke Ekaterina Caci.

Si pasojë e aksidentit, ka humbur jetën shqiptari, ndërsa janë plagosur lehtë drejtuesja e mjetit tjetër dhe dy pasagjerë të tjerë që ndodheshin në automjetin e saj.

Policia greke ka nisur hetimet për të përcaktuar shkaqet e aksidentit të rëndë.

The post Aksident i rëndë në Greqi, ndërron jetë 47-vjeçari nga Tirana (EMRI+VIDEO) appeared first on Albeu.com.

Bëhet fjalë për ngjarjen e rëndë të ndodhur më 18 nëntor 2024, në Via Patacca 94, në Ercolano, ku shpërthimi në një fabrikë fishekzjarrësh dhe lëndësh plasëse, rrafshoi edhe një shtëpi me tokën, duke shkaktuar vdekjen e dy binjakeve 26-vjeçare nga Marigliano dhe një djali të ri 18-vjeçar, me kombësi shqiptare, Samuel Tafçiu, që punonte në kantierin në fjalë.

Sipas mediave italiane, hetimet e kryera menjëherë nga Karabinierët, nëpërmjet një veprimtarie të detajuar dhe intensive hetimore, kanë bërë të mundur marrjen e indikacioneve të rënda të fajit ndaj të dyshuarit të vendosur në bazë të dekretit të arrestit.

Gjithashtu, mësohet se në poliklinikën e dytë të Napolit po kryhen autopsitë e trupave të tre viktimave: binjakeve Sara dhe Aurora Esposito, 26-vjeçe dhe 18-vjeçarit Samuel Tafçiu, i vrarë nga shpërthimi i dhunshëm, që shkatërroi shtëpinë ku ishte ngritur edhe fabrika ilegale e materialeve piroteknike jokonvencionale.

Punzo gjatë seancës së vlefshmërisë, ka shfrytëzuar të drejtën për të mos u përgjigjur, por ka deklaruar shkurtimisht te gjyqtari se “nuk ka lidhje me gjithë këtë”.

The post Dyshohet se shkaktoi shpërthimin në fabrikën e lëndëve plasëse, vdekja e 18-vjeçarit shqiptar dhe binjakeve, arrestohet 38-vjeçari në Itali appeared first on Albeu.com.