Në rajonin e Gjakovës, gjatë nëntë ditëve me angazhim intensiv, kadetët realizuan operacione luftarake në nivel togu dhe kompanie, duke i zbatuar në terren njohuritë teorike dhe praktike të përfituara përgjatë vitit akademik.

Ky vlerësim praktik përfshiu planifikimin dhe zbatimin e operacioneve luftarake, aplikimin e drilleve të betejës, bashkërendimin mes njësive, si dhe marrjen e vendimeve në kushte dinamike. Përmes këtyre aktiviteteve u synua fuqizimi i aftësive udhëheqëse, disiplinës dhe frymës së ekipit te kadetët.

Sipas organizatorëve, ushtrimi përbëri një test të plotë të përgatitjes profesionale të kadetëve, duke konfirmuar gatishmërinë e tyre për t’u përballur me sfidat operacionale dhe për të zbatuar standardet më të larta të trajnimit ushtarak.

The post Qendra për Studime Universitare mbyll me sukses vlerësimin praktik “Qielli i Shqiponjave 2026” appeared first on Albeu.com.