Viktima u gjet e vdekur në rrugë në Londër dhe për këtë krim u vu në pranga shqiptari Koço Selamaj.

Sipas mediave britanike, ky i fundit udhëtoi nga vendi ku qëndronte Eastbourne për në kryeqytet për të vrarë mësuesen.

Arsyet janë ende enigmatike, pasi ai nuk e njihte më parë Sabina Nessa-n. Hetimet vazhdojnë ndërkohë, por shqiptari edhe pse pranon se e ka dhunuar të renë, nuk pranon se e ka vrarë.

Sipas ekspertizës, vdekja e Sabina-s ka ardhur si pasojë e rrahjes brutale.  Selamaj e ndaloi Nessa-n në një park në Kidbrooke, në jug-lindje të Londrës dhe nisi ta sulmonte fizikisht.

Pamjet e kamerave të sigurisë kanë kapur momentin kur shqiptari mbante në dorë një objekt, me të cilin goditi deri në vdekje 28-vjeçaren. /albeu.com/

The post Dhunoi për vdekje mësuesen mes rrugëve në Londër, shqiptari habit me dëshminë e fundit appeared first on Albeu.com.

-Anjez Hamza vjeç 17 i shpallur i humbur prej 07.09.2021 në zonën Oxfordshire.

-Andi Aliaj vjeç 16 i shpallur i humbur prej 19.07.2021 në zonën Middlesbrough, North Yorkshire.

-Elis Celkupa vjeç 16 i shpallur i humbur prej 09.08.2021 në zonën Croydon Londër.

-Sufjan Kastrati vjec 17 i shpallur i humbur prej 20.08.2021 në zonën Enfield Londër.

-Tahir Lala vjeç 16 i shpallur i humbur prej 20.09 .2021 në zonën Hove Sussex.

-Denis Haliaj vjeç 17 i shpallur i humbur prej 15.08 .2021 në zonën Crumpsall, Manchester.

-Adrian Mata vjeç 17 i shpallur i humbur prej 15.04 .2021 në zonën Bradford, ëest Yorkshire

-Arben Axhami vjeç 16 i shpallur i humbur prej 08.02 .2021 në zonën Enfield, Middlesex.

The post Dalin emrat dhe fotot! Tetë minorenë shqiptarë të zhdukur pa gjurmë në Angli (FOTO LAJM) appeared first on Albeu.com.

I riu është ndaluar në Aeroportin e Lisbonës, pasi tentoi të kalonte kufirin me dokumenta të falsifkuara.

Mediat e huaja shkruajnë se bashkë me të është arrestuar edhe një person tjetër (grua) që e shoqëronte, i cili akuzohet për dhënien e ndihmës për kalim të emigrantëve të palogjshëm.

Drejtoria Kufitare dhe e Emigracionit në Portugali (SEF) tha se gruaja, kombësia e së cilës nuk u bë e ditur, po përpiqej të hynte në Mbretërinë e Bashkuar, përmes Lisbonës, me një shtetas shqiptar, i cili u arrestua gjithashtu për paraqitjen e një dokumenti të falsifikuar evropian të udhëtimit.

Të dy shtetasit u arrestuan në kontrollin kufitar të nisjeve ndërkombëtare të aeroportit kur po përgatiteshin të hipnin në një fluturim për në Bristol, në Mbretërinë e Bashkuar. /albeu.com/

The post U nis drejt Anglisë! Policia i ndërpret ëndrrën në mes të riut shqiptar, kapet në Lisbonë appeared first on Albeu.com.

Shtetasi me iniciale A.M., i cili hyri ilegalisht në Mbretërinë e Bashkuar me 68 emigrantë të tjerë shqiptarë ka kërkuar azil me pretendimin se ka frikë nga gjakmarrja nëse dërgohet pas në vendlindje.

Vrasësi shqiptar, i cili qëlloi për vdekje një grua para vajzës 8-vjeçare, pohon gjithashtu se edhe vetë është një viktimë e trafikimit pasi u dërgua në Angli me anije peshkimi duke paguar 3,000 paund.

Ai është mbajtur në paraburgim që nga nëntori i vitit të shkuar teksa kërkon që të mos depërtohet në Shqipëri. Por edhe në Britani, i riu shqiptar nuk është “në rrugën e duhur” pasi u kap nga Policia me drogë të klasit A. Ndërkohë që në Shqipëri, përveç dënimit me 15 vjet për vrasje, ai është burgosur për dy vjet për vjedhje dhe 16 muaj për një vepër tjetër penale që ende nuk dihet.

Vrasësi, të cilit i është dhënë anonimati nga gjykata, ishte midis 69 shqiptarëve që kanë qenë në gjendje të qëndrojnë në Mbretërinë e Bashkuar për shkak të një “ngërçi” ligjor. Anija e tyre u pikas në kohë, por Policia nuk i prangoste dot pasi ende nuk kishin shkelur në tokën Britanike – një kriter kyç sipas ligjeve britanike.

The post Vrau gruan në sy të vajzës 8-vjeçare e kërkon azil në Angli, historia e shqiptarit habit britanikët appeared first on Albeu.com.