Ai u ndal edhe te situata e protestave para Kryeministrisë, duke përmendur ndërhyrjet e përsëritura të policisë ndaj protestës së organizuar nga Adriatik Lapaj, të cilën e cilësoi si paqësore dhe qytetare. Sipas Berishës, këto veprime tregojnë, sipas tij, frikën e qeverisë ndaj reagimit qytetar.

Berisha theksoi se Partia Demokratike është e vendosur të çojë përpara këtë betejë politike deri në fund, duke e konsideruar atë si vendimtare për ndryshimin e situatës politike në vend.

DEKLARATA:

Të dashur qytetarë dhe qytetare, të pranishëm sot në këtë shesh, një përshëndetje të përzemërt, vëllazërore. Të nderuar deputetë të opozitës, drejtues të PD. Të nderuar protestues të partisë Shqipëria Bëhet. Sonte, ne mblidhemi për të shpallur para jush këtu, për të shpallur para mbarë shqiptarëve se PD nis betejën e saj përfundimtare për fitoren e opozitës, për fitoren e shqiptarëve.

Miqtë e mi, parafolësit këtu theksuan se Edi Rama është një hajdut i papërmbajtur, por në të gjitha ligësitë e njeriut, ajo që shterron guximin më shumë është vjedhja. Ndaj dhe Edi Rama është frikacaku më i madh që ka njohur Shqipëria në atë detyrë. Vetëm një moment, shikoni se ç’bën çdo natë me Adriatik Lapajn, në protestën e tij më qytetare, më civile. Vë një karrige aty, disa mjete dhe proteston në emër të çdo qytetari. Çdo ditë, me orë të tëra policia, banditët ua heqin çadrat, u heqin tavolinat, u heqin ujin me akte banditeske. Pse kjo?

Sepse ai është kryefrikacaku i kombit. Kryehajduti është edhe kryefrikacaku i kombit. Dhe u garantoj unë se ai është aty, se ai vjedh shqiptarët ditë e natë, nuk ngopet kurrë, e tha bukur Gëzim Sadiku, ai nuk ngopet kurrë. Ai i bën të gjitha këto vetëm për shkakun tonë, se e lejojmë ne. U jap ju fjalën e nderit, se kur ta zëmë në këtë shesh, me betimin se nuk e lëshojmë pa largimin e tij, ai do ia mbathë. Po, po miq.

The post Berisha përshëndet protestuesit e partisë ‘Shqipëria Bëhet’: Kur ne të zëmë këtë shesh me betimin se nuk do e lëshojmë pa largimin e Ramës, ai do ia mbathë appeared first on Albeu.com.

Por mbrëmjen e sotme, për të dytën herë, Policia e Tiranës ka ndërhyrë me forcë, duke u hequr çadrat si një zaptim i paligjshëm i hapësirës publike.

Policia ka larguar çadrat, edhe pse kryetari Adriatik Lapaj dhe mbështetësit e tij kanë rezistuar.

Qytetarët kanë kundërshtuar veprimet e policisë duke mos lejuar heqjen e çadrave. Ata pretendojnë se nuk kanë shkelur asnjë ligj dhe liria e protestave është e garantuar me ligj dhe Kushtetutë.

Në protestën e organizuar para Kryeministrisë, kreu i “Shqipëria Bëhet”, dhe qytetarët kanë vendosur të ngrenë çadrat dhe ky ka qenë edhe moment kur ka ndërhyrë policia. Efektivët kanë tentuar t’i largojnë çadrat dhe ka pasur edhe kundërshtime dhe përplasje mes palëve.

The post Protesta e “Shqipëria Bëhet” para Kryeministrisë, Policia ndërhyn me forcë dhe u heq përsëri çadrat appeared first on Albeu.com.

Kreu i lëvizjes, Adriatik Lapaj, në fjalën e mbajtur gjatë aktivitetit, kujtoi fillimet e këtij rrugëtimi, të nisur nga një grup prej 25 personash që besuan se ndryshimi është i mundur.

Ai pranoi se në këto dy vite nuk kanë munguar gabimet, por theksoi se ato janë dëshmi përpjekjeje dhe jo dështimi.

“Dy vite më parë, nga Mirdita e vlerave nisëm një rrugëtim idealesh. Ishim 25 ëndërrimtarë që i hymë detit në këmbë. Në 18 muaj organizuam dhjetëra takime brenda dhe jashtë vendit. Gabimet tona janë prova se jemi gjallë dhe nuk kemi hequr dorë,” u shpreh Lapaj.

Ai iu drejtua qytetarëve me një thirrje për guxim dhe vetëbesim.

“Guxoni të mos ndaloni dhe të shkundni këdo që mendon se nuk ka shpresë. Sa më shumë na lufton sistemi, aq më shumë duhet të luftojmë. Nga guximi juaj sot, mund të qeshin fëmijët nesër.”

Lapaj përmbylli fjalën e tij me mesazhin se Shqipëria mund të ndërtohet ndryshe, përmes përpjekjes, vullnetit dhe një vizioni të përbashkët për një të ardhme më të mirë.

The post “Shqipëria Bëhet” feston 2-vjetorin, Lapaj: Ishim 25 ëndërrimtarë që i hymë detit në këmbë! appeared first on Albeu.com.