Stadiumi “Loro Boriçi” do të presë më 9 tetor përballjen mes Shqipërisë së vajzave dhe Uellsit, e vlefshme për fazën “play off” të Kupës së Botës 2028.

Federata Shqiptare e Futbollit u ka bërë thirrje tifozëve të jenë të pranishëm në këtë ndeshje, e cila mund të ketë një ndikim të rëndësishëm në aktin e parë të kësaj faze.

Mbështetja nga tribuna pritet të jetë e madhe, pasi hyrja në stadium do të jetë falas. Prania e “lojtarit të 12-të” shihet si një ndihmë e rëndësishme për t’i dhënë skuadrës kuqezi më shumë forcë.

Nën drejtimin e trajnerit Armir Grima, vajzat kuqezi po zhvillojnë përgatitjet maksimale me synimin për të bërë një paraqitje të mirë dhe për të siguruar një rezultat pozitiv për ndeshjen e kthimit, që do të luhet në Uells më 13 tetor.

The post Shqipëria e vajzave nis në “Loro Boriçi” betejën me Uellsin për Botërorin 2028 appeared first on Albeu.com.