shqipetar Archives - Albeu.com

Në kërkim ndërkombëtar nga Belgjika për disa vepra penale, vihet në pranga 41-vjeçari shqiptar, tentoi të kalonte në Mal të Zi

M C — Sun, 24 Aug 2025 17:53:06 +0000

Një 41-vjeçari shqiptar i shpallur në kërkim nëdërkombëtar është vënë në pranga në pikën kufitare në Han të Hotit. Mësohet se shqiptari po tentonte të hynte në Mal të Zi ku dhe u prangos në pikën kufitare malazeze në Bozaj.

41-vjeçari është identifikuar me inicialet S.X. Sipas mediave malazeze shqiptari ishtë në kërkim nga Belgjika. Ndaj tij ishtë lëshuar një urdhërarresti më datë 25 prill. Ai akuzohet për disa vepra penale ndër të cilat trafik droge dhe pjesë e një organizate kriminale.

“Oficerët e policisë nga Stacioni i Policisë Kufitare të Podgoricës kontrolluan në pikën kufitare shoferin SX (41), shtetas të Republikës së Shqipërisë, për të cilin, pas verifikimit të të dhënave përmes të dhënave elektronike, u përcaktua se ai kërkohej nga NCB Interpol Bruksel. Kontrolli konfirmoi se për SX ishte lëshuar një urdhër arresti ndërkombëtar më 25 prill për disa vepra penale, përkatësisht: trafikim me narkotikë, krijim i një organizate kriminale dhe falsifikim dokumentesh”, njoftoi policia.

The post Në kërkim ndërkombëtar nga Belgjika për disa vepra penale, vihet në pranga 41-vjeçari shqiptar, tentoi të kalonte në Mal të Zi appeared first on Albeu.com.

Pjesë e bandës italo-marokene, arrestohet 40 vjeçari shqiptar

E S — Wed, 01 Jun 2022 16:04:19 +0000

Policia italiane ka sekuestruar 15 kilogramë drogë dhe më shumë se 25 mijë euro gjatë goditjes së ditës së sotme ndaj një bande italo-shqiptaro-marokene.

Në këtë operacion janë angazhuar më shumë se 90 agjentë të antidrogës italiane. Hetimet kishin nisur një vit më parë kur një person u kap me kokainë.

Që prej atij momenti filluan ndjekjet, vëzhgimet, përgjimet dhe kontrollet për të gjurmuar rrjetin e trafikantëve të drogës që vepronte në qytetin e Novaras me degë në të gjithë Piemonten dhe Lombardinë, shkruajnë mediat italiane.

Sipas policisë italiane grupi i trafikut të drogës transportonte 20 deri në 30 kilogramë marijuanë dhe një kilogram kokainë çdo muaj. Më pas ata ua shisnin trafikantëve të tjerë duke krijuar një rrjet mjaft fitimprurës.

Nga operacioni të policisë kanë rënë në pranga një 30 vjeçar, një 40 vjeçar dhe një 34 vjeçar përkatësisht me kombësi italiane, shqiptare dhe marokene.

Pas arrestimeve, gjykata ka dhënë edhe 12 masa paraprake ndaj rrjetit të trafikantëve, ku 4 persona janë lënë në burg, 3 arrest shtëpie dhe pesë detyrim-paraqitje.

The post Pjesë e bandës italo-marokene, arrestohet 40 vjeçari shqiptar appeared first on Albeu.com.

Furnitor i VIP-ave grekë, kapet për trafik kokaine shqiptari në Greqi

admin — Sat, 13 Mar 2021 17:46:16 +0000

Një shqiptar është arrestuar në Greqi pasi akuzohet për trafik kokaine.

Të arrestuarit grekë janë një stilist i njohur emri i të cilit nuk bëhet i ditur dhe një pilot, ndërsa shqiptari i prangosur është fotograf.

Policia greke thotë se qarku ka funksionuar mjaft mirë në 3 muajt e fundit, ku të arrestuarit u dërgonin kokainën në shtëpi VIP-ave nga fusha artistike, showbiz dhe më gjerë.

Bazë për përgatitjen e drogës shqiptari dhe dy grekët kishin shtëpitë e tyre.

Nga kontrolli u zbuluan dhe sekuestruan; sasi kokaine, pesha totale 795.1 gram, sasi e vogël kanabisi, 30,9 gram, 3 pistoleta, njëra prej të cilave ishte vjedhur, 784 gëzhoja, të llojeve dhe kalibrave të ndryshme, 4 peshore precize, 9 telefona celularë dhe 8570 euro nga trafiku i drogës. /albeu.com/

The post Furnitor i VIP-ave grekë, kapet për trafik kokaine shqiptari në Greqi appeared first on Albeu.com.